陳友遇小鮮肉開鎖佬自嘲老臘肉 大爆花名「Chan Friend」由來

「溫拿鼓王」陳友到新城接受李有毅（Ben）和兒子李國煒（Benson）主持的《Ben同Benson「chur」到行》錄音訪問，陳友在新城廣播巧遇新晉樂隊「Locksmiths開鎖佬」，5子看到前輩即醒目自我介紹，並送上為宣傳派台歌《陪我去台北》而製作的鎖匙扣和貼紙，陳友看到他們即搞笑表示：「點搵開鎖佬？如果半夜要搵邊個？」之後又問：「你哋邊個負責打鼓？識唔識左邊打三下，右邊兩下？」與一班後生仔打成一片，完全沒有隔閡。

陳友接受新城廣播《Ben同Benson「chur」到行》錄音訪問。

節目甫開始，Ben以音樂劇製作人、演員和導演等介紹陳友，陳友聞言即自嘲是「老臘肉」，他稱：「頭先行入嚟見到班小鮮肉，原來係對Band，佢哋叫Locksmiths，我話我叫Keymaker，你頭先介紹我有咁多職位，做完之後就變成一條老臘肉。」Ben笑指：「你係常青嘅，小鮮肉會變質，臘肉可以保鮮，永遠保存。」陳友反問：「你都係五十年代出生，都好老臘肉喎，老臘肉mix小鮮肉係咩肉？」Ben搞笑謂：「午餐肉！」引來哄堂大笑。

Ben透露中學時期很喜歡聽溫拿的歌曲，又經常跟同學一起唱溫拿的歌，陳友嘆氣謂：「我都想唱，但被禁止，有兩個原因，一係唱得唔好，二係唔夠靚仔，企前面都係靚仔倫（譚詠麟）同靚仔B（鍾鎮濤），我惟有打鼓，我打快啲，佢哋跳快啲，我打慢啲，佢哋又跳慢啲。」陳友在圈中有個花名叫「Chan Friend」問他這個名字由來？他解釋是盧大偉為他改的，「佢有好多爛gag，佢話『你叫陳友，so good morning chan friend』，我依家開咗一個studio就係叫Chan friend Studio。」

左起：李有毅、陳友、李國煒

陳友當年開拍一部電影《馬騮過海》，邀請了關芝琳父親關山飾演一角，他稱：「關老師問我哋艘船係點？我話幾好㗎，有泳池，但其實係艘貨船，不過真係有泳池，就係咁，我嘅電影生涯就由暈船浪開始。」Ben讚陳友拍攝的電影都很賣座，陳友笑指自己懂得出賣人：「電影劇本都係出賣自己、家人同朋友。」

2013年，陳友太太不幸患上骨癌，當太太被診斷只剩下兩三星期日子，什麼辧法也用盡，陳友表示當時照鏡，像映照了自己的一生，他說：「人生去到最低落時，有人叫我祈禱，祈完禱真係有神蹟，唔使令我遺憾終生，認識神真係令我改變咗好多。」

陳友巧遇新晉樂隊「Locksmiths開鎖佬」。

詳細節目內容，請留意4月9日，晚上11時–凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/

陳友遇小鮮肉開鎖佬自嘲老臘肉 大爆花名「Chan Friend」由來

藝人滕麗名（阿滕）日前到新城廣播接受李有毅和李國煒主持的《Ben同Benson『Chur』到行》錄音訪問，大談與丈夫相識、相戀至結婚12年來的相處點滴。她笑言丈夫當年用「另類方法」追求自己，首次約會更遲到45分鐘，反而成功引起她的注意。

滕麗名接受李有毅和李國煒主持的《Ben同Benson『Chur』到行》錄音訪問。

阿滕在訪問中透露，她與丈夫是在朋友的推動下認識的，「搞party，成日搞party，燒嘢食，今日蒙古燒，聽日食火鍋。」她笑言丈夫並非主動出擊型，而是用了另類的追求方法。她解釋道：「如果男仔想識女仔，其中一個方法就係特登唔理佢。」她指當時朋友在中間推波助瀾，加上丈夫對她表現出好奇心，慢慢便拉近了距離。

滕麗名與丈夫朱建崑

而兩人首次約會的情景，阿滕至今仍然歷歷在目，「佢遲咗45分鐘，仲要約我去日本餐廳食壽司吧。」她透露丈夫以塞車為由解釋，但她坦言這個遲到反而讓她記住了對方。「即刻記住佢，即刻好嬲。」她說正因為這樣，之後便開始留意這個人。

滕麗名

被問到如何維繫12年的婚姻，阿滕表示二人每年都會找一些新鮮感給自己，「我哋應承咗大家每年都搵一啲嘢去開心吓。」她又指每年年底，二人已經很緊張地策劃來年的大計，「每一年都有一個目標，有一年我哋去冒險，去一啲完全冇去過嘅地方，我去做research，去毛里裘斯。」她笑言有時甚至是一起買樓，例如在泰國置業，然後一起搞裝修。「呢件事令到大家都有個目標，有個慾望，去等到呢一日。」

滕麗名

阿滕更自爆與丈夫設有專屬的「外星話」密碼，以防被AI詐騙。「我同我老公真係有護照，係九唔搭八嘅密碼，呢個世界冇人會知嘅，除咗我哋兩個。」她笑言若要過數匯款，對方必須說出密碼，否則不會過數。

重溫節目，請於6月15日晚上十一時登入知訊台《Ben同Benson『Chur』到行》：https://www.metroradio.com.hk/MetroInfo/