ToNick音樂會玩轉AXA Wonderland 變身「暖男洗碗機」解構男人浪漫

闊別香港專場舞台超過兩年，人氣樂隊ToNick終於宣佈回歸！今次佢哋揀喺5月1日勞動節開騷，於Backyard@AXA Wonderland舉行《Backyard Live: ToNick我是你的洗碗機》音樂會。今次唔止係一場戶外Band Show，ToNick四子更決定將演藝圈最神祕嘅「後台禁區」搬上台，邀請全場觀眾一齊參與「開騷拜神儀式」，將現場變成大型「自己人」屋企派對。

ToNick將於5月1日在Backyard@AXA Wonderland舉行《Backyard Live: ToNick我是你的洗碗機》音樂會。

從憤怒Band仔進化「暖男洗碗機」：見證ToNick成長路

自2024年九展演唱會後，ToNick雖然一直有喺各大音樂節見大家，但樂迷最恨嘅始終係近距離接觸。等咗兩年幾，呢班曾經滿腔熱血嘅「Band仔」已經踏入人生新階段，由「憤怒」變做「愛惜」。

ToNick IG圖片

今次演唱會主題《我是你的洗碗機》，正正係ToNick四位成員（恆仔、小龜、Ryan、晨曦）步入「成熟男」嘅心聲，「今次嘅主題係講男女關係，有好多人就算變到阿伯都唔識得同另一半相處，成日吵吵鬧鬧又或者不瞅不睬。點成熟地處理關係並不在於年紀，而係在於心態。到時入場睇吓我哋有乜分享啦！其實ToNick都冇咩大改變，都會keep住做音樂出show、同其他單位合作。我哋同fans互相睇住對方成長，依家同佢哋溝通嘅方法亦都唔同咗，唔一定淨係show先見面，可以平時都互相關心吓！」

ToNick「某成員」笑言男人去到某個年紀，最重要係識得「既來之，則安之」，只要另一半開心，屋企就快樂，世界就和平。所以我哋已經做好洗碗抹地、任勞任怨嘅覺悟。

ToNick IG圖片

Backyard新模式「超近距離」：只限一千人同步用愛發電

今次ToNick再度選址AXA Wonderland，但就玩轉新花樣，利用Backyard呢個全新場地模式，務求拉近同大家嘅距離。現場空間特別強調「Homey」同「親密感」，僅僅開放1,000個名額，令台上下可以真正做到「零距離」互動。

ToNick IG圖片

ToNick興奮指：「我哋嚟過呢到好多次，但今次想透過Backyard模式玩啲唔同嘅嘢，想同一千人一齊用『愛』發電，玩爆個場！」除了場地革新，今次最爆嘅point莫過於「全場拜神儀式」。平時淨係得Artist同Crew先可以參與嘅開騷傳統，今次竟然邀請埋觀眾參與，屆時會有充滿儀式感嘅切燒豬環節。最令樂迷驚喜嘅係VIP門票福利，除咗有簽名海報同合照，仲會獲贈極具創意嘅小禮包（圍裙及抹手巾），最誇張嘅係竟然包含「拜神燒豬一客」，令唔少網民大嗌：「真係當正大家係自己人，成件事好暖！」

演出及門票資訊：

Backyard Live: ToNick 我是你的洗碗機
日期： 2026年5月1日（星期五）
時間： 17:30
地點： Backyard @ AXA Wonderland
票價： VIP HKD $888 | GA HKD $488
VIP 專享： VIP Zone、小禮包（圍裙 & 抹手巾）、4:1 合影、簽名海報、拜神燒豬一客
售票詳情： 2026年4月8日於KLOOK公開發售

關注一下過去24小時娛圈事Top 5熱話。

佘詩曼帶陳山聰囝囝過「二人世界」 6歲Jaco又man又sweet冧爆契媽

51歲的視后佘詩曼出名喜愛小朋友，擁有十多名契仔契女，身為「廿四孝契媽」，阿佘一有空閒時間就會約契仔契女見面，近日她就挑戰「單拖」帶契仔、陳山聰兒子陳霆軒（Jaco）外出享受「二人世界」，更全程被Jaco冧爆！

▼詳情點擊圖片查看或按連結

Red Velvet瑟琪表妹秀珍驚傳意外離世 家人心碎傳達噩耗

韓國人氣女團Red Velvet成員瑟琪（Seulgi）的表妹、同時也是人氣YouTuber的秀珍（SUJIN），驚傳於6月7日因突發意外不幸離世，終年30歲。噩耗於6月11日透過其YouTube官方頻道「Sukyzin」留言區公布，突如其來的消息讓大批粉絲震驚心碎。

▼詳情點擊圖片查看或按連結

全新處境劇《愛‧回家之三代同糖》8月隆重登場 車婉婉吳若希李茵彤落實擔正

自《愛‧回家之開心速遞》開心宣布即將迎來結局篇，全城焦點落在《愛‧回家》熊家、龍家及各大重點CP的最終發展之餘，亦十分期待接棒處境劇的內容及主角人選！今日（6月11日）無綫千呼萬喚宣布全新處境劇《愛‧回家之三代同糖》（下文簡稱《三代同糖》）已落實於8月隆重登場，播映時間為周一至五晚上八點翡翠台。《三代同糖》由羅永賢Marco監製，馬俊縈編審，馬俊縈、謝浩洋、潘逸豪執行監製，三位主角均為唱得兼Talk得的女藝人，分別為車婉婉、吳若希及近期憑主持遊戲綜藝節目《唱錢》人氣急升的甜美女新人李茵彤Desta。

▼詳情點擊圖片查看或按連結

黃嘉雯峇里晒螞蟻腰 S曲線震撼網民

港姐冠軍黃嘉雯（Carmaney）在社交平台分享峇里島度假片，大玩換裝晒美好身段。她穿一字膊露肩短衫展示香肩鎖骨及零贅肉螞蟻腰，再穿緊身裸色長裙在無邊際泳池前大騷S曲線，獲大批網民激讚。

▼詳情點擊圖片查看或按連結

ToNick主音趙善恆與紋身師女友結婚 手繪紋身當婚戒

ToNick主音趙善恆（恆仔）昨日（6月10日）宣布與紋身師女友Kylah Chan在美國拉斯維加斯結婚，上載甜蜜婚照並留言：「The Futures Looks Pretty Good With You.」二人未有佩戴傳統婚戒，改以手繪紋身代替。恆仔曾與譚杏藍拍拖10年，2023年分手後傳出軌，如今各自找到歸宿。

▼詳情點擊圖片查看或按連結