奧運精英零距離 孫揚高林丹成個頭 朱婷長腿吸睛

里約奧運結束未夠一星期，還記得上周日的早上，大家都可能在家中睇住中國女排奪金的女排決賽，今日就已經來到香港訪問三日。

佢哋中午到埗，下午見完記者，傍晚去到禮賓府出席特區政府酒會，Ariel有老友傳來影片，零距離見到這班奧運精英。

平日見「超級丹」林丹打羽毛球時，都覺得佢幾高大，原來同游泳隊的孫揚企埋一齊，孫揚高超級丹成個頭。

講到今屆奧運最熱話的中國運動員，非表情姐傅園慧莫屬，在大隊中佢就唔係特別大隻。

至於今届奧運中最令人驚喜的女排一眾姑娘真係好高，被評為MVP(最有價值球員)的朱婷穿上女裝平底鞋，長腿仍然吸睛，最高妹1.99米的袁心玥更是「傲視同群」啦。

右四為朱婷

袁心玥高人一等

特首CY亦不忘在歡迎儀式上「集郵」，仲將部份第一時間上載到facebook帳號上，其中表情姐傅園慧當然又來一個趣怪表。

表情姐幾時都咁趣怪

惠若琪在一眾女排姑娘中不算最高，但CY站在她身邊，身高被比下去

同女排高妹合照，宇宙最強都…

Ariel

** 博客文章文責自負,不代表本公司立場 **

呢個世界可以話係無奇不有，在超級區議會嘅選舉當中，泛民主派兩個候選人民主黨嘅鄺俊宇和公民黨的陳琬琛昨日差不多同一時間，在Facebook上面，貼出前政務司司長陳方安生支持佢哋參選的照片。

鄺俊宇話陳太支持佢力爭超區泛民第三席，而陳琬琛亦hashtag話陳太支持佢「#力保泛民第三席」。

 

依家超級區議會有五個議席，頭四席嘅情況比較明顯，鄺俊宇、陳琬琛、同埋民建聯嘅周浩鼎都係爭緊最後嘅第五席，咁問題就嚟啦，陳太同時支持鄺俊宇同埋陳琬琛，其實佢哋係爭緊同一個議席喎。

有報章就此問題去追問陳太，陳太就答佢話支持泛民保住超級區議會三席，唔好投票比建制牌。

有政治八卦友就話，陳太好似唔係幾懂得選舉，佢同時支持兩個人去爭一個席位，假設佢能夠影響到10,000票，選民聽佢話，各自投兩個候選人，結果每人得5000票，選票分散左，結果可能只係益左建制派的周浩鼎。

佢估計陳太諗法好傳統，想面面俱圓，又支持公民黨，又支持民主黨，結果就搞出支持兩個人爭一個位咁滑稽嘅局面。睇落都有少少諷刺。

其他參選人名單見：

http://www.elections.gov.hk/legco2016/chi/introd_fc_ds.html?1472283321115