新歌《陪我一路漫遊》勁有團魂 ROVER感謝兄弟陪伴願以後同樣

新歌尾段還有歌迷大合唱！

由雷濠權（Jason Loi）、陳鎮亨（亨仔）、卓金樂（Kim）和王希晉（希晉）組成的樂隊ROVER近日推出2024年最後一首歌曲《陪我一路漫遊》，為出道9個月的小總結。ROVER 回望過去這9個月的音樂夢旅程，有笑有淚充滿挑戰，沿路靠著fans的支持外，四子更感恩是兄弟間的扶持、成長，擁抱彼此間的好與壞。

ROVER推出2024年最後一首歌曲《陪我一路漫遊》。

為出道9個月的小總結。

觀看相關影片按連結：https://youtu.be/05ZPjlReOr8

ROVER第四首新歌《陪我一路漫遊》由ROVER作曲、Oscar填詞、Edward Chan 監製，是 四子出道以來不夠一年的小總結，隊長Kim說：「多謝Oscar嘅詞講出我哋嘅心聲，由第一 句『一轉眼已站在這裏，真心擁抱各自的過去』到『陪同我放膽走 陪同我遠闖大宇宙』。呢一年真係過得好快，由參賽、組band、學寫歌、建立ROVER band房，我哋四個由唔識零默契，到而家了解對方、明白對方，仲有Radar（ROVER fans暱稱）的陪伴，令到我哋真係可以放膽去試去闖更遠。」

亨仔

希晉

為記錄ROVER的成長與兄弟情，MV收錄了四子出道以來一些演出、兄弟間打鬧、還有各人 互相展示偷拍的兄弟黑圖畫面，不能少還有早前ROVER fans meet與Rader一齊做ROVER團手勢的畫面，當晚還邀請了現場近200位歌迷，即場與ROVER合唱了《陪我一路漫遊》 尾段「wo...wo..」，以感謝歌迷在他們尚有很多不足，這段時間的不離不棄。」

MV收錄了四子出道以來一些演出的畫面。

MV收錄了四子出道以來一些演出的畫面。

兄弟間打鬧的畫面。

兄弟間打鬧的畫面。

還有互相展示偷拍的兄弟黑圖畫面。

以及在ROVER fans meet中與Rader一齊做ROVER團手勢的畫面。

新生代樂隊ROVER推出新歌《旗跡》，四子陳鎮亨（亨仔）、王希晉（希晉）、卓金樂（Kim）及雷濠權（Jason）特意邀請四隊風格各異的樂隊合作Cover企劃，打頭陣有ToNick，緊接有野佬、逆流，壓軸更請來殿堂級樂隊太極，各自演繹不同版本的《旗跡》，展現Band Sound的多樣魅力。

ROVER x ToNick

ROVER x 太極

ROVER x 逆流

ROVER x 野佬

這次Cover由ROVER親自策劃，Jason說：「我哋一路都好想同唔同嘅樂隊合作，想藉住《旗跡》呢首新歌，搵一啲有代表性嘅樂隊，集合唔同風格去玩。」當中逆流更是他從小聽到大的樂隊，Jason大讚他們的版本超級正，充滿逆流風格，聽得他們非常驚喜。

ROVER x 逆流

ToNick的參與亦令ROVER成員希晉格外興奮，「好多謝恆仔、晨曦、小龜，同埋啱啱飛返嚟嘅Ryan！之前團綜合作過，但當時Ryan唔喺度，今次終於齊人一齊玩呢首歌。」他更透露從ToNick身上感受到活力與能量，尤其欣賞主音恆仔的台風：「我都有偷師，睇咗佢哋之前演出嘅片段，好多謝ToNick同我哋玩！」

ROVER x ToNick

Kim則分享與野佬合作的愉快點滴：「之前佢哋有教我哋好多夾Band嘅技巧同心得，希望可以同佢哋一齊玩落去，一齊夾Band落去！」亨仔則特別鳴謝太極：「多謝前輩們嚟同我哋玩呢場充滿奇蹟嘅冒險之旅！太極肯同我哋玩《旗跡》，真係超級開心，希望有機會可以一齊再喺台上夾Band！」能夠獲前輩親自落場參與，對ROVER而言意義非凡。

ROVER x 野佬

除了Cover企劃，ROVER將於3月30日迎來首個演唱會，全企位設計讓樂迷能夠零距離感受Band Sound的震撼。距離演出尚餘不足兩星期，亨仔透露籌備工作已進入最後階段：「我哋籌備到密鑼緊鼓，差唔多搞掂晒，所有嘢都進入Rehearsal階段，加油！加碼爹！」

ROVER x 太極

Jason表示每日都努力練歌，準備不同類型的作品：「有Band嘅歌，亦有Solo、合唱嘅歌，好多唔同嘅歌準備畀大家。」Kim更透露今次演唱會的編曲心思：「我哋會玩返晒所有自己嘅歌，仲有好多唔同前輩同樂隊嘅歌，我哋重新編曲，Band sound同自己嘅歌都會有唔同編排，全部由我哋自己搞，雖然要花多啲時間，但絕對值得！」ROVER聯乘太極、ToNick、野佬及逆流的《旗跡》Cover已在YouTube推出，而3月30日ROVER在新蒲崗Portal舉行的演唱會門票亦現正公開發售。