周永勤哭退鬧劇 疑似鄉事互鬥

新界西自由黨候選人周永勤，上演哭著退選事件，搞到滿城風雨。

周永勤前晚在有線電視選舉論壇上宣佈，因為不想身邊的人「 惹上更高層次嘅麻煩」，所以決定停止競選工程。 他在論壇後更向公開一段錄音，當中有疑似何君堯支持者揚言派二、 三十人在論壇上狙擊他。何君堯前晚即時在facebook承認， 錄音中是其義工，但他已叫停，更否認有任何威嚇成份。

政壇八卦友話事件疑點重重。疑點一是錄音何來， 何君堯質疑周永勤為何取得他們電話傳播的錄音， 周永勤聲言有人在茶樓聽到從旁偷錄而來。但錄音背景安靜，「 酒樓偷錄」只屬吹水。

疑點二是周永勤也在圍村長大，二、 三十人到論壇上狙擊他就嚇到退選，呢啲麻煩有幾高層次呢? 佢咁細膽點選到做區議員呢？

疑點三是周永勤和何君堯各有不同鄉事勢力支持，大家好唔啱， 逼周永勤退選，不見得選票會轉投何君堯。

政壇高人就認為似是鄉事派糾紛。周永勤和何君堯都在良田村長大， 周永勤仲讀何君堯阿媽開的良田幼稚園。

周永勤在1994年參選區議會並勝出，成為元朗區議會議員， 隨鄉事派港進聯立法局前議員鄧兆棠，到2004年先轉投時任鄉議 局主席兼自由黨成員劉皇發，成為發叔助理，跟發叔加入自由黨。

高人話，何君堯因為爭做屯門區議會主席一事，和劉皇發結下樑子， 鄉事派盛傳周永勤參選主要想狙擊何君堯。據一個最新民調顯示， 周永勤得1.4%支持，當選機會極低，而何君堯有3.3%， 和民協馮檢基和熱血公民鄭松泰差不多，三人爭最後一席， 所以周永勤來一招被人搞到退選，有插死何君堯的功效。 呢一局鄉事內鬥，益埋自由黨其他區候選人，都可以提高民望。

新西其他候選人見：

http://www.elections.gov.hk/legco2016/chi/introd_gc_ntw.html?1472282223510

Ariel

** 博客文章文責自負,不代表本公司立場 **

重建後嘅皇崗口岸喺2026年10月12日正式開通，實施「一地兩檢」同「合作查驗、一次放行」，仲要24小時通關，真係好方便。開通接近一個月，平日日均出入境人次已經超過86,000，比以往落馬洲管制站多咗成倍；去到週末同假期，日均更加直逼140,000人次，受歡迎程度可見一斑。

不過，人潮多咗，交通需求大增，政府就留意到有市民同旅客貪方便，搭咗啲跨境私家車往返兩地，而且當中部分係非法出租或取酬載客嘅「白牌車」。呢啲車無合法嘅出租汽車許可證，做生意屬刑事罪行。為咗保障乘客同道路使用者安全，政府近期已經明確表示高度關注，執法部門亦加強咗打擊，除咗依法檢控違例司機，仲會扣押涉事車輛。運輸署同警方亦都密密做宣傳，除咗於官方網站及社交媒體發放訊息，運輸署亦向封閉道路通行許可證持有人以及指定跨境駕駛計劃批准信持有人發出電郵，直接提醒相關車主唔好以身試法，列明違法嘅嚴重後果，同時呼籲市民要認清風險。

警方近日在新皇崗口岸拘捕一名42歲持雙程證的內地男司機，涉案豪華七人車亦被拖走扣留檢驗。

可能有人會諗：「有人肯車我，價錢啱咪得囉，做乜要搞咁多嘢？」但高人提醒，從市民自己嘅角度出發，坐「白牌車」其實係一場「搵命搏」嘅賭博，主要有兩大風險：

第一，保險隨時有機會失效，意外隨時面對索償無門。

合法嘅跨境出租車必須持有常規配額、封閉道路通行許可證同出租汽車許可證。但「白牌車」冇呢啲牌，一旦發生交通意外，提供非法服務嘅車輛，佢嘅第三者責任保險係有可能會失效。即係話，如果坐白牌車出事受傷，甚至造成傷亡，你有機會追究無門，無法獲得應有嘅賠償。為咗貪一時方便，將自己同家人嘅安全較飛，值唔值得咩？

第二，罰則極重，唔好以為只係抄牌咁簡單。

根據《道路交通條例》第374章第52(3)條，無牌載客屬刑事罪行。警方會用「放蛇」方式去蒐證，亦會喺口岸一帶同黑點加強巡邏。一旦斷正，首次定罪最高罰款港幣10,000元、監禁6個月，車牌吊銷6個月；如果再犯，最高罰款25,000元、監禁12個月，車牌吊銷12個月。涉案車輛喺吊銷牌照期間要交畀運輸署保管，司機更會被停牌最少12個月至3年。運輸署仲會撤銷埋涉事車輛嘅封閉道路通行許可證。如果涉及內地司機，警方仲會查埋係咪非法勞工或者違反逗留條件，轉交內地執法部門跟進。

其實皇崗口岸嘅交通配套正逐步完善，港九新界都有合法交通工具直達，包括7條專營巴士（6條日間、1條通宵）、3條日間同3條通宵專線小巴、5條短途跨境巴士同長途跨境巴士，仲有市區的士、新界的士同車隧的士。

高人話，政府打擊「白牌車」，並唔係要阻礙大家出行，而係要守住安全底線，同時可令皇崗口岸更暢順。對市民來講，搭合法交通工具先可以保障自己同屋企人。