闊別香港專場舞台超過兩年，樂隊ToNick終於宣佈回歸！今次選擇在5月1日勞動節開騷，於Backyard@AXA Wonderland舉行《Backyard Live: ToNick 我是你的洗碗機》音樂會。今次唔止係一場戶外Band Show，ToNick四子更決定將演藝圈最神祕嘅「後台禁區」搬上台，邀請全場觀眾一齊參與「開騷拜神儀式」，將現場變成大型「自己人」屋企派對。
ToNick在5月1於Backyard@AXA Wonderland舉行《Backyard Live: ToNick 我是你的洗碗機》音樂會。
成員心聲直擊
點擊看圖輯
ToNick在5月1於Backyard@AXA Wonderland舉行《Backyard Live: ToNick 我是你的洗碗機》音樂會。
恆仔
晨曦
小龜
Ryan
粉絲們
全場大合照
主音恆仔：「如果洗碗同夾Band只能揀一樣，我揀捽碟。見到佢哋三個咁幸福，真係令我好討厭！」其他成員好早結婚，由細到大都恐嚇我叫我唔好。
恆仔
晨曦：「戶外＋音樂＋飲飲食食，係我理想中最好嘅音樂會配置！好感謝上天送咗好天氣比我哋，希望大家透過音樂同細節，感受到ToNick生活點滴，引起共鳴。」
晨曦
小龜：「愛與和平最易講但最難做。能夠喺咁特別嘅場地、好天氣、好觀眾同親友齊聚一堂同我哋ToNick幾個兄弟咁齊人開一個party，其實所有嘢都係一個緣份，值得珍惜。希望大家能從今次音樂會領悟人生。」
小龜
Ryan：「闊別兩年，再次戶外瘋癲一晚，配合酒水美食同日落，perfect match！Fans可以一齊拜神切燒豬、再去After Party DJ show，好似成個ToNick family去嘉年華咁，一齊放風！」
Ryan
從憤怒Band仔進化「暖男洗碗機」：見證ToNick成長路
自2024年九展演唱會後，ToNick雖然一直有喺各大音樂節見大家，但樂迷最恨嘅始終係近距離接觸。等咗兩年幾，呢班曾經滿腔熱血嘅「Band 仔」已經踏入人生新階段，由「憤怒」變做「愛惜」。今次演唱會主題《我是你的洗碗機》，正正係ToNick四位成員（恆仔、小龜、Ryan、晨曦）步入「成熟男」嘅心聲：「今次嘅主題係講男女關係，有好多人就算變到阿伯都唔識得同另一半相處，成日吵吵鬧鬧又或者不瞅不睬。點成熟地處理關係並不在於年紀，而係在於心態。到時入場睇吓我哋有乜分享啦！其實ToNick都冇咩大改變，都會keep住做音樂出show、同其他單位合作。我哋同fans互相睇住對方成長，依家同佢哋溝通嘅方法亦都唔同咗，唔一定淨係show先見面，可以平時都互相關心吓！」
ToNick「某成員」笑言男人去到某個年紀，最重要係識得「既來之，則安之」，只要另一半開心，屋企就快樂，世界就和平。所以我哋已經做好洗碗抹地、任勞任怨嘅覺悟。
Backyard新模式「超近距離」：只限一千人同步用愛發電
今次ToNick再度選址AXA Wonderland，但就玩轉新花樣，利用 Backyard 呢個全新場地模式，務求拉近同大家嘅距離。現場空間特別強調「Homey」同「親密感」，僅僅開放1,000個名額，令台上下可以真正做到「零距離」互動。
ToNick興奮指：「我哋嚟過呢到好多次，但今次想透過Backyard模式玩啲唔同嘅嘢，想同一千人一齊用『愛』發電，玩爆個場！」除了場地革新，今次最爆嘅point莫過於「全場拜神儀式」。
平時淨係得Artist同Crew先可以參與嘅開騷傳統，今次竟然邀請埋觀眾參與，屆時會有充滿儀式感嘅切燒豬環節。最令樂迷驚喜嘅係VIP門票福利，除咗有簽名海報同合照，仲會獲贈極具創意嘅小禮包（圍裙及抹手巾），最誇張嘅係竟然包含「拜神燒豬一客」，令唔少網民大嗌：「真係當正大家係自己人，成件事好暖！」
粉絲們
全場大合照
