咁樣過年至正路｜鍾慧冰過年用辟邪四寶沖涼由頭淋到落腳 阿正公開奇怪蘿蔔糕食法

阿正自爆從小食蘿蔔糕都會蘸泰式酸辣醬。

ViuTV全新節目《安信兄弟為你呈獻：咁樣過年至正路》由1月27日起，逢星期一至五晚上10時30分播放。主持黃正宜（阿正）和鍾慧冰（冰姐）走訪ViuTV選美真人騷《美麗40路》參賽者家中，了解她們各自的過年習俗。此外，蕭欣浩博士和一眾新生代男主持陳樂庭、羅子熙、劉瑞威、何居倬、黃泓祖、王鋒以及林昆樂還會組成「解說團隊」，擊破一個又一個過年習俗迷思。

鍾慧冰和黃正宜擔任主持。

年廿八（1月27日）首播的第一集，阿正和冰姐去到《美麗40路》參賽者周雅韻（Connie）家中一同洗邋遢。對於洗邋遢這個傳統，自己搬出來住的阿正坦言最多只會吸塵，而冰姐就表示跟阿正媽媽一樣會洗得很仔細，不過阿正卻試探地問：「都唔係你做啦，係咪啊？」被阿正講中的冰姐即時霸氣地說：「你唔好理，我指揮啊嘛！指揮嗰個最重要啊！」

阿正和冰姐到《美麗40路》參賽者周雅韻Connie（右）家中一同洗邋遢。

冰姐笑稱自己在家中是指揮官，負責指揮人洗邋遢。

除了屋之外，人都要洗邋遢，阿正聲稱每年年廿八一定會用碌柚葉沖涼，至於冰姐就更厲害，直頭會用辟邪四寶，包括：碌柚葉、黃皮葉、芙蓉葉和柏葉煲水沖涼，還會由頭淋到落腳。

每年年廿八，阿正都會用碌柚葉沖涼。

冰姐每逢年廿八會用辟邪四寶煲水沖涼，由頭淋到落腳。

而講到過年傳統食品蘿蔔糕，阿正由於小時候不吃辣，唯有改蘸泰式酸辣醬，但是因為從小吃到大，所以就算人大了，知道沒有人會這樣吃，也改不了這個奇怪食法。冰姐則表示自己以前會煎蘿蔔糕來吃，但近年因為怕熱氣和要保養聲線，所以改為蒸蘿蔔糕。不過蒸糕時會放些XO醬於蘿蔔糕上面，又或者會加些豉油熟油一齊蒸。冰姐果然識養生又識食。

阿正、冰姐跟Connie一齊整蘿蔔糕。

阿正透露自己由細到大都是蘸泰式酸辣醬食蘿蔔糕。

冰姐指因為怕熱氣，近年已由煎轉為蒸蘿蔔糕。

ViuTV原創劇《WeWa卡玩轉地球 呈獻 日落下的彩虹》將於7月29日起，逢星期一至五晚上9時30分播映。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

夏雨、黄奕晨首度父子合作拍劇

今次劇集成功邀請一眾前輩們參與，包括吳浣儀、郭鋒和夏雨等，而夏雨更是與兒子黄奕晨（Dixon）首度父子同場拍劇。劇中Dixon、陳欣妍（Shirley）飾演年輕夫妻與夏雨、郭鋒組成一對鬥氣親家。夏雨笑言雖然首次父子合作感到新鮮，但沒有覺得特別：「未曾同佢拍過戲，但在我嚟講冇咩特別，因為我而家呢到嘅身份就係做呢個戲嘅角色。每一個人都係，入到嚟就投入咗你嘅角色，唔應該記返喺戲外面嘅身份。排戲、演戲嘅時候就喺角色裏面。我係比較容易投入同埋抽離嘅人，所以覺得係有啲新鮮感」。

夏雨與兒子黄奕晨首次合作感新鮮。

不過，Dixon就大爆同場工作時感覺夏雨緊張和尷尬，尤其是當給予指導的時候。他笑言在片場中，二人因尷尬而甚少溝通：「喺片場我同我老竇係唔講嘢㗎，係會尷尬嘅嗰下。但我同鋒哥（郭鋒）好多嘢講㗎。我有嘗試叫埋佢入嚟一齊傾㗎，但係好似冇乜反應。」

黄奕晨笑言同爸爸夏雨在片場氣氛緊張尷尬。

談到維繫良好的家庭關係，夏雨覺得最重要是和諧：「最緊要就係和諧。啲小朋友大咗就自然會離開我哋。每人都係一個獨立嘅個體。我覺得大家保持間唔中食吓飯，當有困難嘅時候，最能夠幫你嘅都係屋企人。」郭鋒大讚Dixon：「你個仔好乖，好尊重啲長輩，有文有路，學習精神 Very good，可以見到你教兒女個方法係好正確。因為你仁慈、好慈愛，人哋睇到你好似好嚴肅，但原來好Nice 嘅。所以見到你仔仔就知道爸爸係點樣嘅人。」夏雨隨即笑言多謝：「我叫佢咁講。」

郭鋒大讚黄奕晨乖仔有禮。