陳法拉淡妝上鏡狀態凍齡網民感歎「嫁對了人」

娛圈事

陳法拉淡妝上鏡狀態凍齡網民感歎「嫁對了人」

2024年10月17日 19:00 最後更新：10月18日 14:08

法拉貼出與時尚圈好友的自拍合照

現年42歲的陳法拉與第二任丈夫Emmanuel Straschnov於2019年在法國結婚，並育有一仔一女，一家人生活幸福美滿。陳法拉雖然已成為人妻兼且已生了兩個小朋友，但keep住靚樣好身材，完全不介意素顏示人，主打真實自然美。

點擊看圖輯

在Marvel《尚氣與十環傳奇》的出色表現，令她在海外人氣急升

陳法拉2019年與法籍老公Emmanuel Straschnov結婚後育有一對仔女。

陳法拉轉攻荷里活發展

在Marvel《尚氣與十環傳奇》的出色表現，令她在海外人氣急升

陳法拉2019年與法籍老公Emmanuel Straschnov結婚後育有一對仔女。

經常素顏上鏡！

貼合照

活在愛情的滋潤裡！

近日陳法拉在限時動態轉載與時尚圈好友的自拍合照，指歡迎對方回到紐約。相中的陳法拉淡妝上鏡，在原相機零濾鏡之下依然非常省鏡，散發一股清新氣息，狀態凍齡看起來非常年輕！網民都感歎法拉淡妝比濃妝更迷人，婚後狀態愈來愈好，有愛情滋潤的女人最靚女，看來她確實嫁對了人，生活事業雙豐收！

往下看更多文章

2026金像獎｜陳法拉絲緞白裙襯頂級珠寶現身憑《贖夢》首度角逐影后寶座

第44屆香港電影金像獎星期日（4月19日）假香港文化中心隆重舉行，紅地氈環節於下午四時半率先展開，一眾影星盛裝亮相，爭妍鬥麗。其中，憑驚悚片《贖夢》首度入圍「最佳女主角」的陳法拉，以一襲白色絲緞長裙優雅現身，成為紅地氈焦點之一。

陳法拉身穿 CHANEL 2026 春夏系列的白色絲緞長裙，配襯品牌頂級珠寶系列，整體造型簡約而高貴，完美展現自信優雅的好萊塢女神風範。

陳法拉指，相隔十年沒有在港拍港產片，第一次返香港拍電影就有提名，她說：「感覺觀眾冇忘記法拉，同埋業內嘅同事、行家們對我嘅支持和鼓勵，我都好感動，今次返嚟香港參加金像獎好開心，覺得好似一個行業內嘅聚會，會見到好多相熟嘅同事、朋友們，然後大家聚首一堂去慶祝電影，所以很期待參與。」

對於憑電影《贖夢》首度提名金像獎最佳女主角，她坦言：「我覺得得到提名，對我嘅演戲生涯唔會有咩改變，我都係做我嘅工作，演戲和拍戲，係有鼓勵嘅。無論得唔得獎，改變都唔大，因為我都要繼續做我要做嘅嘢，可能有機會比香港導演睇到我都可以做到同平時唔同嘅角色，可能比自己戲路再闊啲，希望有多啲好嘅角色和劇本再搵我啦。」

陳法拉獲提名「最佳女主角」，導演張家輝亦戥她開心，「佢有恭喜我，我都恭喜返佢，因為電影《贖夢》係佢心血，係佢BB嚟嘅，無論由角色到創作、製作、演繹和拍攝，包括我這個角色嘅所有構思，都係佢嘅，所以我好多謝佢，能夠憑呢個角色提到提名，完全係佢創作嘅。」

陳法拉透露張家輝有問過她有否與趣再合作，法拉說：「我唔知佢係咪諗緊拍《贖夢2》，我哋兩個演夫妻嘅角色，定係佢有新構思，其實我都好期待佢拍喜劇，我都好想做喜劇，其實我係有信心做到喜劇嘅角色，只係冇人搵我，所以希望可以同張家輝演喜劇。今次嘅角色（紀慧玲）夠唔夠癲？又唔可以話夠唔夠，今次嘅角色喺佢嘅世界嚟講，係唔覺得自己癲，佢係做緊佢自己正常做嘅嘢，所以出發點唔係演癲嘅狀態，而係演佢扭曲咗嘅邏輯，同埋每一個moment佢需要做嘅事。今次同我以往演嘅角色係好唔同，反而我覺得演嘅時候，好自然和享受，但我覺得我嘅赤度可以再大啲，未必係癲，赤度幅度再大啲，我係好歡迎嘅。」

對於未來的工作安排，陳法拉表示兩星期後會入劇組，在歐洲拍攝一部電影，導演和演員都是從未合作過，十分期待，法拉說：「部戲都有少少動作戲，係新嘗試，自己都好期待。」她稱想拍喜劇外，亦想做導演工作，因為很享受做導演的崗位，「我啱啱完成了自己部短片嘅後期，嚟緊會根據呢個短片，發展成為長嘅電影，希望未來演員和導演兩個角色都會繼續做。」

你或有興趣的文章

陳法拉淡妝上鏡狀態凍齡網民感歎「嫁對了人」

娛圈事