膠樽回收政策醞釀大變 未來只分兩種 方便回收

香港逐步邁向垃圾膠袋徵費時代，估計最快年底就會推出，在垃圾膠袋徵費的同時，令人關注回收政策能否配合，市民一般反映的意見，是現在的環保回收較為繁複，例如塑膠是最難分類的回收物。

塑膠有6種標籤，理論上要按分類回收，不少地方在三色回收桶再放兩個較小的膠桶，1、2類塑膠放三色桶中的咖啡桶，其餘3、4、5、6類就放旁邊兩細桶。很多時市民站在回收桶前，搞來搞去都搞不清，究竟一些塑膠包裝應放在那個桶? 膠樽和樽蓋是否該分開放? 據悉港府也知道市民的苦惱，正計劃改變這種混亂的現象。

現在塑膠回收分三個桶，一個放膠樽，另兩個放膠樽以外的塑膠回收品，常令市民困惑。

設想中的方案，日後膠樽回收只分兩類，一類是膠樽，一類是非膠樽，膠樽放一個桶，其他非膠樽就放另一塑膠回收桶內。據了解，為甚麼現在要分種那麼複雜，主要是回收廠設施問題，需要市民先做精細分類，方便回收廠處理，但未來只要回收廠提高設施水平，這種分類工作就不需要市民去做，可以簡單分成兩類，由回收廠自行處理各種類型的非膠樽塑膠的分類回收。

這也可算是德政，可減省市民很多麻煩，不用再站在回收桶前，苦惱塑膠垃圾該放在哪一個回收桶內。

Ariel

** 博客文章文責自負,不代表本公司立場 **

全國人大和政協兩會結束，之前的地方省市政協會議都開完，Ariel 聽到不少故事。

富豪自己做完政協，都熱衷搵仔女接班，但現在莫講係全國政協，即使地方省市政協，都唔係話接班就俾你接班，而且接咗班都唔一定係好事。

話說有個太子女，今屆做咗某直轄市政協。而家呢啲位都唔容易搵，不過太子女就唔太珍惜，開會都唔係幾想去。

太子女開會無到，市政協官員就打電話搵佢，點知只係回咗一句話：「你搵我秘書啦」，市政協官員俾佢吹脹。

呢個故仔喺呢個市政協內，傳到開晒巷。大家都認為，太子女雖然年青，但如果繼續係咁嘅風格，下屆市政協都唔會搵佢做。

有富豪私下感嘆，佢哋呢一代到自己做咗全國政協或省市政協，自己退休之後，都好想仔女接班做政協。千辛萬苦推咗仔女上去，但佢哋可能完全冇興趣，老竇叫到就勉強去做，結果唔去開會有之、唔去考察有之、唔去學習有之，成為負面人版，真係唔知點算。