《勝在夠開心》李有毅驚喜做主持 阮兆祥贏「兩餸飯」爆爛Gag

李有毅下年有機會拍劇？

問答遊戲節目《傳承‧狂歡55：撒隆巴斯消炎鎮痛貼呈獻：答得快 好世界》，逢周一至三晚10點半翡翠台播出，節目由張秀文、鄭衍峰擔任主持。

今集重現嘅經典遊戲節目係《勝在夠開心》。

李有毅、韓馬利合體擔任嘉賓主持。

10月12日晚播出的第6集，重現的經典遊戲節目是《勝在夠開心》，《勝》於1985年首播，4年間共播出208集，備受觀眾喜愛。節目邀來元祖級主持李有毅、韓馬利擔任嘉賓主持，久違的李有毅笑言：「上年上過嚟唱歌，今年上嚟做主持，出年就唔知喇。」鄭衍峰笑言拍劇，大家即拍晒手掌支持。

李有毅Keep得唔錯喎。

「都市至尊隊」的安德尊（右起）、宋芝齡、黃亞保、林秀怡

「啱曬嘴型隊」的阮兆祥（左起）、陳自瑤、黃俊豪、戴耀明

來到初賽最後一場比賽，氣氛十分熾熱，「都市至尊隊」的安德尊（大王）、宋芝齡、黃亞保及林秀怡，對戰「啱曬嘴型隊」的阮兆祥、陳自瑤、黃俊豪及戴耀明，爭取殺入準決賽的入場券。首個回合「氹氹轉大激戰」已經相當緊張刺激，兩隊搶答問題爭取轉輪盤機會，累積點數最接近200點的一組勝出，而超過200點則即時「爆煲」。身為大廚的保哥竟然兩度答錯關於飲食題目，分別是「黃喉究竟係咩部位」及「紅燒代表咩茶餐廳食物」，老貓燒鬚的保哥慘遭隊友「圍毆」，認真慘豬！去到尾聲兩隊分數咬得相當緊，大王及祥師兄更親自出馬轉輪盤。

大王親自出動轉輪盤。

家都情緒高漲。

保哥（左2）竟然連環答錯飲食題，真係要打Pat Pat。

做乜笑到咁開心呢？

「峰迴路轉奪錦標」夠晒經典。

最後的環節「峰迴路轉奪錦標」同樣刺激，兩隊搶答關於交通的問題，每答對一題即可獲得一份禮物及一張方向卡，並技巧地利用所得方向卡鬥快步向「錦標」爭取額外分數。當中祥師兄答中問題贏得「Canteen兩餸飯」，出名鬼馬的他即大講爛Gag：「我哋要搵夠18位朋友一齊食，因為可以『十八雙餸（相送）』呀！」引得全場爆笑。

祥師兄（左）嘅地方，就有爛Gag。

究竟邊一隊最後能夠晉級準決賽呢？

藝人譚永浩（Jarryd）日前攜KOL女友杜小喬到新城廣播接受李有毅（Ben）與兒子李國煒（Benson）主持的《Ben同Benson「Chru」到行》錄音訪問，回顧入行以來的辛酸歷程，他透露初入行時經濟拮据，銀行戶口曾一度只剩下雙位數，連增值八達通也無能為力，要問朋友借一百元應急。

譚永浩接受新城《Ben同Benson「Chru」到行》訪問。

Jarryd在節目中憶述當年經濟最困難的時刻，「嗰時其實都真係幾難捱，冇得去做自己鍾意嘅事，冇得去食自己鍾意嘅嘢，燒味飯抵食就食燒味飯。」他慶幸當時與家人同住，至少不用擔心租金開支，但其他生活支出只能靠過往在銀行工作時儲下的積蓄支撐。他透露：「我記得有一次去到戶口真係冇錢，只有雙位數，㩒唔到錢，我增值八達通都冇錢。」

他續說：「記得當時我喺將軍澳，因為我放工喺TVB，然後我要問一個住喺將軍澳嘅朋友，可唔可以過錢畀我，畀我一百蚊增值。」Jarryd坦言：「係試過一段咁樣嘅時間，所以好記得。」他形容這段經歷讓他更珍惜現在擁有的一切。

譚永浩自爆銀行曾剩雙位數。

Jarryd在訪問中亦提到，從TVB藝員訓練班畢業後，與一班同學一同捱過不少苦日子。他說：「一開始訓練班出嚟嘅每個人都係咁，一定演好多劇集入面嘅『茄哩啡』角色，士兵、醫院嘅醫生。」

他分享了一個最深刻的畫面：「記得有一次我哋做清兵，唔使埋位時，我哋一班同學一齊瞓喺廠嘅旁邊，因為我哋要等，冇特別地方，鋪一張紙喺嗰到，成班人都瞓喺嗰到休息，我覺得我哋好似難民咁。」由於是新入行，有時候工作人員對待他們的態度也會較差，但幸好有一班同學共同面對、一同捱過這段時間，他說：「雖然係苦嘅，但都過得開心。」

譚永浩感激「神賜」女友杜小喬。

然而在疫情期間，演藝工作全面停擺，為了不想重蹈戶口沒錢的覆轍，他決定放下身段。他說：「以前我一定唔會應承，我係做演藝，你叫我送外賣？我一定唔會。」但他最終改變心態，與朋友創辦網上買餸平台，親自處理執貨、送貨等工作，這段經歷後來更成為他首支派台歌《光》的MV創作靈感，而他在MV中正是飾演一名外賣員。

談及新歌《光》，Jarryd指歌曲內容正是講述人生中經歷黑暗時期，要抓緊心中的希望。他說：「我哋人生一定會遇到好多黑暗時期，但唔可以放棄我哋心裡面嘅嗰一道光，一定要向住佢進發，先可以走到一個光明嘅對岸。」

左起：李有毅太太、李有毅、譚永浩、譚永浩KOL女朋友杜小喬、李國煒

2019年，Jarryd参演音樂劇《我們的青春日誌》成為重要轉捩點。他說在過程中學到很多東西，「因為做音樂劇，我開始唱番好多歌，重燃我想做歌嗰團火。」他更透過這套音樂劇認識了女友杜小喬。Jarryd說：「其中一個最大嘅得著一定係識到我依家嘅女朋友，嗰時我哋係男女主角。」他形容這段關係是「神賜給我的一個禮物」。