《日落下的彩虹》強尼周家怡梁業感嘆家人相處不容易 吳浣儀指維繫家庭需彼此坦誠溝通

ViuTV原創劇《日落下的彩虹》逢星期一至五晚上9時30分播出。劇集以七個發生在彩虹之下、細膩動人的小故事，編寫各種情感與遺憾，建構香港人的屋邨情懷。當中由不同人物串連不同故事，阡陌交錯，並穿插彩虹邨進入倒數的命運，引發現實共鳴。

《日落下的彩虹》劇照

《日落下的彩虹》劇照

(左起)二姐區家瑤（周家怡 飾）、三弟區家齊（梁業 飾）、大哥區家樂（強尼 飾）和媽媽蘭姨（吳浣儀 飾）

上周五（31日）播出的一集將會講述蘭姨和三兄姊弟的故事

上周五（31日）和周一（3日）的一集，講述蘭姨（吳浣儀 飾）和其三個子女：大哥區家樂（強尼 飾）、二姐區家瑤（周家怡 飾）和三弟區家齊（梁業 飾）的家庭故事。今次的拍攝令眾人也有所得著，周家怡分享指：「一家人唔好計較咁多，要成日提自己珍惜大家嘅關係。其實所有關係都可以突然間無咗，有嘅時候就唔好拗咁多，人係特別容易為少少嘢就會辣著。屋企係一個唔應該講對錯嘅地方。如果感覺到對方嘅情緒開始激動，你就唔好同佢硬要爭贏，又或者如果做到嘅話，轉個頭先講」。

飾演大哥的強尼指：「人某個時候去咗個矛盾位，通常就冇咁容易重新打開返嗰道門。好慶幸經歷咗呢兩集嘅拍攝，好開心可以經歷一個咁嘅過程，因為現實生活真心未必咁容易可以做得到。」而ERROR成員肥仔現時不再跟家人同住：「𠵱家開始自己出嚟住，我覺得要識得返屋企，間唔中有咩事都要諗起阿爸阿媽。其實唔需要做好多好複雜嘅嘢，食餐飯、傾個計，或者間唔中打個電話，都係一種窩心。」作為媽媽的吳浣儀說：「做阿媽就盡量真係唔好偏心。我有四個小朋友，盡量冇偏心，但有時可能佢哋會自己比較。」

談到維繫家庭關係，吳浣儀覺得溝通很重要，「我覺得就算一家人，有咩唔開心嘅嘢盡量講出嚟。」強尼謂：「我反而覺得好似咁樣嘅家庭組合，當大家年紀漸漸都大嘅時候，就係接受變化。因為大家喺唔同嘅時間會遇上自己嘅困難，個個人都會變，唔好諗住細個嗰時係點。真係要接受個變化，啲嘢就會坦然少少。」吳浣儀也同意：「好似啲長輩成日當你係細路仔嗰陣時咁樣，『嘩！你突然間搏我嘴』，就好唔鍾意。要接受人喺唔同嘅階段有佢自己嘅生活，要理解佢」。

周家怡主演的電影《媽樣年華》日前獲家怡母校聖嘉勒女書院（St. Clare’s Girls’ School）包場欣賞。電影播放完後，家怡聯同導演胡翠兒一同入場謝票，獲全場師妹及老師熱烈歡呼。當日家怡就讀時的校長亦親自到場支持，並與她深情擁抱，校方又送上花束，以及以家怡早前回母校探訪時的照片製成的燈箱，場面溫馨感人。

《媽樣年華》

影片截圖

影片截圖

影片截圖

影片截圖

見到昔日校長及多位已退休的老師到場支持，家怡坦言非常感動。謝票期間，她又特別勉勵在場師妹珍惜與家人相處的時間，鼓勵大家即使只是簡單地傳送訊息給父母，也是一份心意，「我以前好曳，成日鍾意躝街，又唔黐家，有一日我返到屋企見到我阿爸阿媽突然間覺得好似『嘩！點解佢哋好似老咗好多咁嘅。咦！係喎，其實我哋人係有限期個喎。』」她續說：「你哋如果咁細個就可以有呢一個諗法，咁你哋就有好多時間可以珍惜同屋企人相處嘅時間，係好正嘅。」即使未必即時說出口，只要心裏記住這份想法，亦同樣珍貴。

影片截圖

當日，家怡讀書時的班主任亦有捧場，事後家怡分享當年與班主任的一件難忘事，笑言對方身兼訓導主任，表面嚴肅實質心軟，「因為嗰陣時我冇乜眉毛，我就畫眉返學，班主任見到我，都有嚟話我，佢話：『其實唔可以咁樣畫眉返學㗎喎。』我就同佢講：『唔畫好恐怖㗎喎！』哈哈。」她指班主任最終好好跟她商量，「佢話畫還畫，唔好咁深色。佢講嘅時候好似好嚴肅咁，但其實我覺得佢心裏面係好錫學生，好得意，我覺得佢要特登去裝一個好似好惡嘅模樣，但其實佢個內心都係好可以商量同埋可以同學生溝通嘅老師。」

影片截圖

這次謝票，家怡笑言最大得着是「好想返番去讀書，好想由頭讀一次」，「而家睇番轉頭覺得讀書嘅年代其實真係好開心，可以無憂無慮咁樣為自己而轉。但係細個唔識得咁諗，覺得好似個個都要讀㗎啦。但而家大個咗諗番轉頭，就覺得可以無憂無慮咁為自己讀書，其實係一件好幸福嘅事。」她寄語所有師妹好好享受校園生活，「希望所有嘅師妹都可以識得咁樣諗，好好enjoy佢哋嘅學校生活。」

影片截圖