深水埗阿婆街頭大演苦情戲　氹1港男獻大疊利是外加$500

有港男在網上大呻年初四「中招」被阿婆苦情戲呃錢，更發現呢位深水埗阿婆是慣犯，並提醒其他人中招！

樓主初四見阿婆街頭上演苦情戲

好心港男在Threads上發片，大呻年初四在深水埗街頭遇騙徒！從影片可見，路邊有名手持拐杖的阿婆，而她正用紙巾拭淚。有網民爆料，這阿婆疑常用同1招騙財，即大聲講電話哭訴自己「俾人呃咗錢，同電話裏面嗰個講佢好無情又唔知點樣樣，佢又瞓咗幾日街，跟住問電話裏面嗰個人好似借幾百蚊俾佢交電話費」。由於阿婆演戲十分入肉，令旁人聽到都忍不住想上前送錢，相信樓主是被同1招「呃咗」。

影片截圖

影片截圖

港男大疊利是外加$500送阿婆

果真樓主聽完阿婆講電話，實在於心不忍，就掏出自己新年逗來的大疊利是，外加一張$500，同阿婆說「俾封利是你呀」，阿婆連聲多謝，樓主表示「新年快樂！唔多謝，袋好佢，食餐飯」。阿婆再不斷鞠躬道謝，表示「我可以返去喇」、「好多謝你！你真係對我好，我電話無電喇」，樓主回應「我聽到你個情況，唔好傷心」，樓主最後更暖心叮囑阿婆快快回家。

影片截圖

影片截圖

網友認出「好出名」騙財慣犯：上過新聞

帖文一出，不少網民都指阿婆是「好出名」的騙財慣犯，更因以同一招數騙取市民$500而上過新聞，「係佢好戲啫，每次用呢招，每次有收穫，佢唔會收手㗎啦，雖然佢上過新聞，但仍然keep住有人中招」。

影片截圖

網民紛紛安慰樓主

不少人安慰樓主「難得佢咁好演技……又喊晒口又鞠晒躬咁。咪當入場睇齣戲囉！」，有人勉勵樓主「勿因此事而忘了善心，他日有需要幫人的時候，無忘初心。有能力幫人是福氣」、「但我都真心欣賞你，響呢個亂世仍然選擇善良」。

阿婆多區出沒要注意

有網民不忿樓主的同情心被利用，大爆阿婆出沒行蹤，「我呢排撞過呢個呀婆一次，邊行邊大聲講電話，話邊個爭我錢唔還，冇錢過年點點點」、「半個月喺中環坐地鐵返屋企嘅時候撞過佢，佢由中環站開始講電話勁X大聲坐到起碼到旺角，好似先至落車佢一路坐車一路喊」。

網購雖然方便，但遇上貨物「失蹤」要申請退款，隨時一波三折。早前有港女在Threads發文，指母親在淘寶買衫後一直收不到貨，向平台客服申請退款時竟被要求提交「憑證」，證明自己確實沒有收到貨物。港媽見狀未有啞忍，反而以一招「空手道」回應，上載一張攤開手掌的照片作證，引來大批網民爆笑留言。

網上圖片

據發文者上載與淘寶客服的對話截圖，可見申請退款時系統要求提交「憑證」，而由於退款原因為「收不到貨」，因此需要提供相關證明。雖然程序聽落頗為荒謬，但港媽未有因而卻步，反而靈機一觸，直接上傳一張攤開手掌的照片，寓意「乜都無」，以行動證明自己確實沒有收到任何貨物。

網上圖片

發文者表示，看到媽媽的應對方法後「笑到流眼水」，帖文亦引來大批網民留言讚嘆港媽的機智，有人笑言「上次有個人話收唔到張凳，又係叫佢做證，個男人就影自己坐落去張無影凳度」，亦有人引用佛偈「本來無一物，何處惹塵埃」形容港媽的「禪意」回應，更有網民大讚「Auntie識得苦中作樂，respect」。

網上圖片

不過，亦有較為謹慎的網民提醒，這樣拍照或會留下掌紋甚至指紋等生物特徵，擔心會被不法之徒利用，呼籲大家網上購物時還是小心為上。

網上圖片