中學文憑試DSE今日放榜,只有4人考獲7科5**的頂尖成績, 比去年11個大減。拔萃女書院今年大豐收,在4名7科5**狀元中,佔了二位,分別是張綽倩和姚子晴,傳統狀元搖籃皇仁書院只有一位狀元黃灝森, 另一位由最勁男女校聖保羅男女中學史泳桐奪得。
另外,有19人取得6科5**佳績,又係女拔和皇仁之爭,女拔佔了4位,皇仁佔2位。睇落女拔今年非常勁,夾埋有6個同學取得7科或6科5**的成績,佔總人數23人的26%,而皇仁有 3個取得頂尖成績,佔13%。
女拔成績厲害人所共知,但玩咗DSE之後,由於中文科難道提高,女拔的勁學生通常只差一科中文唔得,入唔到狀元榜。
女拔校長劉靳麗娟(中)與今屆兩名女狀元合照。
女拔校長劉靳麗娟睇透呢個局,就加強中文培訓。早在2014年9月的招生簡介會時,佢花了45分鐘向家長介紹該校強化中文科的訓 練項目,如舉行作家講座及聯校口語溝通等,亦申明該校今年( 2014年)中學文憑試中文科93%考生考獲三級或以上成績,較全港日校水平高出四成,佢強調「中文跟唔上係有問題」, 故未來會着重中文科發展,更指女拔不再僅是一所英文中學,而是「 本地英中文學校」咁話。
女拔谷咗幾年中文,終於開花結果,搶佔狀元榜榜首。
Ariel
** 博客文章文責自負,不代表本公司立場 **