邱彥筒Marf為大學聯校巡迴舞蹈匯演 與香港霹靂舞代表曾子驊用音樂溝通

好有默契呀。

女團 COLLAR 成員 Marf、香港霹靂舞代表 B-Boy Think 曾子驊 與 Nike 合一，為大學聯校巡迴舞蹈匯演 Joint-U Mass Dance (Madan) 透過舞蹈展現團結力量，與Dance Crew 一同#OWNTHEFLOOR。

Marf 同團隊玩得好開心

與Dance Crew 一同#OWNTHEFLOOR

各人施展渾身解數

輪流表演

有音樂就溝通到

好容易夾

高難度動作睇到同學眼定定

再嚟一個

Madan 盛載本地舞蹈文化，不論是舞者還是觀眾，共同創造無數大學生的回憶。

藉此推廣跳舞文化

渾身解數

Marf 分享：「跳舞特別的地方就是只要有音樂就能夠溝通，希望每一個Crew或是每一段友誼都能夠找到一種讓大家團結在一起、不需要言語都能夠享受到的默契。」

音樂將大家團結起來

不需要言語的默契

曾子驊繼續炒熱氣氛

再展多個高難度動作

炒熱全埸

樂壇女子組合COLLAR成員Ivy蘇雅琳，昨日（10月22日）推出本年度最後一首個人單曲《葬花辭》，今次歌曲同樣地由Ivy親自填詞，以苦戀為題，大玩古典風及小調式音樂。為配合曲風韻味，Ivy在MV大晒多個典雅造型，散發濃濃的女人味，還滲入粵劇元素，為童年曾接觸粵劇的Ivy勾起不少回憶。

COLLAR成員Ivy蘇雅琳推出年度最後一首個人單曲《葬花辭》，親自參與填詞，以苦戀為題大玩古典風及小調式音樂。

Ivy於本年度先後推出親自填詞的個人單曲《給你一隻大口仔》、《原地拖手》，來到第三首的《葬花辭》，她同樣參與填詞，「今次我都有份填詞，不過搵咗鄭敏老師幫手，因為今次比較高難度，第一次試古典啲、小調式音樂，所以想填出古典味重嘅詞。」歌曲關於一段苦戀，講述一個堅強女仔，愛上一個不應愛的人，最後就像葬花般淒慘，Ivy表示：「一聽到Demo時，好快就覺得首歌係講一段苦戀、一個遺憾，最後選擇用葬花呢個詞嚟貫穿成首歌。」

MV中她大晒多個典雅造型，散發濃濃女人味，更滲入粵劇元素，勾起她童年學粵劇的回憶。

Ivy童年時的粵劇造型。

預告明年單曲活潑風
提到新歌的最大挑戰，Ivy笑說：「遇到最大挑戰唔係我，而係梳化服團隊，因為要喺短時間之內襯出古典造型，真係好大挑戰。」MV中最令Ivy深刻一幕，莫過於滲入粵劇元素，「因為我細個學過粵劇，當初聽完首歌，都諗住用粵劇作故事部分題材，好開心導演喺MV畫面上加插粵劇元素，令我泛起好多兒時回憶。」

Ivy笑言新歌最大挑戰落在梳化服團隊，要在短時間內襯出古典造型。

《葬花辭》是Ivy本年最後一首推出的個人單曲，她希望來年會有更多不同風格的嘗試，「COLLAR試咗好多不同嘅快歌、跳舞，所以喺個人單曲上，我揀Demo時，會揀啲自己有興趣又未試過嘅曲風，而下年嘅Demo已經揀，比今年3首歌會較輕快啲，可以留意下年活潑啲嘅雅琳。」對於年底即將舉行的樂壇頒獎禮，Ivy對此未感緊張，「每次出歌都等於mid-term成績表，出歌後大家嘅反應、喜唔喜歡令我更在意，頒獎禮順其自然，大家喜歡我每首歌已經滿足。」

她透露明年已揀好Demo，曲風會比今年3首歌輕快，讓大家看到活潑一點的雅琳。

對於年底頒獎禮，她表示順其自然，大家喜歡每首歌已感滿足。