日落下的彩虹｜周家怡演技大爆發！與區家上下攤牌戲獲網民封全劇MVP

ViuTV全新原創劇《日落下的彩虹》自開播以來迴響不斷，以即將清拆重建、充滿集體回憶的彩虹邨為背景，透過多個單元故事探討貼地香港議題，成功引發全港觀眾強烈共鳴。隨着劇情進入高潮，劇中飾演核心角色「區家瑤」的實力派演員周家怡，憑藉爐火純青的演技引爆全網熱話，更被無數網民推舉為「全劇MVP」！

《日落下的彩虹》劇照

第四集情感大爆發 演技「入心入肺」融化觀眾

《日落下的彩虹》主打細膩日常與屋邨人情味。在最新播出的第四集中，劇情迎來另一個高潮。周家怡飾演的「區家瑤」面對生活抉擇與家庭重擔，在與區家上下攤牌的一幕戲中交出「教科書式演技」。區家瑤將壓抑已久的委屈、無奈與對家人的愛恨交織全數釋放，層次分明的哽咽但又強忍嚎哭演得「入心入肺」，牽動著無數觀眾的淚腺。不少觀眾看完後紛紛在社交平台留言：「周家怡一哭，我也跟著哭了」、「第四集攤牌那幕簡直是全劇靈魂，周家怡是當之無愧的MVP！」

《日落下的彩虹》劇照

《日落下的彩虹》劇照

台前幕後傾力交出代表作

對於獲得排山倒海的好評，周家怡感恩的說：「作為演員可以遇到『區家瑤』這個好角色，真係好幸福，而網上見到很多觀眾留言鍾意呢個戲覺得好感動，因為一個好嘅作品，如果冇人睇到真係好可惜。」第七集會開始講返辣椒姐的感情生活，一個一直以來顧家硬朗的辣椒姐，遇到一個由柏天男飾演的俊男，這段感情戲一定會好吸睛。

《日落下的彩虹》劇照

《日落下的彩虹》劇照

這部由劉偉恆執導的《日落下的彩虹》，集合了吳婉儀、周家怡、強尼、肥仔，三位在劉偉恆早前的反起跑線聯盟家長成為一家人，而老中青三代演員包括夏雨、郭鋒、潘燦良、唐詩詠、許軼、蘇文濤，個個好戲之人。期待往後屋邨貼地小故事。

觀看相關影片按連結：https://youtu.be/OmlzuoqAy0g

ViuTV原創劇《日落下的彩虹》逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

《日落下的彩虹》劇照

《日落下的彩虹》劇照

(左起)二姐區家瑤（周家怡 飾）、三弟區家齊（梁業 飾）、大哥區家樂（強尼 飾）和媽媽蘭姨（吳浣儀 飾）

上周五（31日）播出的一集將會講述蘭姨和三兄姊弟的故事

上周五（31日）和周一（3日）的一集，講述蘭姨（吳浣儀 飾）和其三個子女：大哥區家樂（強尼 飾）、二姐區家瑤（周家怡 飾）和三弟區家齊（梁業 飾）的家庭故事。今次的拍攝令眾人也有所得著，周家怡分享指：「一家人唔好計較咁多，要成日提自己珍惜大家嘅關係。其實所有關係都可以突然間無咗，有嘅時候就唔好拗咁多，人係特別容易為少少嘢就會辣著。屋企係一個唔應該講對錯嘅地方。如果感覺到對方嘅情緒開始激動，你就唔好同佢硬要爭贏，又或者如果做到嘅話，轉個頭先講」。

飾演大哥的強尼指：「人某個時候去咗個矛盾位，通常就冇咁容易重新打開返嗰道門。好慶幸經歷咗呢兩集嘅拍攝，好開心可以經歷一個咁嘅過程，因為現實生活真心未必咁容易可以做得到。」而ERROR成員肥仔現時不再跟家人同住：「𠵱家開始自己出嚟住，我覺得要識得返屋企，間唔中有咩事都要諗起阿爸阿媽。其實唔需要做好多好複雜嘅嘢，食餐飯、傾個計，或者間唔中打個電話，都係一種窩心。」作為媽媽的吳浣儀說：「做阿媽就盡量真係唔好偏心。我有四個小朋友，盡量冇偏心，但有時可能佢哋會自己比較。」

談到維繫家庭關係，吳浣儀覺得溝通很重要，「我覺得就算一家人，有咩唔開心嘅嘢盡量講出嚟。」強尼謂：「我反而覺得好似咁樣嘅家庭組合，當大家年紀漸漸都大嘅時候，就係接受變化。因為大家喺唔同嘅時間會遇上自己嘅困難，個個人都會變，唔好諗住細個嗰時係點。真係要接受個變化，啲嘢就會坦然少少。」吳浣儀也同意：「好似啲長輩成日當你係細路仔嗰陣時咁樣，『嘩！你突然間搏我嘴』，就好唔鍾意。要接受人喺唔同嘅階段有佢自己嘅生活，要理解佢」。