Ben Sir憶20年前馬鞍山茶記拒收5毫 一句妙回店員無聲出獲讚

現在不少餐廳店舖都拒收5毫更幣，但香港法例其實並是無明文規定店家可以拒收的。

「Ben Sir」歐陽偉豪日前就在網上分享於20年前曾光顧馬鞍山茶餐廳，遭店員拒收5毫子的事，當時他一句妙回令事件得到解決，獲網民讚好！

示意圖。《愛回家》劇照

Ben Sir：我冇揀你啲嘢食，你做乜我揀啲錢？

「Ben Sir」歐陽偉豪日前在網上分享，他提起20年前曾光顧馬鞍山一間茶記，當時該茶餐廳由入座起限時用餐90分鐘，Ben Sir表示都尚可容忍這個規定，但當他付款時，卻因當中夾雜了5毫銀，而被店員拒收。Ben Sir 問對方不明白為何「畀足晒錢」仍唔收，店員只是一再強調「寫明唔收5毫」Ben Sir 當時已有怒氣，回應到「我冇揀你啲嘢食，你做乜我揀啲錢？」店員即時不知如何應對，之後另一個店員打圓場，表示：「算喇算喇」

Ben Sir歐陽偉豪FB圖片

網民力撐：都係錢，點解唔收？

網民都對Ben Sir的妙絕回應大力讚好，直言：「其實只要俾齊直接走，佢都吹你唔漲」並批評茶餐廳的做法，「夠膽死佢唔收毫子，但佢可以找贖比你」、「沒有無原無故的衰落」、「都係錢，點解唔收？」。

資料圖片

網民分享類似經歷

有網民亦分享類似經歷，「最燥底係佢個餐要$28.5，但餐廳唔收5毫」、「有次我在啟田街市，叫佢報警先肯收我兩個五毫子」；亦有網民無奈表示「餐廳不收毫子，但會找毫子俾你」更有人笑指「Ben Sir」記仇：「20年前的事你都仲記住？」

資料圖片

店家拒收不超過$2面額硬幣或犯法

有網民留言回應表示根據香港法例454章《硬幣條例》第2(1)條，面額不少於$1的硬幣，所支付的款額不可超逾$100；面額少於$1則不可支付超過$2。所以店家不能拒收不超過$2面額的硬幣，否則即觸犯法例。

 「幻彩詠香江」是本港著名夜間燈光匯演，每晚於維港兩岸上演，透過多媒體燈光、音樂及激光效果，展現香港璀璨夜景，吸引本地市民及旅客觀賞， 而近日在葵涌，就搞笑的出現了 「幻彩詠香江」之「幻彩耀葵芳」版。

網上圖片

近日，葵涌多處街燈突然集體故障，不斷高速閃爍，持續逾一小時，猶如Disco燈光，吸引途人拍攝並在社交平台熱傳。從網上片段可見，葵芳新都會廣場、葵仁路、興寧路、興芳路及葵福路一帶均有街燈出現異常，網民笑稱「全葵芳Disco Night」、「幻彩耀葵芳」

從網上流傳的多段影片可見，葵芳新都會廣場對開 、鄰近港鐵葵芳站的葵仁路及興寧路、葵涌運動場附近的興芳路，以及葵福路一帶，多支街燈懷疑發生故障，不斷高速閃動，幾乎每秒閃爍數次，效果恍如Disco燈光般誇張。

網上圖片

網上圖片

雖然街燈持續失控閃爍， 但現場交通未見受明顯影響，車輛仍如常在路面行駛。有網民指出，街燈閃爍的情況持續超過一小時，遲遲未見有人處理。

「幻彩詠香江」

事件在網上迅速引起討論，不少網民發揮創意留言，有人笑稱「Disco咩？半個葵芳係咁閃」、「全葵芳Disco Night」，亦有人形容為「幻彩耀葵芳」。不過，亦有網民對道路安全表示憂慮，直言「閃咗成個鐘都冇人報警，8點半忍唔住打999」，擔心閃爍燈光會影響駕駛者視線，構成潛在危險。