ROVER推出2025年首支主打歌《記錄抹煞》 MV於台灣基隆海邊懸崖拍攝

新歌探討記憶與遺忘的情感掙扎！

樂隊ROVER成員卓金樂（Kim）、雷濠權（Jason Loi）、陳鎮亨（亨仔）、王希晉（希晉）推出2025年首支主打歌《記錄抹煞》，歌曲以「記憶抹煞」為主題，在漫長等待與思念之苦，最終選擇徹底刪除回憶的情感掙扎。MV選址基隆海邊懸崖拍攝，壯麗的自然景觀與歌曲的沉重主題相互呼應，帶來視覺與聽覺的雙重震撼。

香港樂隊ROVER推出2025年首支主打歌《記錄抹煞》

ROVER《記錄抹煞》

《記錄抹煞》由ROVER作曲，著名填詞人T-Rexx操刀歌詞，以「記憶抹煞」為核心，講述一段逝去的感情如何成為難以擺脫的負擔。歌詞中反覆提及「刪除記憶」、「抹煞痕跡」，表達了主角在回憶與遺忘之間的掙扎與痛苦。Kim說：「呢首《記錄抹煞》，係我哋同T-Rexx一齊傾出嚟號元素，關於一個古羅馬的酷刑，叫做除憶詛咒；等佢死了之後，就抹煞一個人生前嘅記錄。代入我哋呢首歌，想講如果忘記唔到一個人嘅時候，其實係等同用咗呢個酷刑係自己身上。」而來到ROVER自己創作的第五首作品，亨仔直言樂隊間創作時間比之前快，說：「今次首歌偏向台式一點的風格，係我哋四個都好想嘗試嘅類型。加上我哋都用咗一年時間磨合，點樣創作旋律，所以創作上都順利。」

亨仔

為什麼MV選址台灣拍攝，希晉說：「因為平時睇好多台灣愛情電影從中獲得啟發，覺得台灣的風景、演員同台灣嘅拍攝手法，都好適合今次首歌拍 MV 的地點。」而導演則揀選了基隆海邊懸崖取景，想以壯闊的海景與陡峭的懸崖象徵情感的起伏與無常。但由於要落懸崖，令四子戰戰兢兢，Jason說：「呢個地方應該大家都冇去過的，落去係好斜、旁邊已經係海，中間有一部分係要行一條梯。重點係我哋有好多器材，可能驚我哋危險，台灣crew堅持唔俾我哋拎。」

希晉

Jason

而今次ROVER四子因工作關係，只是參與了部分畫面，主要由台灣演員飾演男女主角，故事取材自日本特殊職業「夜逃屋」，專門幫助人一夜間搬屋、逃亡，甚至更換身份，進一步深化歌曲中「抹煞記憶」的主題。而拍攝當日，亨仔更因要趕返香港考試，完成拍攝後即趕飛機返港，團隊亦緊湊地趕在日落前完成拍攝，過程高效而順利。《記錄抹煞》帶領聽眾經歷一場記憶與遺忘的情感旅程。歌曲現已於各大音樂平台上線，MV同步於YouTube官方頻道播放，勢必成為樂迷心中的經典之作。

Kim

MV選址基隆海邊懸崖拍攝。

新生代樂隊ROVER推出新歌《旗跡》，四子陳鎮亨（亨仔）、王希晉（希晉）、卓金樂（Kim）及雷濠權（Jason）特意邀請四隊風格各異的樂隊合作Cover企劃，打頭陣有ToNick，緊接有野佬、逆流，壓軸更請來殿堂級樂隊太極，各自演繹不同版本的《旗跡》，展現Band Sound的多樣魅力。

ROVER x ToNick

ROVER x 太極

ROVER x 逆流

ROVER x 野佬

這次Cover由ROVER親自策劃，Jason說：「我哋一路都好想同唔同嘅樂隊合作，想藉住《旗跡》呢首新歌，搵一啲有代表性嘅樂隊，集合唔同風格去玩。」當中逆流更是他從小聽到大的樂隊，Jason大讚他們的版本超級正，充滿逆流風格，聽得他們非常驚喜。

ROVER x 逆流

ToNick的參與亦令ROVER成員希晉格外興奮，「好多謝恆仔、晨曦、小龜，同埋啱啱飛返嚟嘅Ryan！之前團綜合作過，但當時Ryan唔喺度，今次終於齊人一齊玩呢首歌。」他更透露從ToNick身上感受到活力與能量，尤其欣賞主音恆仔的台風：「我都有偷師，睇咗佢哋之前演出嘅片段，好多謝ToNick同我哋玩！」

ROVER x ToNick

Kim則分享與野佬合作的愉快點滴：「之前佢哋有教我哋好多夾Band嘅技巧同心得，希望可以同佢哋一齊玩落去，一齊夾Band落去！」亨仔則特別鳴謝太極：「多謝前輩們嚟同我哋玩呢場充滿奇蹟嘅冒險之旅！太極肯同我哋玩《旗跡》，真係超級開心，希望有機會可以一齊再喺台上夾Band！」能夠獲前輩親自落場參與，對ROVER而言意義非凡。

ROVER x 野佬

除了Cover企劃，ROVER將於3月30日迎來首個演唱會，全企位設計讓樂迷能夠零距離感受Band Sound的震撼。距離演出尚餘不足兩星期，亨仔透露籌備工作已進入最後階段：「我哋籌備到密鑼緊鼓，差唔多搞掂晒，所有嘢都進入Rehearsal階段，加油！加碼爹！」

ROVER x 太極

Jason表示每日都努力練歌，準備不同類型的作品：「有Band嘅歌，亦有Solo、合唱嘅歌，好多唔同嘅歌準備畀大家。」Kim更透露今次演唱會的編曲心思：「我哋會玩返晒所有自己嘅歌，仲有好多唔同前輩同樂隊嘅歌，我哋重新編曲，Band sound同自己嘅歌都會有唔同編排，全部由我哋自己搞，雖然要花多啲時間，但絕對值得！」ROVER聯乘太極、ToNick、野佬及逆流的《旗跡》Cover已在YouTube推出，而3月30日ROVER在新蒲崗Portal舉行的演唱會門票亦現正公開發售。