壹動畫唔得啦!

睇蘋果網見到壹動畫昨日裁員89名人，佔670名員工的13%。睇嚟一波裁員未必夠，可能仲有下一波。

在台灣的壹動畫不屬壹傳媒的上市公司，由大股東肥佬黎私人持有。呢間公司原本只係為蘋果動新聞畫那些虛擬實景公仔，動新聞個「動」字就係指呢啲公仔畫面。兩年多前壹傳媒在台灣搞電視輸到仆，公司缺乏現金，就在2011年6月以1億美元(約7.75億港元)出售壹動畫70%股權俾大股東肥佬黎，然後壹傳媒每年俾番幾千萬壹動畫去買番那些畫動畫的服務，外界當時已將之睇成為肥佬黎變相俾7億幾現金公司週轉，收幾千萬服務費就當利息。到去年9月，壹傳媒將壹動畫餘下的30%股權以1.55億元賣埋俾肥佬黎，即係肥佬夾埋用9.3億左右買起壹動畫。

壹動畫不在上市公司之內，唔知佢盤數點，不過斷估無痛苦，賺錢都唔會裁員啦。

過去聽過壹動畫好多大計，又話在日本搞嘢，但唔知有邊樣得。睇嚟壹動畫的主要收入來源，都係向壹傳媒提供服務。但我用目測(講明唔係好準)，就覺得動新聞用動畫唔係咁多，觀眾睇得那些虛擬實境的動畫多，又覺得不外如是，所以動新聞用少啲動畫唔係咁奇。自己友用得唔多，外邊生意又難做，夾埋真係睇唔到壹動畫盤生意有乜前景喎。

600幾人的公司，即使台灣人工平啲，一年開支隨時要2億以上，如果用好多老外更加唔止，呢個世界搵食艱難，老闆吹乜都假，無錢賺就裁員架啦。

小鯊

** 博客文章文責自負,不代表本公司立場 **

做到咁攰攰哋，估唔到比平時密密實實、老老實實的仁哥會為我哋帶來咁清冷的驚喜，真係爽呀！

見到仁哥睇咁多女，全部都係祖國佳麗，真係分唔清邊個打邊個，小鯊好身痕咁想逐個去查，查到眼花，搵極都搵唔齊，點知轉頭一睇，天下無敵的高登仔，已經做晒我哋想做的嘢。

高登起底組已經將仁哥睇過女，一張張搵番出來，仲放大俾大家睇清楚。至於係咪高質素到要冒死喺立法會睇，就見仁見智喇。