Skip to Content Facebook Feature Image

Ben Sir憶20年前馬鞍山茶記拒收5毫 一句妙回店員無聲出獲讚

社會事

Ben Sir憶20年前馬鞍山茶記拒收5毫 一句妙回店員無聲出獲讚
社會事

社會事

Ben Sir憶20年前馬鞍山茶記拒收5毫 一句妙回店員無聲出獲讚

2024年06月21日 11:30 最後更新:12:40

現在不少餐廳店舖都拒收5毫更幣,但香港法例其實並是無明文規定店家可以拒收的。

「Ben Sir」歐陽偉豪日前就在網上分享於20年前曾光顧馬鞍山茶餐廳,遭店員拒收5毫子的事,當時他一句妙回令事件得到解決,獲網民讚好!

示意圖。《愛回家》劇照

示意圖。《愛回家》劇照

Ben Sir:我冇揀你啲嘢食,你做乜我揀啲錢?

「Ben Sir」歐陽偉豪日前在網上分享,他提起20年前曾光顧馬鞍山一間茶記,當時該茶餐廳由入座起限時用餐90分鐘,Ben Sir表示都尚可容忍這個規定,但當他付款時,卻因當中夾雜了5毫銀,而被店員拒收。Ben Sir 問對方不明白為何「畀足晒錢」仍唔收,店員只是一再強調「寫明唔收5毫」Ben Sir 當時已有怒氣,回應到「我冇揀你啲嘢食,你做乜我揀啲錢?」店員即時不知如何應對,之後另一個店員打圓場,表示:「算喇算喇」

Ben Sir歐陽偉豪FB圖片

Ben Sir歐陽偉豪FB圖片

網民力撐:都係錢,點解唔收?

網民都對Ben Sir的妙絕回應大力讚好,直言:「其實只要俾齊直接走,佢都吹你唔漲」並批評茶餐廳的做法,「夠膽死佢唔收毫子,但佢可以找贖比你」、「沒有無原無故的衰落」、「都係錢,點解唔收?」。

資料圖片

資料圖片

網民分享類似經歷

有網民亦分享類似經歷,「最燥底係佢個餐要$28.5,但餐廳唔收5毫」、「有次我在啟田街市,叫佢報警先肯收我兩個五毫子」;亦有網民無奈表示「餐廳不收毫子,但會找毫子俾你」更有人笑指「Ben Sir」記仇:「20年前的事你都仲記住?」

資料圖片

資料圖片

店家拒收不超過$2面額硬幣或犯法

有網民留言回應表示根據香港法例454章《硬幣條例》第2(1)條,面額不少於$1的硬幣,所支付的款額不可超逾$100;面額少於$1則不可支付超過$2。所以店家不能拒收不超過$2面額的硬幣,否則即觸犯法例。

往下看更多文章

母親扶手電梯跌倒流血獲途人送院 港女感激發文尋人:港人好有愛!

2024年07月14日 11:30 最後更新:15:02

好多香港人其實都有愛,日前就有港女在網上發文尋找一位「靚靚女士」,事關日前她的母親在港鐵扶手電梯跌倒,流了好多血,幸好在一名熱心的女途人陪同下,才願意到醫院治理傷口,她希望能夠感謝她!

母親扶手電梯不慎跌倒雙臂流血

這名港女日前在社交平threads發文,希望能夠尋到一位好心人,並多謝她。港女表示6月26日早上約10時30分,母親在荃灣港鐵站A出口的扶手電梯不慎跌倒,雙臂都被梯級的尖端弄傷了,流了很多血,當時幸好有人及時按停電梯,並幫忙扶母親到一邊坐下。

資料圖片

資料圖片

熱心女士堅持陪同去醫院洗傷口

但是當時有不少途人建議母親召救護車到醫院檢查,唯母親認為是小事,再加上「啲血好似可以止到」,於是拒絕召救護車。此時一位「靚靚女士」出聲願意陪她一起到醫院檢查。於是在這位女士的堅持下,她們去到仁濟醫院洗傷口。母親登記後,她還問護士可否先為母親洗傷口,說完就和母親道別,「一聲不響就走了」。等母親回神已找不到她,只好發文尋人。港女表示「媽咪好想搵返呢個靚靚女士,應該都好渺茫!」。

仁濟醫院

仁濟醫院

發文感謝並大讚:香港人真係好有愛!

最後樓主表示「我想喺呢度多謝靚靚女士,多謝妳嘅堅持,我媽咪先至可以肯去醫院洗傷口同埋打破傷風針」她也向母親表示「如果想講多謝嘅,咁你喺街度遇到呢啲事情,幫助返其他有需要幫助嘅人,尤其係長者,多做一步,可能會救到人!」她又大讚「香港人真係好有愛!高質」。

資料圖片

資料圖片

你 或 有 興 趣 的 文 章