《日落下的彩虹》黄奕晨見女友家人前必做足功課 陳欣妍視男友父母如家人笑言是「識做」好女友

ViuTV原創劇《日落下的彩虹》逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

8月17日播出的一集，講述到華生（黄奕晨 飾）和美妍（陳欣妍 飾）的故事

陳欣妍指已當男朋友父母如家人 黄奕晨指見女友家人之前一定做足功課

《日落下的彩虹》劇照

《日落下的彩虹》劇照

8月17日播出的一集，講述到華生（黄奕晨飾）和美妍（陳欣妍 飾）的故事。劇中，黄奕晨（Dixon）和陳欣妍（Shirley）不時與夏雨、郭鋒等資深演員有對手戲，談到跟前輩演員的相處點滴，Dixon認為：「同長輩嘅相處當然就係要充滿住尊重，喺片場嘅時候你見到我同所有嘅前輩相處，都係好尊重」。談及劇中角色時，Shirley隨即角色上身：「美妍係會敢言嘅人，有時其實女人都唔想講咁多嘢，係因為老公唔肯講嘢，女人嘅強勢係男人嘅懦弱去逼出嚟㗎。」Dixon辯稱：「男人有一句說話，就係『沉默是金』，講少啲就錯少啲，所以我哋通常都唔係好講嘢，我相信好多男士都明白我嘅感受」。

被問及另一半「識唔識做」是否重要，Shirley覺得很重要：「我自問自己都應該幾識做，另一半都識做」。Dixon也表示：「我好識做，但未去到要見另一半嘅家長住，所以我啲長處未發揮到出嚟。第一次見可能會送啲禮物，事先知道下佢哋啲喜好，呢個就係另一半發揮作用嘅時候。如果唔係迎合唔到佢哋嘅喜好，同埋有啲咩避忌嘅嘢，一開頭要問定嗰啲陷阱位係邊度，係要做功課」。Shirley坦言視另一半的父母為自己的父母，「你錫佢吖嘛，咁就好自然咁相處，即係翹哂手出去行下街。」聞言的Dixon感到驚訝，笑言男仔比較難做到。

ViuTV原創劇《日落下的彩虹》逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

邱士縉為與張錦程劇中父子情感唏噓

邱士縉與張錦程劇中的父子故事充滿遺憾

邱士縉與張錦程劇中的父子故事充滿遺憾

邱士縉與張錦程劇中的父子故事充滿遺憾

張錦程寄語學懂擁抱遺憾

邱士縉（Stanley）和張錦程充滿遺憾的父子關係故事，令人感到十分婉惜。Stanley認為與家人相處最重要是溝通：「老豆同個仔就係永遠都口硬心軟，唔肯溝通，導致到有好多誤會產生咗」。張錦程亦為劇中的父子關係感到十分唏噓：「我令到佢坐監之後就產生好大嘅矛盾。人生就充滿好多唔同嘅遺憾。好似彩虹邨咁歷史悠久都要拆晒再重建，舊邨嘅面貌唔會再見返，唯有重新再出發，有啲咁嘅情懷」。

今次劇集雲集了不少演技出色的演員， Stanley與潘燦良和張錦程有不少對手戲，令他十分深刻。Stanley指飾演其爸爸李大鈞的張錦程在現實中是他的戲劇老師：「同張錦程老師之前都有對過戲，喺現場可以有好多即興嘅嘢。同埋會即場同導演、編劇去討論同修改劇本，令佢再精彩啲，個臨場感好正」。至於潘燦良則於劇中飾演其老闆，他大讚：「燦哥係一個好犀利嘅演員！我記得一場戲有一句對白係編劇修改咗好多次，臨拍嘅時候燦哥話『喂！不如我保留返某一啲句子，因為啲句子對我、子柏係有感覺嘅，唔應該冇咗』。我覺得呢個經驗好好」。