林榮基兒子疑似佈陣裝蘋果

林榮基兒子Phoenix前日返內地，並在facebook留言聲稱是為了「看一個沒有從事書籍業務，甚至沒有寄書到任何地方的普通香港人，會否被無理拘留」。惹得蘋果日報昨日用他作頭條新聞，以為他想入內地以身試法挑戰中央。

但林榮基兒子昨日又在facebook貼3篇聲明，指需定期回內地從事合法業務，無意挑戰或測試任何國家或政權。佢又話自己只是普通港人正常回內地，認為傳媒追訪其行蹤對他造成很大影響，破壞他愛國愛港的良好形象。連蘋果日報在報道中也認為，林榮基兒子講「有傳媒」係指蘋果日報，仲話佢講話「似李波」。

林榮基兒子早前叫人捐錢俾他的「木木書房」，但他昨日在聲明稱，其工作的木木書房並無從事書籍買賣和郵寄，除了一本為內地畫家出版的畫冊和剩餘的教育參考書。因售賣的設計創意產品銷售不理想才回內地拓展業務，重申自己無意挑戰、測試任何國家、政權、官員、人士。

林榮基昨接受電台訪問時，不大願意講兒子的事，認為兒子沒必要回內地，如今「好似未長大，有少少玩火」，希望兒子成熟點。

有政壇八卦友話，林榮基兒子第一日的留言，令蘋果誤信佢會入內挑戰政權，但蘋果只是在facebook上聯絡到他，沒有直接訪問到他。到昨日倒過頭來罵「傳媒」破壞他「受國愛港的良好形象」，對想睇戲的人來說，相當反高潮，令人懷疑，林榮基兒子第一日似是而非的暗示，係唔係佈個陣來裝蘋果，到而家都唔知佢真正動機想點。 總之包括林榮基在內，個個人的行動都好詭異。

Ariel

** 博客文章文責自負,不代表本公司立場 **

重建後嘅皇崗口岸喺2026年10月12日正式開通，實施「一地兩檢」同「合作查驗、一次放行」，仲要24小時通關，真係好方便。開通接近一個月，平日日均出入境人次已經超過86,000，比以往落馬洲管制站多咗成倍；去到週末同假期，日均更加直逼140,000人次，受歡迎程度可見一斑。

不過，人潮多咗，交通需求大增，政府就留意到有市民同旅客貪方便，搭咗啲跨境私家車往返兩地，而且當中部分係非法出租或取酬載客嘅「白牌車」。呢啲車無合法嘅出租汽車許可證，做生意屬刑事罪行。為咗保障乘客同道路使用者安全，政府近期已經明確表示高度關注，執法部門亦加強咗打擊，除咗依法檢控違例司機，仲會扣押涉事車輛。運輸署同警方亦都密密做宣傳，除咗於官方網站及社交媒體發放訊息，運輸署亦向封閉道路通行許可證持有人以及指定跨境駕駛計劃批准信持有人發出電郵，直接提醒相關車主唔好以身試法，列明違法嘅嚴重後果，同時呼籲市民要認清風險。

警方近日在新皇崗口岸拘捕一名42歲持雙程證的內地男司機，涉案豪華七人車亦被拖走扣留檢驗。

可能有人會諗：「有人肯車我，價錢啱咪得囉，做乜要搞咁多嘢？」但高人提醒，從市民自己嘅角度出發，坐「白牌車」其實係一場「搵命搏」嘅賭博，主要有兩大風險：

第一，保險隨時有機會失效，意外隨時面對索償無門。

合法嘅跨境出租車必須持有常規配額、封閉道路通行許可證同出租汽車許可證。但「白牌車」冇呢啲牌，一旦發生交通意外，提供非法服務嘅車輛，佢嘅第三者責任保險係有可能會失效。即係話，如果坐白牌車出事受傷，甚至造成傷亡，你有機會追究無門，無法獲得應有嘅賠償。為咗貪一時方便，將自己同家人嘅安全較飛，值唔值得咩？

第二，罰則極重，唔好以為只係抄牌咁簡單。

根據《道路交通條例》第374章第52(3)條，無牌載客屬刑事罪行。警方會用「放蛇」方式去蒐證，亦會喺口岸一帶同黑點加強巡邏。一旦斷正，首次定罪最高罰款港幣10,000元、監禁6個月，車牌吊銷6個月；如果再犯，最高罰款25,000元、監禁12個月，車牌吊銷12個月。涉案車輛喺吊銷牌照期間要交畀運輸署保管，司機更會被停牌最少12個月至3年。運輸署仲會撤銷埋涉事車輛嘅封閉道路通行許可證。如果涉及內地司機，警方仲會查埋係咪非法勞工或者違反逗留條件，轉交內地執法部門跟進。

其實皇崗口岸嘅交通配套正逐步完善，港九新界都有合法交通工具直達，包括7條專營巴士（6條日間、1條通宵）、3條日間同3條通宵專線小巴、5條短途跨境巴士同長途跨境巴士，仲有市區的士、新界的士同車隧的士。

高人話，政府打擊「白牌車」，並唔係要阻礙大家出行，而係要守住安全底線，同時可令皇崗口岸更暢順。對市民來講，搭合法交通工具先可以保障自己同屋企人。