臥龍大貓熊中心港人免費 林鄭開幕抱熊貓

政務司司長林鄭月娥今早去到四川臥龍，主持香港援建的「中華大熊貓苑」開幕儀式，並參觀咗保育熊貓的場地。

林鄭月娥抱熊貓

「中華大熊貓苑」為咗感謝香港支持佢哋重建，以後香港居民參觀「中華大熊貓苑」，同埋另外一個都江堰的大熊貓疾控基地都可以免費，「中華大熊貓苑」的入場費係要90元人民幣，都江堰的入場費就係人民幣58元。

乖！乖！

熊貓的確人見人愛

林鄭月娥亦嘗試去抱大熊貓，不過佢話大熊貓都好重，唔係咁容易抱得起，林鄭話佢抱起一隻大熊貓，佢係香港大熊貓「佳佳」的曾孫女，叫做「冰冰」，不過啲熊貓仔似乎唔多聽話，俾林鄭抱咗無耐就跳返落地面。

優閒的熊貓

這頭熊貓似乎很「為食」啊！

另外，林鄭月娥亦主持咗香港支援的「國道303」，映秀至臥龍公路的開幕式，呢條公路歷時八年先起好，當中經歷過2011年泥石流的襲擊，全長45公里終於喺今日貫通。

食飽當然要玩餐飽啦！

Ariel

** 博客文章文責自負,不代表本公司立場 **

劉鳴煒早前被傳媒爆出同摩根大通的金融之花奚倩雯Estella拍拖，「男神」雖然封盤，但感情事仍惹人關注。他凌晨在facebook上載與女友Estella 的合照，首次自己貼出兩個人手拖手的相，幸福放閃。

劉鳴煒fb圖片

劉鳴煒去了台東參加「Challenge Taiwan」三項鐵人賽，原來Estella做「跟得女友」飛過去陪賽，照片只到兩人的背影，另一張就見到佢哋頭貼頭，Estella仲攞住個獎牌添！

兩個人笑得好開心，但原來劉鳴煒係抱病作賽，佢用英文留言，大意係感冒未清，忍受住傷痛比賽，難以忍受的發熱仲有水泡，比賽期間相當難捱。

劉鳴煒fb圖片

不過睇埋最後兩句，就咩都冧晒啦︰「But Estella Hai walked the last 17km with me and that made everything alright.」（但Estella陪我走過最後的17公里，讓一切好起來。）

劉鳴煒早兩日已喺fb話自己病咗，佢今次參加「Challenge Taiwan226」組別，又要游水3.8公里、踏單車180公里，最後仲要跑42公里。病咗比賽當然辛苦，但有位貼心女友支持，一切痛苦都唔記得囉！

劉鳴煒同Estella拍拖一段時間，兩人感情唔錯，劉鳴煒喺情人節時，仲親手炮製精心晚餐氹Estella開心添。