蔡一智生日獲周潤發古天樂賀壽群星拱照「登六」

娛圈事

蔡一智生日獲周潤發古天樂賀壽群星拱照「登六」

2025年01月06日 23:30 最後更新：01月07日 13:22

開心「登六」。

草蜢成員蔡一智前日（3日）踏入60歲生日，其生日派對更星光熠熠，出席嘉賓包括古天樂、古巨基、張智霖、袁詠儀、容祖兒、蔡卓妍、周勵淇、關智斌等，而周潤發（發哥）更為他舉行驚喜生日慶祝活動，齊齊賀阿智正式「登六」。

點擊看圖輯

人緣極好

發哥及一眾跑友一同唱生日歌

阿SA 亦有出PO講二人淵源

真有缘份

更多相片

人緣極好

發哥及一眾跑友一同唱生日歌

阿SA 亦有出PO講二人淵源

真有缘份

阿智在IG 上載了一條影片，入面有多張生日派對與賓客共歡的照片，阿智更標籤了「new start」，又指很愛一班朋友。而發哥領軍的跑友團亦為他準備了生日蛋糕，令阿智感到快樂幸福。發哥更親自操刀拍下自拍照，現場氣氛溫馨感人。

蔡卓妍（阿Sa）亦在社交平台分享多張生日會照片，並提及她與蔡一智的深厚淵源。阿Sa回憶道：「同阿智嘅緣份由我六歲開始，當時我爸爸副業幫忙安排香港歌手海外登台，我第一次見到明星就係草蜢同彭羚。之後Twins第一個演唱會，草蜢係撐場嘉賓，阿智竟然還記得我媽媽，真係令人好感動！」

View this post on Instagram

A post shared by 蔡一智草蜢Grasshopper Calvin Choy (@calvinchoy11)

往下看更多文章

草蜢《老的辣》MV如時裝騷腹肌放題轉到頭暈蔡一傑化身「DJ Remus」重出江湖

草蜢成軍40周年紀念企劃由新歌《老的辣》揭開序幕，精心炮製的「特濃草蜢式」MV昨晚上架，除了招牌勁歌熱舞，還有海量靚衫和腹肌放題，而且蔡一傑發放隱藏大招，「DJ Remus」重出江湖首次亮相MV打碟，驚喜滿滿。

觀看相關影片按連結：https://youtu.be/WKTq07rRZZg

新歌《老的辣》由蔡一傑作曲、黃偉文填詞、何秉舜編曲，並與蔡一傑聯合監製。相隔7年再拍新歌MV，草蜢加操練歌和健身，帶幾個行李箱的服飾上陣。蔡一傑說：「好耐冇拍MV，平時買買埋埋咁多靚衫，今次要傾巢而出。」蘇志威笑指導演吩咐每人準備3套衫拍攝，結果他們每人帶了13套衫到場。珠片、皮革、綑綁、窩釘、低腰、長褸等，MV仿如時裝騷，令人目不暇給。

期間草蜢站在自轉舞台上唱歌跳舞，來來回回轉了半小時後表示暈陀陀。蔡一智說：「看似簡單嘅鏡頭其實好難，要有好好嘅core muscles（核心肌群）先至可以做到動作。」蔡一傑補充：「因為周圍漆黑一片咁樣旋轉，視線冇焦點，仲要跳舞，真係好難。所以做人最緊要『有焦點』！」還風騷表示是日焦點就在腰間他們的腹肌上。

蔡一傑的焦點除了弗爆身材，還有他首次在MV以「DJ Remus」身份表演打碟，配合燈光，帶動全場氣氛，台前幕後都起哄吶喊。蔡一智說：「其實好多人都唔知道蔡一傑其實係一名DJ，咁多年來我哋都冇褒獎過佢。（傑：係呀！）所以喺今次MV我哋就特別畀個焦點佢，蔡一傑以DJ身份上台表演，讓觀眾見到佢嘅另一個Talent。」蘇志威表示這是他與蔡一智主動向導演要求加入，蔡一傑聞言驚喜並甜笑。

蔡一傑說：「其實好多年前我已經開始打碟，好多人都唔知我係專業嘅DJ，今次MV 我重出江湖，將來演唱會after party，我都可以打碟，大家一齊玩！」身旁蔡一智乘機賣廣告拉生意，笑說：「生日、結婚、開party都可以叫蔡一傑嚟打碟，打畀我就會安排佢到會。嗱，我哋依家一條龍服務，打呢個電話搵我。」全場大笑。

這次草蜢與年紀輕輕的新導演及團隊合作，蔡一傑爆與導演搞笑對話：「今朝導演問我嚟過嘉龍片場拍嘢未？我同佢講，我哋30年前已經嚟拍嘢，但佢30年前未出世，哈哈！其實今次真係好開心同新導演、攝影師合作，成個團隊都好年輕，好有活力。」蘇志威認同：「新導演和攝影師有好多諗法，年輕嘅步伐，令到MV出嚟效果好突破。」