星島新聞集團主席何柱國，上星期接受三藩市星島中文電台訪問， 力挺梁振英，兼批唐英年，成為政界話題。
何柱國話：「選舉的時候我反對梁振英做， 支持唐英年，但睇番梁振英今日做得唔差，我覺得佢好勤力， 有人話佢作風硬過頭，但如果畀我做特首，可能仲硬過佢。」
何柱國更針對唐英年早前公開批評「梁振英政府不夠謙卑， 擔心官民溝通不足，以致年輕人愈趨激進」，何柱國力批唐英年「 不合邏輯，政府已經被逼到埋牆角，點謙卑呀？跪喺度呀？ 要知道今日唔係你做，講就容易，到你做的時候就唔同。」
何柱國又重申，目前不少有志從政的本土派及年輕人， 都沒有周全想法，家長有責任做好家庭教育：「 唔好問國家能夠為你做啲咩，你哋可以為國家做啲咩先？」
政界中人第一個關心角度，是何柱國成為大力挺梁份子。第二個角度， 係佢大鬧唐英年。據知情人士話，何柱國鬧唐英年有遠因，話說201 5年5月，唐英年搞香港江蘇社團總會，自己出任會長， 搵咗何柱國參加，後來大家在討論時，唐唐叫何柱國收聲， 搞到佢震怒。
何柱國好唔老黎，退出了江蘇社團總會。如今覺得唐唐講年青人問題唔啱聽，自然鬧番夠本。
Ariel
** 博客文章文責自負,不代表本公司立場 **
立法會換屆選舉將在9月舉行，「傳統泛民」為搶年青選票，向激進本土思潮靠攏，不想選票流向本土派。
公民黨早前發表《十周年宣言》，已鼓吹「本土自主」。民主黨人曾經批評為「內容空洞，口水嘢」。但言猶在耳，民主黨亦改絃更張，開始玩這一套。
香港大學昨日舉行名為「大陸化下，我城未來」論壇。 民主黨中常委區諾軒話，全國人大常委會頒佈「8．31」決議後，港人對一國兩制的期許已經走樣，一國兩制已破產，不希望香港變成另一個內地省市。現時最重要已不是考慮立場溫和與否，最重要的是維護港人核心價值和利益。
區諾軒聲言民主黨不認同「港獨」，但該黨決定將仿效當年台灣民進黨回應「大陸與台灣」 問題的方式，草擬一份「決議文」，寫下該黨認為要守護的「 香港本土價值」，令民主黨「有理有節」 地回應一國兩制與香港未來等時代挑戰。
區諾軒話，「決議文」主要分為兩部分：本土論述及一國兩制，並會講到香港在2047年後應如何自處、政改如何推進等，也會涉及反對派如何與中央溝通，「決議文」將於會員大會通過後，於5月公佈。
政界八卦友話，民主黨初時當公民黨《十周年宣言》 的本土論述無料到，諗諗吓才知道是搶年青人票的行為。加上又見兩會期間阿爺都無乜鬧港獨，好似好寛鬆，咁就唔好執輸啦，都搞番份本土決議文，補補飛先。否則到9月選舉 ，被本土派和黃之鋒個新政黨兩面夾攻，都唔係幾棧架。
