政事
財政司司長曾俊華及立法會主席曾鈺成表態參加特首賽， 特首梁振英似乎不甘示弱，他接受《都市日報》訪問時拋出「 歡迎競爭」。
CY在訪問時多番表示，「依家未係時候」考慮連任問題， 但被問及曾俊華及曾鈺成或加入明年的特首選戰；梁振英坦言：「 歡迎競爭！如果我參選嘅話！」
政壇八卦友話，雙曾按奈不住出來表態參選，CY作為現任， 表態話歡迎競爭，並不出奇。 但另一熱馬政務司司長林鄭卻異常沉靜，並不尋常。
CY在訪問中直言，現時特區政府的政策對中產及基層有利，「 無論下一屆邊個做特首， 我相信下一屆政府都唔應該脫離我哋呢個政策軌迹。」
但他承認政府部分工作做得不足，但政府得到管治團隊、 公務員支持，獲社會配合，做了不少實事， 包括處理好房屋短缺問題、並且增加供應， 讓大家對政府的房屋政策有信心。
Ariel
** 博客文章文責自負,不代表本公司立場 **
日日有新聞的立法會主席曾鈺今午跟傳媒「茶聚」，講嘢出位的曾主席無令記者失望，他用「亞氏保加症」（Asperger syndrome，即自閉症）來形容特首CY，佢都算出位啦。
曾主席又大爆97前到北京開籌委會，和CY的私下閒談，引述CY提及自己是以「魚缸理論」對付記者，話為阻止家裏金魚缸的大魚追咬小魚，就在兩者之間放下一塊玻璃，令大魚撞上玻璃多次後，即使往後移走玻璃，大魚也不會再追向細魚。當年梁振英就正正將一名向他遞上名片的記者面前， 將其名片扔落垃圾桶，仲表明自己「無嘢要搵你」。
政壇高人話，曾主席講明自己想參選特首，然後就大爆CY當年私下 的講話，可以當作競爭對手爆料隊對家，是否合符道德值得商榷。
高人亦笑言，如果 CY是政治自閉，見到人講多兩句話都唔想。曾主席就是政治成癮，玩咗50年政治，到70歲人都不言退，都可以話各走極端啦。
高人又提到曾主席個徒弟、民建聯主席李慧琼在論壇上被問及，她支持行政長官梁振英抑或曾鈺成，李慧琼話在政治倫理上，支持創黨主席曾鈺成是「理所當然」。高人話政治倫理唔係咁解， 唔係師傅做乜都要支持。民建聯作為一個成熟政黨， 推人出來選區議會、選立法會都要經過黨內程序，唔可以咁隨意話支持邊個選特首。
其他參選了「超級區議會」的名單還包括陳琬琛、周浩鼎、關永業、 涂謹申、鄺俊宇、何啟明、梁耀忠。
