《日落下的彩虹》潘燦良唐詩詠首合作演夫婦 潘燦良笑言「細個就睇佢做戲」唐詩詠指燦哥是最想合作演員Top 3

ViuTV原創劇《日落下的彩虹》將由下星期三（29日）起，逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

唐詩詠笑言因知道潘燦良在劇中飾演老公而接拍劇集

劇中斌哥（潘燦良 飾）和斌嫂（唐詩詠 飾）有一對仔女，分別由許軼和蘇文濤飾演

潘燦良、唐詩詠首度合作演夫婦

潘燦良、唐詩詠首度合作演夫婦

潘燦良指與唐詩詠合作十分開心舒服

下星期三晚（29日）率先講述斌哥（潘燦良 飾）和斌嫂（唐詩詠飾）一家四口的故事。二位首次合作並飾演夫婦，雙方都表示十分開心和舒服。潘燦良指開拍前做足準備功夫，表示自己看很多她的電視劇，聞言的唐詩詠笑言「細細個就睇」。潘燦良開玩笑指：「細細個就睇佢做嘅電視劇喇。第一次合作又有啲新鮮，因為真係正面接觸」。唐詩詠好奇地問對方覺得同現在的她有甚麼不一樣的地方，潘燦良指感覺她更成熟：「以前詩詠做嘅角色比較女仔、單純，但今次呢個角色應該都係我哋少見啲嘅詩詠，係一個好開心嘅合作」。

另一方面，唐詩詠指能與潘燦良合作是其中一個接拍劇集的原因：「導演搵我嘅時候話我老公係潘燦良，有兩個小朋友。我話『吓？潘燦良？有兩個小朋友？好啦做啦！』。因為我好想同燦哥做戲，佢係我嘅 List 入面嘅Top 3」。她坦言看劇本時就已經被夫妻之間的關係感動，希望可以做好今次的角色。唐詩詠又笑指平日在舞台劇中看到的潘燦良有少少「惡」和氣場，但合作過後發現原來對方十分玩得。潘燦良隨即笑言：「其實我怕醜㗎咋，大家誤會」。

ViuTV原創劇《日落下的彩虹》逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

8月17日播出的一集，講述到華生（黄奕晨 飾）和美妍（陳欣妍 飾）的故事

陳欣妍指已當男朋友父母如家人 黄奕晨指見女友家人之前一定做足功課

《日落下的彩虹》劇照

《日落下的彩虹》劇照

8月17日播出的一集，講述到華生（黄奕晨飾）和美妍（陳欣妍 飾）的故事。劇中，黄奕晨（Dixon）和陳欣妍（Shirley）不時與夏雨、郭鋒等資深演員有對手戲，談到跟前輩演員的相處點滴，Dixon認為：「同長輩嘅相處當然就係要充滿住尊重，喺片場嘅時候你見到我同所有嘅前輩相處，都係好尊重」。談及劇中角色時，Shirley隨即角色上身：「美妍係會敢言嘅人，有時其實女人都唔想講咁多嘢，係因為老公唔肯講嘢，女人嘅強勢係男人嘅懦弱去逼出嚟㗎。」Dixon辯稱：「男人有一句說話，就係『沉默是金』，講少啲就錯少啲，所以我哋通常都唔係好講嘢，我相信好多男士都明白我嘅感受」。

被問及另一半「識唔識做」是否重要，Shirley覺得很重要：「我自問自己都應該幾識做，另一半都識做」。Dixon也表示：「我好識做，但未去到要見另一半嘅家長住，所以我啲長處未發揮到出嚟。第一次見可能會送啲禮物，事先知道下佢哋啲喜好，呢個就係另一半發揮作用嘅時候。如果唔係迎合唔到佢哋嘅喜好，同埋有啲咩避忌嘅嘢，一開頭要問定嗰啲陷阱位係邊度，係要做功課」。Shirley坦言視另一半的父母為自己的父母，「你錫佢吖嘛，咁就好自然咁相處，即係翹哂手出去行下街。」聞言的Dixon感到驚訝，笑言男仔比較難做到。