瑪姬主持校園節目走訪全港接近90間中小學 寓工作於深度遊

最近由瑪姬主持的校園節目在學界大獲好評，不經不覺已經走訪了全港接近90間中小學。而於ViuTV熱播的《學界Create, Like and Share》亦載譽歸來，剛剛展開第二季，於逢星期日早上十點播出。

瑪姬主持校園節目。

走訪全港接近90間中小學。

瑪姬表示拍攝過程中有很多難忘經歷，仲第一次踏足沙頭角：「其中有一集我哋成個團隊要申請禁區紙去沙頭角採訪全港最北嘅小學，校長仲特登帶我哋去咗中英街同埋全港最長嘅碼頭『沙頭角碼頭』拍攝，之後行咗去沙頭角最東嘅『沙頭角之角』，企喺當年清朝官員題詩而立嘅石碑前做訪問，簡直係寓工作於深度遊。」

瑪姬寓工作於深度遊。

此外，瑪姬在市區學校亦發掘到鮮為人知的寶藏，一間在銅鑼灣的中學讓她猶如走進博物館一樣大開眼界：「我喺佢哋有近百年歷史、被評為一級歷史建築嘅禮堂訪問校長，地下係罕有以斜坡設計，而樓上balcony每張木座椅都係古董，成個氣氛真係好啱拍電影同MV。之後仲了解到原來當年好多著名學者文人包括：郭沫若、茅盾、錢穆、唐君毅、饒宗頤都曾經喺呢個禮堂演講，甚至連魯迅嘅追思會都係喺呢度舉行，令我訪問時都即刻肅然起敬。」

瑪姬第一次踏足沙頭角。

瑪姬表示拍攝過程中有很多難忘經歷。

在走訪不同校園的過程中，瑪姬留意到現時學校都十分重視體育發展，投放資源讓學生有全面發展，大感羨慕：「我曾經喺天水圍一間小學同小朋友一齊玩飛索滑翔，再上二樓玩游繩下降，差啲以為自己去咗芭堤雅！另外，有學校興建落地玻璃健身室畀學生隨時可以做gym；有學校喺有蓋操場起一個仿真雪溜冰場；有學校將放學後嘅圖書館化身做日本劍道場；甚至有學校將課室改建成單車房，仲邀請埋世界冠軍黃金寶每個星期嚟訓練學生，而家嘅同學仔真係好幸福。」

瑪姬留意到現時學校都十分重視體育發展。

瑪姬：「而家嘅同學仔真係好幸福。」

瑪姬

江若琳、蝦頭（楊詩敏）與瑪姬一連三日現身沙田節「輪住遊社區單車導賞團」校園巡迴講座，走訪慈航學校、佛教黃允畋中學及保良局王賜豪小學，與過千師生互動，笑聲震翻全場。

江若琳、蝦頭與瑪姬一連三日走訪沙田多間學校，與過千師生互動。

蝦頭自爆曾誤踩流浪狗糧食盤遭狂吠，提醒同學騎車要留神，又獻唱《停一停 心呼吸》傳遞正能量。

蝦頭分享童年學單車回憶，自爆曾因停車時沒留意周圍，一腳踩正流浪狗糧食盤，惹來狗狗狂吠，以此提醒同學騎行要時刻留神。她又即場獻唱《停一停 心呼吸》，寄語學生遇困難要停一停。瑪姬則聯同青少年及少數族裔「特派司儀」主持，更走入學生群中獻唱《重頭感覺》。江若琳首場驚喜現身，獻唱新歌《慢慢揸比較快》，與小學生親切互動。活動尾聲，三人聯同召集人楊英瀚議員及校長帶領師生宣讀「單車友善約章」，首週累計逾1,800名學生參與。

瑪姬走入學生群中獻唱《重頭感覺》。

江若琳首場驚喜現身唱《慢慢揸比較快》，與小學生親切互動。

眾人帶領師生宣讀「單車友善約章」，首週累計逾1,800名學生參與。