政事
元朗橫洲建屋計劃惹起好大爭議，矛頭指向新世界發展，有周刊話新世界在橫州公屋發展計劃旁有地，話政府起公屋的道路接駁等是「無縫銜接」。
新世界主席鄭家純俾人咁砌，就借住業績會解話，指新世界也是橫洲發展項目苦主之一，本來有17萬平方呎地，但若建公屋當中7萬平方呎地被政府收回，反問何來利益輸送？
若然無聽純官講來龍去脈，只係睇本周刊，就以為新世界知道政府想去橫州起公屋，就馬上靜雞雞去旁邊收地，然後等政府起路，坐享其成。
但純官透露，新世界早在1992年已買了這幅17萬呎地，也不是今天才向城規會改用途。集團分別於1994年及1996年曾入紙城規會，但兩次申請都不被城規會接納 。然後在2014年10月就分區計劃大綱草圖刊憲後，才再向城規會申請改土地用途。如今仍要等城規會審批。
高人話政府起公屋新世界割地，睇唔到輸送咗乜利益。
高人又話，新世界今次俾人燒埋，好明顯因為上次特首選舉佢哋挺梁，不過狙擊者咁樣出招，手法亦都太露骨，暴露咗成件事係一個倒梁工程，設計太過人工化，做局做得唔係太靚。
Ariel
** 博客文章文責自負,不代表本公司立場 **
橫州事件變成倒梁行動，顯示特首選戰已由暗戰變為明爭， 近期更有言論，稱要提防「女版梁振英」， 特首搶位攻防戰愈打愈深入。
今日有評論稱，中央對繼任人仍未有定論，一方面范太范徐麗泰稱「 雙曾」-曾鈺成及曾俊華，是「香港較鍾意的人」，然而， 以北京最信任的標準來看，除了梁振英以外，「女版梁振英」 也是北京屬意人選，所謂「女版梁振英」， 即指政務司司長林鄭月娥。評論又指，林鄭過去4 年在執行北京指令方面站在前線， 不排除中方放水讓她做幾件爭取民心的事，捧她上台， 港人現在要警惕的，是「女版梁振英」云云。
政壇高人指，這現象頗為奇怪，倒梁初期是「ABC」Anyone But CY，即梁振英以外誰都可以，講到批評者好大公無私， 唔係想推乜人選，只係睇唔過眼CY，所以講ABC。
但而家好興搬龍門，講講吓ABC又多了一個C，變成 Anyone But CY and Carrie (Carrie Lam林鄭月娥)，撇除了這些人選，餘下的似變成只可揀「 雙曾配」。高人話睇唔到林鄭同 CY有幾似，呢個「女版梁振英」的稱號，又係一個貼標簽的過程。 打完CY，再攻林鄭。
觀乎以往，特首選舉臨近，好多看似大公無私的言論， 最後只係想推自己心水的人選。
