馬力十足賀新年｜眾主持玩住過年 練美娟投訴少jobs盼馬年推出一首派台歌

馬年即將來臨，ViuTV推出全新賀年節目《foodpanda 呈獻 馬力十足賀新年》，與大家一同慶祝新春佳節。而今年，ViuTV打破傳統，集結青春力量，拒絕老套賀年套路。由除夕（2月16日）起，逢星期一至五晚10時30分，陪伴大家展開十晚狂歡盛宴！主持陣容包括ERROR成員梁業（Fatboy）；P1X3L成員葉振弘（Marco）；ROVER成員卓金樂（Kim）、雷濠權（Jason）、王希晉（希晉）；以及程人富、田曜誠（Tsoul）、練美娟（娟姐）、蘇皓兒（Chloe So）、何洛瑤（Sica）、楊安妮（Win Win）、陳海寧（Isabella）、米露迪、溫湯馬仕（Thomas Windle）及Beanies成員張天穎（Jaime）、陳樂頤（Georgina）、李凱翹（Kay），一齊「馬力十足賀新年」！

一眾主持都祝願大家馬年快樂，恭喜發財。

今晚節目首播，以「蛇年收爐大會」揭開序幕。一眾主持包括Fatboy@ERROR、Kim@ROVER、Jason@ROVER、娟姐、Win Win及Isabella，率先寫下自己對 ViuTV 的意見和馬年願望。娟姐就直接投訴「太少 Job」，並指在場主持全部都有屬於自己的歌曲，因此希望於馬年推出一首派台歌，更開玩笑指：「原來出歌都唔使把聲好聽架，有聲就得㗎啦」。

卓金樂Kim@ROVER

梁業Fatboy@ERROR

陳海寧Isabella

楊安妮Win Win

雷濠權Jason@ROVER

娟姐練美娟

娟姐指在場主持全部都有屬於自己的歌曲，因此希望於馬年推出一首派台歌。

更直接投訴「太少Job」!

至於Kim在填寫「ViuTV老Best」時寫上「金生」，眾人都直指大膽。Fatboy聽到即笑言：「可能係佢老竇嗰個金生呢！」其後製作組替 Kim「平反」，解釋Kim全名為卓金樂，Kim父親應為「卓生」而非「金生」。而Jason則趁機為自己「謀福利」，表示如果可以勝出，希望可以獲得終身來回港澳船飛，並強調此願望對他相當重要。

Kim在填寫「ViuTV老Best」時寫上「金生」，眾人都直指大膽。

Jason則趁機為自己「謀福利」，表示如果可以勝出，希望可以獲得終身來回港澳船飛，並強調此願望對他相當重要。

在其後的問答遊戲環節中，主持需寫下相同答案方可勝出。其中一題為前往維園年宵時，會選擇由銅鑼灣或天后入口進場；而澳門居民Jason則問到 :「邊度係維園啊？」經過兩輪遊戲後，主持們以幸運攪珠形式抽出獎賞。三賞由Isabella抽中送蛇迎馬禮盒套裝，Kim抽中二賞1,000元超市禮券，而最大獎「願望兌換券」則由Jason奪得，節目組需兌現Jason終身澳門來回船飛願望。但經過節目組向船公司溝通後，暫未獲回覆，Jason的心願最終能否成真，結果仍有待揭曉。

主持們玩了兩輪遊戲。

經過兩輪遊戲後，主持們以幸運攪珠形式抽出獎賞。

三賞由Isabella抽中送蛇迎馬禮盒套裝。

最大獎「願望兌換券」則由Jason奪得，節目組需兌現Jason 終身澳門來回船飛願望。

ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。

Marco表示戲內外都跟娟姐學習

娟姐大爆朱鑑然愛穿著背心周圍走

二人相處融洽

在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」

Off Cam時自拍留念

娟姐特意觀看了多部法庭作品

為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」

她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」

叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」

他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」

他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」