瞬間直擊半小時｜胡美貽對牛做出挑釁示範 伍韻婷示範遇上急流時點部署

由原班人馬洪永城、區永權主持、一共十集的資訊節目《瞬間直擊半小時》再度歸來，並於4月7 日起逢周一至五晚10時30分翡翠台播映，靚女小花胡美貽及伍韻婷亦會繼續擔任外景主持。本周「瞬間直擊」主題有：閃電劈人、火機跌落火鍋、直升機着陸失敗、打卡打出禍、蠱惑的門等。

《瞬間直擊半小時》再度歸來，由原班人馬洪永城、區永權主持。

全新一輯的《瞬間直擊半小時》將繼續搜羅來自各地的震撼性內容短片，並會與各界專家就短片內容連線討論，分析當中蘊藏著的資訊及知識，範圍涉及新聞、科學、物理、大自然、醫學、倫理、民生等不同範疇，相當多元。

首集（7日）其中一個個案，是在福建武平縣中的一條村莊，一隻脫韁大水牛在村莊內四處奔走兼追着其中一名男童狂撞，男童一度被撞上半空；另一個類似的「水牛撞人」事件，則發生在火鍋店中。就相關內容，胡美貽（Nicole）找來香港中文大學生物醫學學院講師及註冊獸醫-鄧博士、分析片段中的水牛為何會襲擊人類，並由Nicole負責「錯誤示範」。鄧博士提醒不能對牛做出四大挑釁動作，包括不要在牛面前做出大動作及不要突然發出噪音等，詳細內容，敬請留意節目。

鄧博士分析片段中為何牛會襲擊人類。

Nicole對牛做出挑釁示範。

Nicole對牛做出挑釁示範。

Nicole對牛做出挑釁示範。

Nicole對牛做出挑釁示範。

首集另一焦點主題，是分別發生在菲律賓宿霧市著名景點蒂努布丹瀑布、及福建省武夷山的「旅遊意外事件」，前者有人於短短13秒內被急流奪去寶貴生命，後者則有人失足墮崖。就此，伍韻婷（Juliana）找來資深山藝教練-梁教練解構箇中危機，期間Juliana問梁教練為何原本很平靜的水面，「會突然之間大爆發」時，梁教練竟表示與「遠方的大暴雨」有關。梁教練還提醒大家如何憑樹葉及水的顏色預先知道大爆發，以及若置身河中突然遇到急流應如何應對等，敬請留意明晚播出的第一集《瞬間直擊半小時》！

梁教練講解如何應對河水大爆。

三人示範如何應對河水大爆發危險。

三人示範如何應對河水大爆發危險。

三人示範如何應對河水大爆發危險。

三人示範如何應對河水大爆發危險。

娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。

呢個白眼，係咪正先？

你哋唔好以為係扮打，宣萱真係「啪」一聲打落去古仔度。

今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」

當年呢條NG片熱爆網。

古仔想再篤宣萱，但宣萱好精靈咁避開咗。

古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。

宣萱同古仔嘅互動真係好甜蜜。

古仔成日叫宣萱「等等先」。

古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。

至於宣萱，梗係成日忍唔住爆笑啦。

宣萱模仿古仔喺片場嘅眼神。

呢吓小學雞鬥扁嘴大賽真係笑死。

妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」

宣萱想攬古仔表達謝意，但古仔似乎想謝絕好意。

宣萱呢吓又係打得好激動。

淨係睇宣萱表情包，都值回票價啦。

古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。