陳太好堅 支持兩個人爭同一個位

呢個世界可以話係無奇不有，在超級區議會嘅選舉當中，泛民主派兩個候選人民主黨嘅鄺俊宇和公民黨的陳琬琛昨日差不多同一時間，在Facebook上面，貼出前政務司司長陳方安生支持佢哋參選的照片。

鄺俊宇話陳太支持佢力爭超區泛民第三席，而陳琬琛亦hashtag話陳太支持佢「#力保泛民第三席」。

 

依家超級區議會有五個議席，頭四席嘅情況比較明顯，鄺俊宇、陳琬琛、同埋民建聯嘅周浩鼎都係爭緊最後嘅第五席，咁問題就嚟啦，陳太同時支持鄺俊宇同埋陳琬琛，其實佢哋係爭緊同一個議席喎。

有報章就此問題去追問陳太，陳太就答佢話支持泛民保住超級區議會三席，唔好投票比建制牌。

有政治八卦友就話，陳太好似唔係幾懂得選舉，佢同時支持兩個人去爭一個席位，假設佢能夠影響到10,000票，選民聽佢話，各自投兩個候選人，結果每人得5000票，選票分散左，結果可能只係益左建制派的周浩鼎。

佢估計陳太諗法好傳統，想面面俱圓，又支持公民黨，又支持民主黨，結果就搞出支持兩個人爭一個位咁滑稽嘅局面。睇落都有少少諷刺。

其他參選人名單見：

http://www.elections.gov.hk/legco2016/chi/introd_fc_ds.html?1472283321115

Ariel

** 博客文章文責自負,不代表本公司立場 **

新界西自由黨候選人周永勤，上演哭著退選事件，搞到滿城風雨。

周永勤前晚在有線電視選舉論壇上宣佈，因為不想身邊的人「 惹上更高層次嘅麻煩」，所以決定停止競選工程。 他在論壇後更向公開一段錄音，當中有疑似何君堯支持者揚言派二、 三十人在論壇上狙擊他。何君堯前晚即時在facebook承認， 錄音中是其義工，但他已叫停，更否認有任何威嚇成份。

政壇八卦友話事件疑點重重。疑點一是錄音何來， 何君堯質疑周永勤為何取得他們電話傳播的錄音， 周永勤聲言有人在茶樓聽到從旁偷錄而來。但錄音背景安靜，「 酒樓偷錄」只屬吹水。

疑點二是周永勤也在圍村長大，二、 三十人到論壇上狙擊他就嚇到退選，呢啲麻煩有幾高層次呢? 佢咁細膽點選到做區議員呢？

疑點三是周永勤和何君堯各有不同鄉事勢力支持，大家好唔啱， 逼周永勤退選，不見得選票會轉投何君堯。

政壇高人就認為似是鄉事派糾紛。周永勤和何君堯都在良田村長大， 周永勤仲讀何君堯阿媽開的良田幼稚園。

周永勤在1994年參選區議會並勝出，成為元朗區議會議員， 隨鄉事派港進聯立法局前議員鄧兆棠，到2004年先轉投時任鄉議 局主席兼自由黨成員劉皇發，成為發叔助理，跟發叔加入自由黨。

高人話，何君堯因為爭做屯門區議會主席一事，和劉皇發結下樑子， 鄉事派盛傳周永勤參選主要想狙擊何君堯。據一個最新民調顯示， 周永勤得1.4%支持，當選機會極低，而何君堯有3.3%， 和民協馮檢基和熱血公民鄭松泰差不多，三人爭最後一席， 所以周永勤來一招被人搞到退選，有插死何君堯的功效。 呢一局鄉事內鬥，益埋自由黨其他區候選人，都可以提高民望。

新西其他候選人見：

http://www.elections.gov.hk/legco2016/chi/introd_gc_ntw.html?1472282223510