直播靈接觸｜前女團成員揭台灣娛圈靈異事 爆許瑋甯拍戲搵鬼幫手

由梁思浩、黃紫恩（Jojo）及黃耀英（Darren）主持的《直播靈接觸》今晚（3月25日）播出本季最後一集，兩季共播映71集。今晚主題為「娛樂圈的靈異八卦」，請來前台灣女團成員Joyce擔任嘉賓，分享台灣知名藝人的靈異經歷，雖然部份姑隱其名，但身份已呼之欲出，此外，上周還陽的「恐怖娃娃」蔡菀庭繼續擔任客席主持。

昨晚請來前台灣女團成員Joyce擔任嘉賓。

Joyce曾經是台灣女團成員。

Joyce一來就驚爆有位非常進取的台灣女藝人，為演好角色竟然請鬼上身，她說︰「真係好佩服呢位前輩，因為佢要演撞邪，拍攝時拍咗好多次，導演都話唔得，跟住佢就自己講『如果你哋喺附近，就上我身啦』，之後真係一take過完成。」接住Joyce揭曉所講的女星為許瑋甯，拍攝電影為《紅衣小女孩》，此片在東南亞上映時大受歡迎，許瑋甯亦憑此片爆紅，亦為她贏得當屆台北電影節最佳女主角獎。不過許瑋甯亦要付出代價，事後她有頗長時間陷入混沌狀態。

Joyce（後排左三）出道時照片。

阮經天前度許瑋甯憑電影《紅衣小女孩》爆紅。

阮經天前度許瑋甯憑電影《紅衣小女孩》爆紅。

Joyce又提到有位剛過身的台灣前輩女藝人，生前很喜歡收藏鞋，她續說︰「佢嘅鞋多到博物館咁，有玄學老師事後講，女人係唔可以收藏咁多鞋，因為會好快『行完』你人生嘅路。」至於深受香港富豪歡迎的已故白龍王，有位台灣知名男藝人亦是善信之一。Joyce透露該男藝人有趟到泰國參拜時，未待開口白龍王即贈對方三個字「戒女色」,可惜男方最後沒有聽從，因為桃色糾紛，在娛樂圈消失了一段極長時間。

Joyce分享多個台灣知名藝人的靈異經歷。

雖然部份姑隱其名，但身份已呼之欲出。

節目中思浩不甘後人，提供「隱名爆」的圈中靈異傳聞，他說︰「有位女演員要喺戲入面飾演一隻妖精，拍咗好多take導演都唔收貨。最後嗰位女演員行開咗之後變咗另一個人，演出震驚全場，跳舞動作及眼神都好出色。在場工作人員都大讚佢之時，佢竟然好認真咁話『唔係我演㗎，真係唔係我演㗎』」思浩補充該名女演員最終衝出亞洲，成為國際影后。

浩亦大爆圈中靈異秘聞。

浩亦大爆圈中靈異秘聞。

此外，今晚最後一集請來肥媽Maria Cordero擔任壓軸嘉賓，她會講述跟過世老公仍然保持「接觸」的經歷，非常感人。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，周一晚9點半及周二晚9點35分。黑白無常黃瀅仴、湯之欣，繼續任小編跟網民互動。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

堪輿學家唐碧霞師傅擔任嘉賓。

昨晚（12月22日）主題為「九宮飛星」，九粒星順序為︰桃花星、病符星、是非星、文昌星、五黃災星、武曲星、破軍星、八白財星及喜慶星，各星位置每年都會出現不同位置。請來堪輿學家唐碧霞師傅逐粒星拆解，資訊量極為豐富。

唐碧霞師傅拆解明年九宮飛星宜忌。

唐師傅由第一粒「桃花星」講起，該星主人緣、貴人，明年會在整間屋的中宮位置，想催旺可放置水種富貴竹，她說︰「如果想催旺姻緣，可以喺呢個位放音樂盒。而第二粒星「病符星」位於西北方，所以出年間屋呢個位係最差，易導致受傷同有小毛病，要非常小心處理。此星屬性為土，所以忌放紅、黃、啡、紫、橙。」亦不宜放會動的物品如風扇、空氣清新機，要化解可以擺六帝錢化病化災，唐師傅補充說︰「假如床頭都係向西北，床單就唔好用紅、黃、啡、紫、橙5種顏色，可以用黑、藍灰、白，減低病星影響。

唐碧霞師傅拆解明年九宮飛星宜忌。

唐碧霞師傅拆解明年九宮飛星宜忌。

節目中接住講的「是非星」會在正西方，會招惹是非、爭執及麻煩事，亦不宜放植物同水，可以放粉紅色物品如地毯、海報化解。不過唐師傅表示有客人反而喜歡催旺此星，她笑說︰「好似從事娛樂圈同律師行業好着緊呢個位，因為是非就係佢哋嘅生意，對藝人嚟講，多人講、有是非即係多關注度。」而莘莘學子及家長非常重視的「文昌星」，來年會移往東北方，只要保持乾淨、整齊光潔名亮就可以，要催旺的話放4支水種富貴竹及擺放自己的相片便可。唐師傅提到明年要特別留意南位的太歲位，有「五黃災星」進駐，忌放紅、黃、啡、紫、橙，亦不可放置會動的事物，她解釋︰「因為太歲頭上唔可以動土，要化解都可以放六帝錢，如果大門開門向南嘅話，嚟緊農曆年唔好貼揮春，地下放一塊灰色地毯就可以。」此外，各星位置會在明年新曆2月4日立春後適用。

唐碧霞師傅拆解明年九宮飛星宜忌。