近日Stephy 分享到西藏遊玩的相片，素顏上鏡依舊狀態在線！
現年40歲的鄧麗欣（Stephy）出道至今都keep著Fit爆身材與凍齡美貌，近年鄧麗欣憑演技獲得好評人氣高企的她早前更被爆出與高大健碩的「鄭雨盛及李炳憲混合體」男友打得火熱，愛情事業雙豐收！近日Stephy 分享到西藏遊玩的相片，素顏上鏡依舊狀態在線！
Stephy狀態凍齡
Stephy大方認愛
Stephy罕有性感（本網記者攝）
騷傲人身材（本網記者攝）
日前鄧麗欣到了西藏的山南市浪卡子縣的普莫雍措旅遊，更登上5,010米海拔高山，她分享了出張旅程的靚相，從相中可見她在高山見到彩虹，又在當地歎咖啡相當寫意，Stephy晒出近距離的自拍，無懼素顏出鏡，膚質狀態極好完全零瑕疵，清新自然脫俗。
登上5,010米海拔高山
麗欣到了西藏的山南市浪卡子縣的普莫雍措旅遊
素顏上陣
狀態極佳
鄧麗欣（Stephy）獲香港駐三藩市經濟貿易辦事處（HKETO）邀請，赴美出席「夏威夷國際電影節」（HIFF 2026），Stephy攜主演的代表作《金都》與即將在港上映的《大分瓶》亮相，並參與電影放映、香港之夜及專場座談會，與當地影迷見面互動，同場還有何超儀與陳子聰攜同新作《拾荒法師》團隊，一同宣揚香港電影文化。
Stephy獲邀赴美出席「夏威夷國際電影節」
同場還有何超儀與陳子聰攜同新作《拾荒法師》團隊
Stephy獲邀赴美出席「夏威夷國際電影節」
Stephy獲邀赴美出席「夏威夷國際電影節」
夏威夷的影迷十分熱情，兩場電影放映會的反應熱烈，Stephy之後更跟他們逐一合照簽名，當晚現場觀眾更有幸成為全球首批聽眾，搶先欣賞由 Stephy親自填詞並主唱的《大分瓶》主題曲《無二分》。Stephy 坦言首播時也很緊張，幸好觀眾反應熱烈，紛紛盛讚歌詞真摯動人、歌聲細膩，Stephy大為感動：「真係好開心！喺電影節中播放《金都》，呢一部好多年前嘅作品，但今次都有一個spotlight可以介紹畀大家，最搞笑嘅係有觀眾觀賞完電影《金都》後以為我嘅新歌《已經離我太遠》MV係阿芳（Stephy電影中角色）20年後的續集，我都有解釋返並唔係嘅，哈哈……見到兩套電影放映後大家好都熱情，都好多嘢同我哋分享，最驚喜嘅係好多移居當地嘅香港人都嚟到支持我，大家都好熱情同我傾偈，原來佢哋都好留意我嘅嘢，知我啱啱出咗碟，佢哋都同我講希望可以有多啲香港電影喺夏威夷上映，同時都要多謝大會同埋HKETO 嘅邀請，見到大家都好鍾意香港電影、對香港電影嘅熱情，真係好感動，希望可以繼續帶多啲香港電影去唔同嘅電影節，大家繼續支持香港電影！」
Stephy攜主演的代表作《金都》與即將在港上映的《大分瓶》亮相
Stephy攜主演的代表作《金都》與即將在港上映的《大分瓶》亮相
Stephy攜主演的代表作《金都》與即將在港上映的《大分瓶》亮相
Stephy第一次到夏威夷
Stephy第一次到夏威夷
這次是Stephy第一次到夏威夷，由於每天行程也編排得密密麻麻，所以未有時間去享受陽光與海灘，但她依然感受到當地人的熱情，直言之後有機會一定會再來，她說：「今次係5日4夜嘅行程，本身以為天氣唔係幾好，第一日到埗有少少雨，都有啲失望，但係第二日就非常之好天，好靚嘅藍天白雲，真係感受到夏威夷嘅靚，雖然每日都有行程，冇乜點樣出去玩同感受吓大自然，但都有爭取咗少少時間去行吓街，去沙灘望吓，所以都開心嘅。好記得喺座談會後有朋友問我會唔會去夏威夷開演唱會，我嗰刻都有諗，今次對夏威夷嘅感覺真係好好，但冇咩時間去玩，如果真係有機會去開騷就可以順便去遊覽，都幾開心喎！希望有朝一日會喺當地有音樂嘅活動！今次旅程真係非常開心、好溫暖！」
