高人：泛民被人老點錯判形勢

人大常委會委員長張德江結束訪港，聞說阿爺認為這次香港之行幾成功，但大家千萬不要誤會是和泛民首次見面破冰成功，而是阿爺成功建立起個「勢」，讓香港人知道「一國兩制」應該怎樣。

高人指出中央會覺得有幾個成功之處：

第一， 確立「視察」的規矩。今次張德江是打正旗號來港「視察」，他去政府總部，聽特首和高官滙報香港「一國兩制」的執行情況，指示工作。

第二， 中央覺得「勢在我們」。中央要員來港和港人溝通，用港人接受的方式說話。但清楚地對港獨、自決這些錯誤觀念敲嚮警鐘。

第三， 中央在經濟上提醒港人，逆水行舟，不進則退。叫香港人團結，否則搞不好要自己埋單。

高人話，溝通只是綠葉，不要把張德江和泛民見面的事情睇得太大，這不是主菜，上面說的三點才是主菜。

他認為泛民中人一直受人誤導，才把一些事情無限放大，以致走上錯路。泛民相信了「張德江為和諧而來」、「中央軟，只是CY硬」等說法，而這些說法在部份建制派頭面人物也經常掛在口中，令泛民誤會了，相信了。

從泛民和張德江和泛民見面的情況也可見，泛民不掌握形勢。他們用告狀式的手法，在張德江面前數落CY，民主黨的卿姐咬住不放，張德江回應了，她又再講，講到張德江也不耐煩，話「不是來香港和你打口水戰」，更反問卿姐「剛才我講的有那句說得不對？請你指出來？」顯示張德江已有點不耐煩， 而卿姐當時則未能回應。

公民黨的梁家傑發言更犯忌，指回歸18年一無是處，一國兩制並無落實。這些說法等如全面否定中央對港政策。

高人話，泛民被人「老點」，誤判了形勢。在對話中只識叫口號，「玩政治不是那一個層次」。

Ariel

** 博客文章文責自負,不代表本公司立場 **

重建後嘅皇崗口岸喺2026年10月12日正式開通，實施「一地兩檢」同「合作查驗、一次放行」，仲要24小時通關，真係好方便。開通接近一個月，平日日均出入境人次已經超過86,000，比以往落馬洲管制站多咗成倍；去到週末同假期，日均更加直逼140,000人次，受歡迎程度可見一斑。

不過，人潮多咗，交通需求大增，政府就留意到有市民同旅客貪方便，搭咗啲跨境私家車往返兩地，而且當中部分係非法出租或取酬載客嘅「白牌車」。呢啲車無合法嘅出租汽車許可證，做生意屬刑事罪行。為咗保障乘客同道路使用者安全，政府近期已經明確表示高度關注，執法部門亦加強咗打擊，除咗依法檢控違例司機，仲會扣押涉事車輛。運輸署同警方亦都密密做宣傳，除咗於官方網站及社交媒體發放訊息，運輸署亦向封閉道路通行許可證持有人以及指定跨境駕駛計劃批准信持有人發出電郵，直接提醒相關車主唔好以身試法，列明違法嘅嚴重後果，同時呼籲市民要認清風險。

警方近日在新皇崗口岸拘捕一名42歲持雙程證的內地男司機，涉案豪華七人車亦被拖走扣留檢驗。

可能有人會諗：「有人肯車我，價錢啱咪得囉，做乜要搞咁多嘢？」但高人提醒，從市民自己嘅角度出發，坐「白牌車」其實係一場「搵命搏」嘅賭博，主要有兩大風險：

第一，保險隨時有機會失效，意外隨時面對索償無門。

合法嘅跨境出租車必須持有常規配額、封閉道路通行許可證同出租汽車許可證。但「白牌車」冇呢啲牌，一旦發生交通意外，提供非法服務嘅車輛，佢嘅第三者責任保險係有可能會失效。即係話，如果坐白牌車出事受傷，甚至造成傷亡，你有機會追究無門，無法獲得應有嘅賠償。為咗貪一時方便，將自己同家人嘅安全較飛，值唔值得咩？

第二，罰則極重，唔好以為只係抄牌咁簡單。

根據《道路交通條例》第374章第52(3)條，無牌載客屬刑事罪行。警方會用「放蛇」方式去蒐證，亦會喺口岸一帶同黑點加強巡邏。一旦斷正，首次定罪最高罰款港幣10,000元、監禁6個月，車牌吊銷6個月；如果再犯，最高罰款25,000元、監禁12個月，車牌吊銷12個月。涉案車輛喺吊銷牌照期間要交畀運輸署保管，司機更會被停牌最少12個月至3年。運輸署仲會撤銷埋涉事車輛嘅封閉道路通行許可證。如果涉及內地司機，警方仲會查埋係咪非法勞工或者違反逗留條件，轉交內地執法部門跟進。

其實皇崗口岸嘅交通配套正逐步完善，港九新界都有合法交通工具直達，包括7條專營巴士（6條日間、1條通宵）、3條日間同3條通宵專線小巴、5條短途跨境巴士同長途跨境巴士，仲有市區的士、新界的士同車隧的士。

高人話，政府打擊「白牌車」，並唔係要阻礙大家出行，而係要守住安全底線，同時可令皇崗口岸更暢順。對市民來講，搭合法交通工具先可以保障自己同屋企人。