政事
立法會舉行主席候選人特別論壇，兩名候選人經民聯的梁君彥及民主黨的涂謹申接受議員提問。席間最有趣的對話，不是做主席會不會投票，而係講到上手主席曾鈺成的問題。
話說有民建聯議員問涂謹申在國慶酒會反梁振英，立場好清晣，在立法會的特首問答大會中，會公平主持抑或反埋一份？
呢個問題難唔到涂謹申喎，佢話上任曾鈺成主席寫文評論特首，極為不妥，他不會倣效咁話。涂謹申承諾「三不」做法，包括不參與政黨議事、不議論時政，亦不會就議案投票。
呢一招連消帶打，事關曾鈺成身屬民建聯，而民建聯係建制第一大黨，但曾主席又經常寫文窒特首CY，建制中人都覺得有少少怪。結果就俾涂謹申捉住來講，話若果他做立法會主席就唔會咁做。
Ariel
** 博客文章文責自負,不代表本公司立場 **
新民黨二巨頭葉劉和田北辰貌合神離，兩人的矛盾因為田二少選立法會主席而表面化。田北辰昨日接受無綫訪問時明顯針對葉劉，對葉劉做行會成員有保留。
新民黨今次立法會選舉派葉劉、田二少和新人容海恩3張名單出戰，結果全取3席，在政黨中算是表現較佳。容海恩是外來人屬空降份子，核心人物葉劉和田二少都選得唔錯，田 二少更因為得票是建制派在分區直選中最高，成為建制派票王。
選舉過後，聞說有猛人欲推葉劉出任立法會主席，但葉劉婉拒，話要保留實力去博選特首。田二少看在眼裏，心諗自己都有條件做立法會主席，就表態出來角逐。
不過葉劉唔玩後，猛人就推經民聯的梁君彥出戰，田二少明知在建制派初選中若投明票，好少人會支持佢，就建議投暗票，希望暗中唔妥經民聯的建制派會投票給他。但葉劉並沒有支持田二少提出建制派投暗票初選建議，顯然支持梁君彥出任立法會主席，令田二少好唔妥葉劉，結果就在無綫的訪問中向葉劉開拖。
田二少在無綫節目中話，他對新民黨長遠發展有好大保留，原因之一是主席葉劉淑儀出任行會成員：「呢個係問題，對新民黨長遠嚟講絕對係問題。有時我哋投票立場唔同，一唔同，人哋就唔知新民黨代表乜嘢。」
葉劉事後回應話，田北辰不能選主席而心存怨憤，是意料中事，但她問心無愧。對於身為黨主席又身兼行會成員，葉太說民建聯主席李慧琼亦身兼兩職一段長時間，其他建制政黨亦有代表在行會， 因為政府需要靠建制政黨建立執政聯盟，反指田北辰對政制一知半解。
政壇八卦友話，田二少講乜觀點唔重要，只是要表達一種對葉劉不滿的態度。其實兩個人唔啱已經好長時間，兩個人基本上無偈傾。所以唔好以為新民黨有三個直選議員好強，新人容海恩傻吓傻吓未知跟政黨參選要講紀律，葉劉和田二少矛盾又曝晒光，新民黨根本未改變只是「 葉劉一人政黨」的格局。
