新歌邀梁仲恆做MV男主角 鄧麗欣情感爆發喪流淚

鄧麗欣最近推出新歌《不可得》，邀得好戲之人梁仲恆及劉皓嵐參演MV。

MV拍攝當日氣溫急降，梁仲恆（阿炳）於清晨五時冒着十度低溫拍落水戲，笑言甘為鄧麗欣（Stephy）拚命演出，獲對方大讚專業。他在MV中有連場內心戲，情感爆發兼出動真眼淚，非常考演技。而同樣是好戲之人的Stephy拍攝與劉皓嵐（飾演阿炳童年）分離場口時更真情流露，淚流滿面，演出細膩動人！

鄧麗欣推出新歌《不可得》。

MV邀得梁仲恆及劉皓嵐演出。

觀看相關影片按連結：https://youtu.be/RHNggAFA-4c

《不可得》MV從阿炳的夢境出發，講述當人面對失去時的抉擇，阿炳解釋說：「故事中嘅男仔嘗試喺夢中搵返心入面一直缺失嘅嘢，當失去親人或者好重要嘅關係時要點面對？會治理好傷口定帶住創傷走落去？」

MV從阿炳的夢境出發。

MV其中一幕講到阿炳在夢中遇溺，雖然拍攝清晨氣溫只有十度，不過阿炳笑言在水中掙扎加促血氣運行，所以並沒有想像般寒冷。每當他一上水，工作人員立即為他披上保暖氈保暖。阿炳搞笑表示：「本身有少少想推，但因為導演Kendra話Stephy會同我一齊落水，我即刻拚咗條命出去，點知原來係騙局嚟。」Stephy鬼馬回應說：「嗱！唔關我事，我係唔知呢單嘢，我一早講咗唔會落水。我心諗，阿炳咁好嘅，咁樣落水都肯。」二人互望大笑後，Stephy感激說：「你真係好好，好多謝你！」

其中一幕講到阿炳在夢中遇溺。

拍攝當日清晨氣溫只有十度。

阿炳一上水，工作人員立即為他披上保暖氈保暖。

MV另外一幕講到阿炳夢見小時候與Stephy相處的美好時光，Stephy與飾演阿炳童年的劉皓嵐一同吃飯，還親手切蘋果給對方，場面溫馨。她隨後帶着行李離開，皓嵐追到門前，二人對望相擁時，Stephy淚流滿面難掩不捨之情，場面感人。阿炳呷醋表示：「皓嵐同Stephy有對手戲，但我冇，我就覺得唔公平嘅。」他忍不住大笑，續說：「我以為有落水戲，最後直頭連對手戲都冇，天大騙局。（Stephy：咁你而家係咪想走？）唔係！我見到你都開心。」

Stephy與飾演阿炳童年的劉皓嵐一同吃飯。

還親手切蘋果給對方。

隨後Stephy帶着行李離開。

皓嵐追到門前，二人對望相擁。

Stephy淚流滿面。

新歌《不可得》由賴映彤（小彤）作曲及監製、小克填詞，Stephy表示今次的音樂班底堪稱是天衣無縫的組合，全新曲風務求為歌迷帶來驚喜。她說：「同小彤傾嘅時候，大家都好有共識向邊個方向行，收到曲之後就即刻諗起小克，好想佢幫我填詞。歌曲所講嘅係我一直想講，人成日追求好多嘢，但呢啲嘢到底係咪需要呢？當你失去時，又會諗係咪真係擁有過？我成日都會有呢啲矛盾嘅諗法，好鍾意份詞，唔會好講道理，又貼合到大家嘅生活，成個配合係天衣無縫。」

Stephy指今次的音樂班底堪稱是天衣無縫的組合。

將於3月舉行首個紅館演唱會的Stephy亦有透露籌備情況，「心情都幾複雜，最近要處理好多嘢，例如呢首歌，新鮮錄好幾日就嚟拍MV，仲有啲電影宣傳。除咗呢啲，剩低嘅時間就一心一意準備演唱會。」阿炳問：「會唔會跳舞？」Stephy說：「點都要跳少少」，及後原地跳了一下，阿炳笑說：「睇得出有練喎，非常期待！」

Stephy透露最近工作忙碌，除了拍新歌MV，還要電影宣傳，完成後才有為演唱會做準備。

馬年將至，Cool Style一眾藝人鄧麗欣（Stephy）、許恩怡（Natalie）、譚旻萱（Mandy）、任晴佳（Ella）、劉沛蘅（Hillary）、何嘉莉（Lillian）、林熙彤（Hazel）、莎莎（SaSa）與趙君瑜（Angelina），齊心送上祝福，願大家在新的一年收穫滿滿的福氣與希望，平安順遂。

鄧麗欣（Stephy）

許恩怡（Natalie）

Stephy去年可謂大豐收年，一連舉行了其首個個人紅館、澳門演唱會，場場爆滿，人氣爆燈！Stephy工作不斷，年尾更勇奪叱咜「我最喜愛的女歌手」獎，為去年劃上完美的句號。Stephy事業愛情皆得意，新的一年，Stephy已定下目標：「過去一年係豐收同開心嘅一年，好滿足，亦都好鍾意嗰種好充實嘅感覺，嚐試到好多新嘅嘢，更加有好多估唔到嘅成果，新嘅一年希望有更多進步。其實我成日會畀自己一個目標，唔會係好長遠嘅，就好似我之前嘅演唱會主題，step by step，繼續去嚐試新嘅事物，繼續畀一啲驚喜大家，都係新一年嘅願望嚟。」即將來臨的農曆新年，Stephy將會跟往年一樣，會跟家人、朋友在家中慶祝、吃盤菜、遊戲耍樂，趁假期好好休息後，便開展新一年的工作大計！

