自然系女子玩轉多啦A夢故鄉 林襄孖暉哥送手寫明信片簽名相

本周《自然系》暉哥、張雅涵到訪多啦A夢故鄉、主題CAFE、動物園又做SPA。下周終於輪到「啦啦隊女神」林襄登場，仲大派福利。

暉哥（左）同雅涵去到多啦A夢故鄉高岡市遊玩。

主打「自然美景」及「身心靈治癒之旅」的J2旅遊節目《自然系女子日本旅行》，逢周一至五晚十點半J2（82台）播出。《自然系女子旅行》這次瞄準港人熱愛旅遊地點之一的日本，發掘當地別具特色的洗滌心靈體驗。本周《自然系》繼續有林映暉（暉哥）做主持，嘉賓陣容則是「樂天女孩」張雅涵。

首站係乘坐多啦A夢主題電車。

暉哥扮狼叫慘食檸檬

昨晚（17日）一集，暉哥和雅涵去到多啦A夢故鄉高岡市遊玩。兩位靚女率先乘搭多啦A夢主題電車，去到高岡童話之森與1比1的多啦A夢公仔打卡，大晒童真。二人還到訪了主題Café，齊齊Sailormoon上身賣萌晒絕招；之後再到富山市家族公園親親小動物。該動物園人氣No.1的動物是紅浣熊，人氣No.2竟是大灰狼，雅涵和暉哥齊齊餵大灰狼吃東西，雅涵笑言：「牠們其實蠻可愛的！」傻大姐暉哥則搞笑地扮狼叫，可惜慘遭大灰狼無視。最後一站，兩人齊歎泡泡Spa，暉哥獻出玉腿做實驗，結果做完泡泡按摩的左腳、真的比右腳白了一大截。至於雅涵則會大晒素顏體驗臉肩泡泡按摩，被泡泡包圍的雅涵笑言：「好像洗澡時被人按摩一樣！」

之後去到高岡童話之森同1比1嘅公仔打卡。

再去到主題Café食好西，兩位靚女齊齊Sailormoon上身出絕招，雅涵笑言有羞恥感。

再去到富山市家族公園睇動物。

人氣No.1嘅紅浣熊好可愛。

人氣No.2竟然係大灰狼。

佢哋仲會同天竺鼠互動，好可愛呢！

最後一站係大歎泡泡Spa。

做完泡泡Spa嘅左腳白過右腳唔少。

雅涵大晒素顏，膚質都好好喎！

雅涵成個頭都係泡泡，佢嘅招牌白牙好搶眼。

襄襄暗示《自然系》系列陸續有來？

下周《自然系》嘉賓終於輪到「啦啦隊女神」林襄登場，愛錫粉絲的襄襄為了答謝大家支持，聯同暉哥大派福利，送出親手撰寫的明信片＋簽名即影即有照片！如果想獲得襄襄和暉哥送出的「愛之禮物」，下周一記得留意J2社交網，屆時將公布更多詳情！因拍攝《自然系》成為好友的襄襄和暉哥，還交換明信片互訴心聲，雖然襄襄手誤將暉哥寫成輝哥，但明信片文末不但搞笑的作出更正，更指很開心有緣與暉哥合作《自然系》，並謂期待將來可以再去更多國家拍攝。

林襄同暉哥齊齊送出親手寫嘅明信片同簽名即影即有相。

林襄同暉哥仲會互寫明信片畀對方，好有愛呀！

由一班靚仔靚女倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。

Gillian跟行仔到大澳覓食。

行仔為Gillian預備一款心型沙翁。

二人對何泳芍推介的蝦豬餅讚不絕口。

蝦豬餅用蝦醬混和碎豬肉炒成。

今晚（4月2日）蔡景行（行仔）帶住「靚飯腳」伍倩彤（Gillian），來到有「香港威尼斯」之稱的大澳掃街，作為漁村的街邊檔，賣的自然是非一般貨色。首站二人是當地一間餅店，行仔說︰「呢間店嘅沙翁係大澳名物，一場嚟到一定要試，假日人多起上嚟至少要排廿分鐘。」行仔特意為Gillian送上心型沙翁，還表示這款是「可遇不可求」，要有緣才可以買到。可惜這番心意被Gillian一下打沉，她笑說︰「點解我個係心型嘅？同埋你個心都好抽象下。」

炭香味洋溢的燒海鮮。

冰西瓜及冰芒果吃起來有難度。

大澳名物紫背天葵清熱解毒。

行仔未有因此表現沮喪，繼續行程到下一站食另一特產的蝦豬餅，做法是以蝦醬混和碎豬肉炒熟，再配上生菜、手抓餅而成，行仔笑說︰「呢個整法令到蝦醬變咗another level，味濃但又唔會好鹹。生菜係神來之筆，完全中和漏嘅感覺。」一波未平一波又起，蝦豬餅還未消化完，便論到食炭燒海鮮，必食之選包括︰黃花魚春、魷魚、瀨尿蝦乾，配上當地特產紫背天葵茶的清熱解毒功能，就不怕熱氣。

居港瑞士人Jacque的廣東話非常流利。

著名的芝士火鍋。

暉哥邊食邊學瑞士語。

此外，居港瑞士人祈積奇（Jacque）帶林映暉（暉哥）到尖沙嘴食瑞士菜，Jacque以一口流利廣東話說︰「呢間係最原裝嘅瑞士餐廳，由調味料、飲品全部都係瑞士入口。」Jacque發辦點菜計有傳統芝士火鍋，他解釋芝士火鍋就如港人打邊爐一樣，是朋友間聯誼社交的方式。接住的還有蘇黎世式牛仔肉、牛仔腰配忌廉酒汁，暉哥還可以學到每款菜瑞士語正確讀音，可謂獲益良多。