張馳豪詹天文勁歌熱舞渾身解數 Michael C將偶像方大同紋上手臂

新城廣播劇《現在就愛》已於上周五晚（4月25日）搬上舞台，在海洋公園怡慶坊舉行《新城唱好海洋公園 現在就愛音樂會》，演出歌手包括張馳豪(Aska)、力臻、詹天文(Windy)、Beanies及Michael C，TVB高層張仲恒與林智樂及龔嘉欣、何晉樂及郭佩文等拉隊捧場，而馬天佑甫下飛機便趕到現場探Aska和班，並送上鮮花給Aska和Jaime＠Beanies班。

左起：Michael C、張天穎、詹天文、力臻與張馳豪打開時間錦囊。

Aska跳舞。

五人在台上逐一揭曉他們早前為宣傳舞台劇《現在就愛》而寫下的時間錦囊，Aska盼增磅至77公斤，然後大曬肌肉，即被台下粉絲起哄叫除衫；Michael C則希望更加珍惜身邊人，並露出手上紋身，自爆將已故歌手方大同紋在手臂，繼續陪他走音樂路，他稱：「我好鍾意方大同，佢嘅音樂好好聽，因為佢所以開始我音樂之路。」

Windy跳舞。

左起：龔嘉欣、林智樂、何晉樂齊捧張馳豪及詹天文場。

Beanies

Beanies以校園Look亮相，並各自solo演出，惟成員黃健怡（Winky）因失聲未能獻唱個人新歌《小人國》，只與隊友們合唱《最佳女團友》及《公主抱》，其他隊友異口同聲表示不擔心被Winky傳染，她們笑言：「佢啲菌都係有愛嘅，因為『現在就愛』嘛！」眾人施展混身解數，在音樂會上又唱又跳，引來台下觀眾尖叫聲不絕。Jaime與Aska合唱完《勾手指尾》後還即場勾手指尾，即引起Beanies其餘4位成員妬忌，在接受訪問時笑言：「我哋有８隻手，可以勾８隻手指尾，多過佢哋兩個。」

張天穎

左趗：力臻、張馳豪、Ｍichael C合唱。

Aska與張天穎勾手指尾！

事後，Michael C提到偶像方大同的去世讓他傷心不已，他透露：「我記得當日我開緊車，喺社交媒體上睇到佢嘅消息，我一邊開車一邊默默流眼淚。」他又指早年曾跟方大同約定過，希望有朝一日可以和對方合作，「佢好nice，話佢會等我，但呢個合作永遠都實現唔到，真係好難過，依家都好唔開心，後尾選擇紋身方式，將佢擺喺我心入面。（佢邊方面影響你最深？）係佢嘅善良，佢唔只愛音樂，亦好愛佢身邊每個人。」

Michael C

Michael C展示方大同紋身。

《新城唱好海洋公園 現在就愛音樂會》圓滿結束。

Felix林智樂推出新歌《魔法情侶工作室》，是他首次嘗試輕快浪漫的曲風，MV邀請到《聲秀》師妹Jenny甄敏芳擔任女主角，二人飾演一對校園情侶，Felix形容是「可一不可再」，他笑言：「我演藝生涯可能係得一次會有咁close嘅鏡頭。」

林智樂（Felix）推出新歌《魔法情侶工作室》。

首次嘗試輕快浪漫曲風。

關於新歌為何一改風格，Felix笑言自己是「老靈魂」，他說：「之前有歌迷留言話，不如唱一啲貼近你年紀嘅歌啦，青春啲後生啲嘛。之後喺監製舒文send嚟嘅demo入面，我一聽到呢首就揀咗，因為好入腦，我聽一次就已經記得點唱。」他又分享錄音時，舒文花了整整一個session去雕琢如何唱好verse部份，拿走唱腔中他認為虢礫緙嘞的聲音。

MV邀得《聲秀》師妹甄敏芳（Jenny）任女主角，飾演校園情侶。

Felix笑言是「可一不可再」。

MV一大亮點是邀請到師妹Jenny甄敏芳擔任女主角，二人飾演校園情侶，更有近距離甜密鏡頭，整個畫面充滿粉紅泡泡。被問到要拍攝親密鏡頭時有沒有心跳的感覺，Felix笑言：「其實時時刻刻都有心跳嘅，如果冇心跳就會死㗎嘛。不過真係冇諗咁多，終於明其他人拍kiss戲、close戲嘅感受，因為現場有好多人喺現場，淨係諗住要盡早完成，冇諗咁多嘢。」Felix又說：「其實拍之前有好好溝通，有問清楚對方o唔ok，如果唔ok可以改。佢覺得唔舒服或者你邊邊面靚都可以改，最緊要係令對方感覺得舒服，安心就可以，咁就唔會尷尬。」他又提到，現在MV剪走了一些更親密的鏡頭，因為他與團隊都覺得甜蜜可以不用畫公仔畫出腸，保留想像空間給大家會更好。

他又指有歌迷留言建議唱青春啲嘅歌，故一聽demo即選中。

Jenny首次拍MV坦言緊張，事前找家人練習近距離接觸。

Jenny作為第一次拍攝MV的師妹，坦言接到任務時既興奮又緊張。她表示：「事有盡量早啲瞓，用心護膚，希望以最好狀態去拍攝。事前溫習時見故事大綱有親密接觸鏡頭，我好驚自己會忍唔住笑，又或者會怯場退縮。所以事前有搵屋企人陪我練習，預先體驗同另一個人保持極近距離嘅感覺，提前預習一下。」

對於首次與 Felix 合作，Jenny 大讚師兄貼心又幽默：「佢好直率又搞笑，而且察覺到我會尷尬，拍親密鏡頭前會一直安慰我『唔使擔心』，叫我放鬆啲，令我非常安心。休息嘅時候佢亦都會同我傾計，互相多了解，令到正式拍攝嘅畫面更加自然。」她又說：「Roll 機時可以迅速投入角色，但真係好近嘅時候確實會緊張、心跳加速，甚至唔敢呼吸！拍完之後先發覺成個人好熱、出晒汗面都紅埋！」不過她仍然很感激能夠獲得這次寶貴的演戲體驗。

Jenny大讚Felix貼心幽默，令她安心拍攝。