「男神」劉鳴煒自貼同女友合照晒幸福

劉鳴煒早前被傳媒爆出同摩根大通的金融之花奚倩雯Estella拍拖，「男神」雖然封盤，但感情事仍惹人關注。他凌晨在facebook上載與女友Estella 的合照，首次自己貼出兩個人手拖手的相，幸福放閃。

劉鳴煒fb圖片

劉鳴煒去了台東參加「Challenge Taiwan」三項鐵人賽，原來Estella做「跟得女友」飛過去陪賽，照片只到兩人的背影，另一張就見到佢哋頭貼頭，Estella仲攞住個獎牌添！

兩個人笑得好開心，但原來劉鳴煒係抱病作賽，佢用英文留言，大意係感冒未清，忍受住傷痛比賽，難以忍受的發熱仲有水泡，比賽期間相當難捱。

劉鳴煒fb圖片

不過睇埋最後兩句，就咩都冧晒啦︰「But Estella Hai walked the last 17km with me and that made everything alright.」（但Estella陪我走過最後的17公里，讓一切好起來。）

劉鳴煒早兩日已喺fb話自己病咗，佢今次參加「Challenge Taiwan226」組別，又要游水3.8公里、踏單車180公里，最後仲要跑42公里。病咗比賽當然辛苦，但有位貼心女友支持，一切痛苦都唔記得囉！

劉鳴煒同Estella拍拖一段時間，兩人感情唔錯，劉鳴煒喺情人節時，仲親手炮製精心晚餐氹Estella開心添。

Ariel

** 博客文章文責自負,不代表本公司立場 **

選舉事務處公開本土民主前線梁天琦在新界東補選的開支，申報用咗超過75萬，部分開支十分離奇，亦暴露咗年初一晩暴亂之夜佢地的動向。

梁天琦的開支單據顯示，佢在2月8號初一晚旺角暴動前幾日，買咗3部平價智能電話，和10張太空電話咭。做選舉的溝通，點解要用太空咭咁神秘，套用傳媒睇巴拿馬文件的邏輯：神秘行動有可疑。

另外，梁天琦又有一項1,400元「文件銷毀」的開支，在選後銷毀咗140箱文件，若是選民資料，為何急急銷毀，9月選舉唔使再用？

申報又顯示梁天琦等到8號初一晚的行縱，佢地夜晚8點半同9號凌晨在砵蘭街一間便利店買過飲品，9號凌晨3點幾就坐過的士。唔知係唔係3點走咗。

另外，梁天琦申報收到51萬捐助，除了毓民的普羅政治學苑合共捐出9.7萬之外，更大手筆捐款來自一位叫Lam Aileen嘅人士，呢位人士前後捐咗近18.2萬畀梁天琦，另一主要捐款者叫做劉可恩，合共捐咗15萬，佢地都係梁天琦的擁躉也。