Vian連家穎一腳踢籌備跳舞Challenge跳勻全港 預告Me&將推出全新聖誕歌

Vian透露正在為Me&的新歌排舞、錄音同拍MV。

女團Me&的「舞蹈擔當」連家穎（Vian），除了擁有可愛臉和大長腿，同時也是「舞」林高手，擅長跳講求力度及強勁節奏的韓國男團歌曲，而且她都是無師自通。最近她一腳踢製作跳舞Challenge《Vian In Public》系列，在個人IG reels開播，決心跳勻全香港，挑戰高難度舞蹈，而最大挑戰是她的內向「I」人性格。

Vian擁有可愛臉和大長腿，同時也是「舞」林高手。

最近一腳踢製作跳舞Challenge《Vian In Public》系列。

為了收集香港最佳跳舞地點的民意，Vian走到街上主動訪問途人，其中一站在銅鑼灣，幸好Vian出路遇貴人，她說：「我最想挑戰同訓練自己嘅口才，加上鍾意拍dance challenge，於是結合呢兩樣嘢，就誕生咗《Vian In Public》。我係『I』人，好少主動同人講嘢，仲要做街訪收集民意，對我嚟講係一個好大嘅挑戰。街訪當日好彩遇到KB前輩（人氣鼓手李健宏），佢過咗兩招俾我，佢話最好訪問啲著得好有型嘅人，因為通常呢類人都會較健談，我跟住做，真Work，好多謝KB教路。」

Vian為了收集香港最佳跳舞地點的民意，走到街上主動訪問途人。

期間遇到KB，還得到對方「過兩招」。

今次Vian一腳踢，由選曲、編舞、拍攝、剪接到造型以配合歌曲形象，既有可愛活潑、也有型格帥氣，展現出不同面向的Vian，就連髮型、化妝、襯衫全部不假手於人。她感激各品牌贊助，還有公司團隊全力協助，加上腰患剛全癒，令整個計劃能夠順利進行。

《Vian In Public》的選曲、編舞、拍攝、剪接到造型都是由Vian一腳踢！

目前《Vian In Public》系列已播出約十集，她分別到了觀塘碼頭、觀塘海濱長廊、荃灣天橋之坊城、汀九灣、迪欣湖、M＋天台花園、屯門兆禧主場天台運動場、西九藝術廣場等地方拍攝跳舞片。她說：「拍攝嘅時候都好多人圍觀，尤其第一條片喺觀塘碼頭拍，當日好多人跑步經過，會停低望，其實我唔好意思，阻到佢哋跑步，但佢哋留步睇住我跳舞，其實俾我好多energy，希望同時我都俾到energy佢哋同埋觀眾啦！」

Vian喜歡跳舞，坦言受到韓國K POP文化影響，昔日愛看MV無師自通學跳舞，從而發現自己的跳舞天份，所以挑選對自己有深遠影響的歌曲。她說：「影響我最深影響係BIGBANG、2NE1等嘅舊作品啟蒙我，所以特別揀咗佢哋較舊代、對我影響好深嘅作品，向佢哋致敬，多謝佢哋令到今日Me&嘅Vian出現。我期望《Vian In Public》有第二季，衝出香港，去日本、韓國等外地拍攝，運用我少少嘅語言天份，同其他國家嘅人做街訪。」

Vian坦言受到韓國K POP文化影響，昔日愛看MV無師自通學跳舞。

並希望《Vian In Public》有第二季，衝出香港，去日本、韓國等外地拍攝。

除了忙於拍攝《Vian In Public》，Vian更透露Me&即將推出新歌，「我哋Me&近排密鑼緊鼓籌備緊新歌，係一首好有節日氣氛嘅聖誕歌，而家進行緊排舞、錄音同埋拍MV嘅工作，大家可以密切留意，因為今次對我係一個好新嘅嘗試，之前《Eye to Eye》係一首英文歌，今次就嘗試廣東歌，希望大家拭目以待。」

