呢期立法會繼續就《醫生註冊（修訂）條例草案》打大交， 政務司司長林鄭見食衛局局長高永文好似唔係好得掂， 已攬上身打呢場仗，親身去遊說各大黨支持。
立法會上周審議草案時已流會，今日續議，反對草案的醫學界議員、 怪醫梁家騮使出不停點人數呢一招，那一刻唔夠人頭開會，馬上又會流會。政府不容有失，就由食衛局副局長陳肇始帶領40人 狗仔隊，人盯人睇實議員出入，確保點人數時有足夠人頭開會。
林鄭亦發炮，指梁家騮今早一開會就不斷點人數，拖延立會議事過程，感到極度遺憾。她指責梁家騮在未審議草案時，已開始點人數，數小時已經點了10多次，浪費很多時間，「 拉布已經唔啱，呢種更加係極端唔妥當」，佢話其他議員都應譴責梁家騮咁話。
她指梁家騮以如此粗暴手法去拖延會議，好對市民唔住。佢認為以脅逼手段去令政府調動議程不要得，重申政府不會再調動議程，好多市民支持草案， 醫學界也有不少人支持。
事實上草案的確有不同團體支持，主要是醫生組織反對。 政府擺出強陣硬闖，應該頂到草案在呢個會期通過啩。
Ariel
** 博客文章文責自負,不代表本公司立場 **
