近日有港女在社交平台發文，直指今年蟻患問題特別恐怖，事關她連續兩日在家中吃蒸魚時，驚見魚頭魚尾早已被螞蟻佔據，而且螞蟻更是連魚一併蒸熟，畫面令人極度不安。帖文一出，隨即引來大批網民熱烈討論，不少人更分享自身「被蟻入侵」的經歷及滅蟻方法。
網上圖片
該名港女在Threads崩潰發文，劈頭便問「有冇人覺得今年嘅蟻特別恐怖」。她表示，連續兩日在家吃蒸魚時，赫然發現「魚頭魚尾佈滿已經蒸熟既蟻」。從她上傳的照片可見，蒸魚的魚尾部分布滿大量螞蟻屍體，部分螞蟻因與魚一同蒸熟而緊貼魚皮，另有一些則飄浮在蒸魚豉油上。雖然單看照片已覺恐怖，但事主爸爸卻一於少理，撥走佈滿螞蟻的部分照食，亦無視事主所講「仲有d（螞蟻）飄浮係d油中」的情況。
網上圖片
事主家中被螞蟻入侵並非單一個案。有網民分享類似經歷，指「呢幾日我屋企都俾啲蟻入侵，用蟻粉唔work，入侵縫隙噴香水就換其他縫隙入侵，爬埋上床救命」。亦有網民表示「有覺得今年啲蟻特別誇張，好似癲咗咁，發現喺廁所嘅瓷磚邊走出嚟，出面係外牆，搵唔到個竇喺邊度...」，反映香港蟻患問題疑似十分嚴重。
網上圖片
眼見不少網民因家中被螞蟻入侵而大嗌救命，有網民主動分享滅蟻心得。有人直言「蟻粉唔work」，並教路應購買「殺蟻膠餌」滅蟻；亦有人提出「用硼砂溝砂糖水，放咗一個星期啲蟻就消失晒」。另有網民指「我屋企都係，好多蟻整極唔走。但自從黎咗隻George（四腳蛇）之後就大幅減少」。此外，亦有人靠偏方解決問題，「跟住啲蟻搵出入口，用塗改液封住就搞掂」。
網上圖片
網上圖片
無論是朋友還是公司同事聚餐，最驚就是遇上「拖數精」！有人食完飯即龜縮群組、詐傻扮懵，遲遲不肯過數，追又怕尷尬。日期就有網民在Threads發文求助，盼網民賜教如何追飯錢才不失禮貌又有霸氣，隨即引來大批網民大方分享「追數攻略」。其中一招「反客為主」最受歡迎，一句「唔係我屈你冇畀唔好意思嘛！」即令拖數者無法再扮失憶。
《愛回家》劇照，示意圖片
事主早前在社交平台 Threads 發文求助，透露每次一班朋友聚餐後，大家都會自覺按照群組發出的帳單金額，轉帳給負責埋單的朋友。然而，隊伍中卻總會出現一兩個拖延症末期的害群之馬。事主在帖文中大吐苦水：「一班朋友出去食飯畀錢埋單，事後喺 group（群組）send（發送）出嚟每人幾錢，大家都會自動自覺過返數畀埋單嗰個朋友，總係有啲朋友遲遲未過數，如何有禮貌又不失尷尬地問朋友過咗數未？」
《愛回家》劇照，示意圖片
帖文一出，不少網民對此感同身受，紛紛表示這類情況確實令人頭痛：「直接問！點解要兜圈？點解會尷尬？未畀錢嗰個真係冇問題，好似你有問題。」、「直接問…而家真係無藉口唔夾返錢…過數太方便」、「好多呢啲人嘅，詐傻扮懵，縱容他們的下場就是佢就好厚面皮咁同你講聽日畀返你」，結果「聽日」永遠不會到來」
《絕代商驕》劇照
對於事主苦思的免尷尬追數法，有網民傳授了一招被公認為最優雅、最得體又能逼人過數的「標準答案」：「麻煩過咗飯錢畀我嘅，唔該畀返個紀錄我呀！唔係我屈你冇畀唔好意思嘛！」這招「反客為主」的心法在於，表面上扮演「怕自己大頭蝦而冤枉朋友」的貼心人，實際上卻用最客氣的說話，向對方施加無形的道德壓力。對方若真的未過數，這句說話便如同當頭棒喝，令其無法再裝傻；若對方已過數，亦可藉此核對紀錄，一舉兩得，堪稱進可攻退可守的追數典範。
除了優雅追數，網民亦教路兩招實用對抗方案。第一招是「剔號點名法」：「打個 name list（名單）出嚟，邊個畀咗錢就加個剔號。」亦有網民簡短示範只需要「打名：√」。有網民直言自己早已「慣咗做個 list（名單）tick tick tick（剔剔剔）」，用公開透明的剔號列表製造無形壓力，讓未付款者一目了然，無所遁形。另外亦有網民建議再加辣，不斷 tag（標籤）他再 pin（置頂），令其無法視而不見。
第二招則是「直接開名 Tag（標籤）人」：「點解要有禮貌？佢爭人錢喎。直接開名，『xxx，個個畀晒仲爭你未畀呀』。」、「有 group（群組）直接 tag（標籤）佢名叫畀錢，人哋好意思拖數，就唔使畀面佢。」