Vian又透露Me&即將推出新歌。

會是一首廣東歌。

熱愛運動的連家穎（Vian）日前應邀參加「Red Bull Rocket Boost Cup」，人生第一次駕駛「超級四衝程」卡丁車！這場兩日一夜的極速之旅絕對是地獄式挑戰，首日學車，隔天直接上陣比賽。面對同場對手竟然包括早前曾與一級方程式（F1）世界冠軍同場較量的游學修，Vian坦言壓力山大，她穿上與7屆F1世界冠軍咸美頓（Lewis Hamilton）的專屬號碼「44」號戰衣，為自己壯膽開戰！

連家穎（Vian）日前參加「Red Bull Rocket Boost Cup」，人生首次駕駛超級四衝程卡丁車。

今次賽事陣容鼎盛，一行17位來自不同界別的藝人與專業車手同場激鬥，除了Vian和游學修，還有岑珈其、波仔Boris、戴玉麒Yukki、樊沛珈、Novel Fergus、Jimpae、陳俞希（HaileyC）、林千渟、陳善渝、楊雅文（泰妹）、吳慧琪（KiKi）、李穎彤（Ellie）、吳伊琳（510）、郭曉妍（Ahyo）以及香港職業賽車手黃敬慈（Keiko）等，以及賽車媒體創作人「L佬」等專業人士隨團指導，場面相當熱鬧。

Vian笑言在賽車場上選用44號，心裡其實有種「唔知醜」的微妙感覺：「足球場嘅我雖然係44號，但喺賽車場上嘅44係代表至高無上嘅咸美頓。為咗對得起呢個數字，我會盡量揸得唔醜怪，唔炒入草灺。今日一個目標：安全，唔炒入草地！」她回想練習時，腦海小劇場爆發，整天幻想轉彎太快會整架翻車，緊張得心跳手震。

首日學車、隔天直接上陣，同場對手包括曾與F1世界冠軍較量的游學修等17位藝人及專業車手。

Vian穿上咸美頓專屬「44」號戰衣壯膽，練習時緊張到心跳手震，第二輪徹底解放大膽踩油，單圈以59秒完成，驚喜跳起。

看完第一日比賽影片與成績後，Vian在第二輪練習決定徹底解放、大膽踩油，連過彎也踩著油門不放。女車神駕到，比起首輪練習足足快多1分鐘，她更揚言：「『飛躍進步獎』非我莫屬！」當聽到大會公布其最快單圈成績以59秒完成時，Vian驚喜到開心跳起，全場歡呼拍掌替她高興。她直呼如果時光倒流，最想對賽前騰雞的自己大喊：「係唔會翻車架！」笑言解鎖了打機才有的「飄移再扭正」神技。

在重頭戲終極比賽，大會「神還原」游學修早前在英國Silverstone賽道出戰小型賽車挑戰賽《Max vs 100》、跟韋斯塔本（Max Verstappen）對戰的形式。今次則由游學修包尾最後起步，瘋狂追趕Vian等16位賽車手。對於被大神爬頭瞬間，Vian手舞足蹈說：「第一次被游學修爬頭嘅時候，同時仲有好多架車，我有少少嚇襯，揼咗一下大迫力（煞車掣），成架車打橫停低，有少少被佢氣勢嚇窒咗！」雖然最後被對方爬頭兼「Lap」了兩個圈，但Vian穩陣衝線，笑言與游學修同框「一齊起步、一齊衝線」浪漫，絕對是超額完成。

終極賽Vian被游學修爬頭時一度嚇窒，最終穩陣衝線。

Vian 總結這兩日笑聲不斷的極速之旅「好好玩」，更宣告對賽車已經徹底「入坑」，揚言下次要嘗試「冇咁穩陣地進步」，誓要繼續挑戰自己，解鎖更多賽道上的無限潛能。

Vian笑言同框浪漫超額完成，更宣告已徹底「入坑」賽車。