出道短短4年的Natalie在影壇不斷默默耕耘，去年有份主演的電影包括《無名指》、《地母》、《贖夢》、《搖籃凡世》與《他年他日》陸續上映，她更憑《無名指》入圍「第44屆香港電影金像獎」「最佳女主角」殊榮，成績裴然。踏入馬年，Natalie希望繼續為港電影圈努力：「好榮幸得到金像獎女主角入圍資格，好多謝觀眾同業界嘅前輩、朋友對我嘅支持同埋喜歡我演嘅角色，其他入圍嘅都係好好嘅演員，每一位都係我好尊敬嘅演員，競爭好激烈。今年一眨眼就過去，可能係因為電影帶咗我到好多唔同嘅地方─意大利、台北、紐約、首爾、釜山、東京……作為演員，跟觀眾見面同交流實在太重要，每一個相處都好珍貴，我好感恩咁多人能夠睇到同支持香港電影。2025年花咗好多休息時間睇書、睇電影，思考自己想成為一個點樣嘅演員、想參與一啲咩項目。我對明年充滿期待，準備好迎接唔同嘅角色、題材、團隊、語言嘅挑戰同收穫！」

譚旻萱（Mandy）

任晴佳（Ella）

這個農曆新年，正在英國讀書的Ella將跟爸爸媽媽到泰國度歲，家人團聚的同時Ella也不忘為考試衝刺，她將隨身帶備書本溫習，體現學霸本色，Ella笑說：「新年期間正在英國上學，幸好中間有一星期的假期，我已約了爸爸媽媽一同到泰國的海邊曬太陽、游泳，跟爸爸一起在海邊跑步、做瑜伽、學打golf，我還跟爸爸媽媽有個約定，我們每天晚上都會看一部電影，把之前忙碌時沒看的電影補上，很期待能夠度過一個溫馨又熱辣辣的新年。因為即將考試了，我已想好，會一邊看海景，一邊聽着海浪聲溫習，這樣可能會更加專注，哈哈……其實新年能夠跟家人一起度過，真是感到十分幸福！我祝願大家新一年身體健康！心想事成！正在讀書的朋友學業進步！」

自嘲沒有太重事業心的Hillary，今年有了明確的目標方向：「新嘅一年，我最想做嘅就係學煮嘢食，因為年紀都唔細，為將來嘅屋企，我要準備做一個賢妻良母，所以我今年首先係需要好多桃花，始終做呢行都好需要人緣，哈哈……希望再多啲運氣同機會，自己再加返多少少積極同努力。」而Lillian將跟家人在港共度春節， Lillian透露馬年的工作上將有突破性的發展，希望會帶給大家驚喜。

劉沛蘅（Hillary）

何嘉莉（Lillian）

譚旻萱、林熙彤、趙君瑜同參演賀歲片《夜王》 聲色藝挑戰
Mandy過去一年默默為電影事業努力，看似「消失」一陣子，原來是播種的重要時刻，她說：「上年拍咗幾部電影，好似消失咗一輪咁，但係我好開心嘅，我會形容去年係屬於種種子嘅一年，嚟緊《夜王》上映，希望新一年係收割年，希望有更多的影視作品。另外2025年係我打得最多籃球嘅一年，我哋組咗一隊籃球隊，新一年球技會更加精湛嘅，馬年希望事事順利！身體健康！學到嘅或收成嘅，都滿載而歸！」

林熙彤（Hazel）

莎莎（SaSa）

趙君瑜（Angelina）

去年正式大學畢業的Hazel，在馬年將努力為自己的夢想進發：「上年我有定下目標，就係大學畢業、完成咗學位，同埋完成個人第一個半馬。新一年嘅目標係無論喺設計或演藝方面，都能夠同大家分享多啲我嘅作品，我都有諗過可以將我學到嘅藝術放喺工作上，有時拍戲時見到攝影組，都有衝動想攞佢哋嘅相機幫大家影相，如果有人想搵我影劇照我都歡迎架，靜靜地喺旁邊觀察，影低最重要、最靚嘅一刻，好好玩。我喺賀歲電影《夜王》入面飾演公關小姐，對我嚟講係一個好大挑戰，今年我都歡迎接受任何挑戰、任何角色，甚至搞笑、恐怖片都得。」

另外，同樣是新加入Cool Style大家庭的SaSa與Angelina，無懼環境的影響，新一年，她們誓要在演藝圈衝刺！Angelina說：「啱啱加入Cool Style呢個大家庭，新公司有好多前輩，大家都好照顧我，我會好努力咁向佢哋多多學習，尤其是Stephy，佢係我嘅偶像，我有睇佢嘅劇集同音樂作品，佢真係閃閃發光。而賀歲電影《夜王》係我第一次拍電影，真係學到好多嘢，我會繼續努力，希望嚟緊會更多機會喺唔同嘅平台見到大家！」

Cool Style藝人喜迎馬年，祝願大家福氣滿載，平安順遂！