樂迷mark定日子撲飛啦。
黃凱芹Chris 2021年在戲曲中心舉行的三場演唱會門票迅速售罄，曾令不少撲不到飛的觀眾失望，2025年1月2日至5日，黃凱芹載譽歸來，一連四場的「唱．2025 Live黃凱芹X杜自持音樂會」將會在西九文化區戲曲中心大劇院舉行。除了獻唱經典金曲及自家創作外，Chris更會演繹杜自持Andrew扣人心弦的作品！
點擊看圖輯
今次Chris仲會演譯Andrew曾為他及別人創作/編制嘅歌曲
出年1月又開音樂會啦
二人緣結於20多年前， Andrew曾經作曲給Chris及為Chris多首歌曲編曲，像「Hello merry Christmas」「再戀」、「讓我痴迷愛一次」、「執迷不悔」...等。二人惺惺相惜，這次是黃凱芹X杜自持的音樂會，顧名思義，演唱會將會是兩位的一個音樂作品展，30多首歌曲中，Chris除演唱自己作品包括作給自己及別人的歌曲外，更會演譯Andrew曾為他及別人創作/編制嘅歌曲，絕對不能錯過。音樂才子遇上音樂大師，必定帶給觀眾一場空前絕後的音樂盛宴!
今次Chris仲會演譯Andrew曾為他及別人創作/編制嘅歌曲
演唱會將會是兩位的一個音樂作品展
門票12月4日公開發售
公開發售日期：2024年12月4日上午10時
網上購票：www.westk.hk
電話購票：(852) 2200 0022
音樂會資訊 -
演出日期：2025年1月2-5日
演出時間：晚上8時
演出地點：西九文化區戲曲中心大劇院
門票售價：港幣 $980 / $780 / $480
謝霆鋒昨日（4月2日）受香港大學未來媒體學院邀請，出席「創意．娛樂．創業：鋒味創新融匯」主題講座，跟大家探討他橫跨演藝、餐飲、科技、商業等多個領域的歷程及創新思考。講座以對談形式進行，由該學院總監及教授（實務）楊紫燁（Professor Ruby Yang）跟霆鋒對談，後設有問答環節，讓霆鋒答現場同學問題回。
謝霆鋒受香大未來媒體學院邀請，出席「創意．娛樂．創業：鋒味創新融匯」主題講座。
講座上，霆鋒透露自己在不同範疇的思考模式十分相似，尤其在創意方面。他舉例：「對我嚟講，寫歌嘅第一步係先收集音符；準備一道菜嘅話，就需要先收集食材，然後一步步諗點樣搭配。」他進一步解釋，第二步就是確定想做甚麼風格或菜系，「煮嘢食嘅話，你會問自己：『我想做福建菜定係泰菜？定係想做麻辣風味？』音樂方面就係揀邊種類型，你想做 Heavy Metal、Rock 定係 Jazz？呢一步就好似揀定個大方向，之後從中再發揮。成個思維路徑都係一脈相承。」
謝霆鋒
霆鋒特別提到歌曲《推倒重來》並有感而發，指現今正處於文化、科技與人性的交匯點，AI發展速度指數級增長，幾乎每星期都有新突破，令所有事情都要「推倒重來」。他更觀察到，就連價值觀也正在被挑戰：「以前大人教我哋要努力工作、努力讀書先有美好未來，但而家有人話工作只係其中一個options , 甚至未來可能根本冇工做。咁我哋仲點解要咁努力工作？呢個就係價值觀被重新審視、改變嘅過程。」
謝霆鋒
霆鋒又自爆一個十多年前被視為「黐線」的想法。他指自己曾營運電腦特效公司，經常掃描自己的樣貌製作數碼版本。有次掃描時突然靈機一觸，跟經理人Mani說：「如果英皇娛樂十年後想繼續成功經營藝人管理部門，每個藝人都應該好似我咁樣scan自己個樣。」說到這裏，坐在旁邊的Professor Yang突然拿出電話對準他拍照，並說：「呢個係Best View！」哄得全場大笑，就連霆鋒也忍不住笑起上來，隨後霆鋒建議掃描不同年齡階段的藝人，例如20到30歲的謝霆鋒和容祖兒，然後將數碼形象進行數位授權。
謝霆鋒
霆鋒解釋：「我相信十年後、十五年後，人類已經唔需要再親自出鏡去拍廣告、拍電影。你諗吓，我拍好多動作電影，嗰啲場面連買保險都有困難。如果可以用數碼形象代替，就解決咗好多問題。」他認為這個做法同樣適用於運動員，讓他們毋須擔心受傷或體能限制。
謝霆鋒
回想當年，霆鋒笑說：「當然，十幾年前我講呢啲說話嘅時候，所有人都覺得我好黐線。」但他指出，時至今日大家已經歷NFT、Blockchain等概念洗禮，技術上完全做到。他認為現在只差一步：「關鍵就係要睇吓邊個願意做嗰隻白老鼠，第一個去嘗試呢個新方向。」言下之意，這個當年被視為天方夜譚的構想，隨時可能成為娛樂圈的未來趨勢。
謝霆鋒
最後，霆鋒寄語大家：「當然大家要去擁抱、接受同埋點樣利用AI呢個科技，其實講到尾最令你嘅難忘、最設身處地嘅嘢，就係要有自己嘅Experience。」
