政事
在分區直選的港島、九西、新東及新西選舉結果，顯示這四區的政治版圖有改變，唯獨係九東的局面變化不大，五席由民建聯、民主黨、公民黨、工聯會以及被視為親建制的謝偉俊瓜分。
熱血公民黃洋達成「千年老二」，得33271票排第6，繼上屆後再次以高票落敗，今次又再無緣晉身立法會。
黃洋達較排第五的謝偉俊的47527票，少約1萬4千多票，未能爭得最後一席，而黃洋達與另一激進派「慢必」譚得志，分別得票33271及31815票，如果不是互相鎅票，黃洋達或慢必其中一人有機會入局。現時的局面則是非建制派在呢區得票過半，但只取得兩個議席。
這個結果可話係2012年選舉翻版，2012年黃洋達以相差不夠2000票，被謝偉俊取去了最後一席，當年謝偉俊以38546票當選，黃洋達得票36608，當年同屬泛民的陶君行得票27253，黃洋達和陶君行兩人亦是互分票源。
歷史是會不斷重演的。
Ariel
** 博客文章文責自負,不代表本公司立場 **
立法會選舉陸續公布，有些結果都幾出人意表。好像自由黨田北俊幫李梓敬「抬轎」，以李梓敬排第一的名單出戰新界東，但暫時只得1萬6000幾票，22張名單中排13，注定落選。
另外在港島區出選的王維基，選前被視為大熱，結果得票3萬3000幾票，大熱倒灶落選，陳淑莊多他唔夠2000票入局。
睇返兩人政鋼政見，不約而同都是主打「反CY」。鐘意玩FB的田少成日在FB上揶揄CY，好像話「梁粉，啃都啃唔落，又點會投票投得落手？！」，又話要使出「降狼十八掌」，揚言要「令議會多一分反對689嘅力量 」。王維基更獨沽一味主打「反CY」，講到明要拉特首梁振英下馬。
以田北俊喺政壇的影響力，以及王維基的名氣嚟睇，換來今次結果可說是慘敗。呢個結果似乎反映單一主攻「反CY」唔夠號召力，即使兩人本錢幾厚，都唔夠票送到他們入立法會。
政壇中人話，呢啲風頭人物平日反CY，好似甚得好評，但到選舉時，反CY的選民好多，但每人只得一票，會唔會以王維基或自由黨做首選，抑或會投更反CY的泛民或本土派呢？這個道理，都值得政界人士反思，選舉應該用乜野作為單一賣點，若然泛民講你又講，都唔係咁易突圍。
