田大少田北俊接受《壹週刊》訪問，提到支持魔童王維基的問題。 佢話「是王維基主動來問我，到底去港島還是新界東。他說有興趣去港島，仲講笑話：『自由黨支不支持我也不緊要，James (田少)你支持我就得。』我也和黨匯報過這件事。」
田少又話會幫魔童拉票，但在資源上魔童自己搞得掂，不用田少幫手咁話。
魔童和田少有對話，外界早有所聞，而魔童要在港島打擊的對手，亦係田少想郁之人。據魔童私下同朋友講，佢在港島參選本來想插三個人，一個係特首CY，一個係民建聯鍾樹根，另一個係葉劉。而家Tree 根得唔到民建聯支持參選，出唔出選都成問題，魔童選舉時就聚焦葉劉。
魔童私下講，只要佢搶走葉劉4000、5000票， 葉劉已可能落馬，所以佢唔客氣，會全力狙擊葉劉。
政壇八卦友話，魔童或許可以搶到葉劉一些票，但客觀上佢打出要CY落台的旗號，最能搶走的反而是泛民的選票，例如民主黨的許智峯，由於知名度太低，只能靠組織票，所有遊離票都可能被魔童呢類人搶走。所以若魔童得票多，可能先殺死泛民。
Ariel
** 博客文章文責自負,不代表本公司立場 **
