泊車最驚隔籬車門開到盡撞鄰車 車主網購「防撞神器」自保掀熱議

揸車泊車最驚遇上「無品車主」，整日粗魯、不顧旁人感受的大力開車門，一不小心周圍的車輛便被撞凹車門。近日有車主在Threads分享影片，指旁邊一名女子大力打開車門，幸好事主早有防備，在車門加裝「加長型防撞條」，才避過一劫。事主透露，新車入手首周已曾遭撞門，故決定網購防撞條自保。影片曝光引起網民熱議，不少車主紛紛訴苦，分享被撞花車身的慘痛經歷。

threads影片截圖

threads影片截圖

該名車主在Threads分享影片，顯示他將車停泊在停車場期間，旁邊車輛的一名女子用力拉開私家車車門，車門最終猛烈撞擊事主預先安裝的「加長型車門防撞條」上。事主指，若未有加設防撞條，車身當時已出現損傷：「好彩冇偷懶，有啲人開門真係完全唔睇，仲要大大力咁開」。他解釋，因為拿到新車第一個星期，「喺停車場俾人開門撞咗」，才決定網購防撞條防範。

《愛回家》劇照

threads圖片

threads圖片

不少網友見狀留言詢問「防撞神器」產品細節，事主透露自己購買的防撞條屬膠製、並不重，夾在前門30秒內就可裝好，不過這款防撞條只得正中間及頭尾有軟膠，他打算「DIY成條加晒軟墊上去」。他亦分享實測結果，「如果隔籬都係私家車，防前門冇問題，但如果同隔籬部車高度差太多，後門可能擋唔到，但至少應該可以擋到80%以上了」。事主又提到，「我見網上仲有賣1隻叫反殺款，面向外面嗰邊會有條金屬，夠膽撞落嚟就先整花自己部車」。

帖文亦引來不少車主「圍爐」訴苦：「真係唔明啲人，對門開細啲係咪會死？真係要下下都開到咁大？」、「啲阿姐成日都係咁開門都唔會諗吓人哋」、「外出泊車經常遇到啲無品人」、「唉，又諗起我個凹咗嘅車門，痛」、「我試過連續兩次，仲要我喺車入面，即刻落車同佢算帳」。

連鎖米線店再惹食安爭議，有食客近日外賣食米線，幾乎吃完整碗才發現湯底藏有一條已煮熟、長滿觸角及絨毛的蟲，當場崩潰。事主在網上分享影片，事件曝光引起網民熱議，有人聲稱近期屢見同類投訴，亦有人質疑蟲子品種。涉事餐廳其後現身留言區，表示會聯絡食客跟進，並就事件致歉。

示意圖片

該名食客將相片及影片上傳至社交平台，並發文怒斥：「xx，就嚟食x完碗麵，食食吓夾x咗條麥皮蟲出嚟，仲要煮x熟咗」、「有毛啊」。從其上傳的相片可見，碗內食材已幾乎被清空，只剩少量湯底，而碗中出現的蟲子體積雖然不大，但清晰可見長滿觸角及絨毛，畫面驚悚。

網上圖片

示意圖片

帖文一出，隨即引發網民關注，不少網民聲稱遇到過同類事件：「不論譚仔，定譚仔三哥，唔止越來越難食，近排仲勁多蟲」、「日日開Threads都見到譚仔受害人，已經兩個月冇食，有啲驚」、「譚仔三哥真係好難食」。不過，亦有網民留言，指是「菜蟲嚟㗎」。

《愛回家》劇照，示意圖片

其後，涉事餐廳的官方賬號亦現身帖文留言區，聯繫食客跟進及處理事件，並就此事向食客致歉。