為人父母的攰人盡皆知，每當假期週末，戶外遍佈帶著小朋友拼命放電的家長，不過往往家長的電量一早耗盡，而小朋友卻依然精神力十足。
示意圖片
日前就有網友在公園偶遇父母帶小朋友放電，並拍下令一眾父母共鳴的一幕。相片中兩名成年男女，坐在兩架嬰兒車上喘息，而畫面遠處則是在上躥下跳的小朋友，畫面相當搞笑。而影相的網友似乎亦同樣是家長，深有感觸的寫到「嗰種攰係不言而喻」，事主又特別聲明，「零批判，勁想join（加入）」。
網站截圖
網上圖片
帖文曝光掀起網友熱議，特別是一種感同身受的家長紛紛留言：「我都成日坐，湊仔真係最攰嘅工作，無之一」、「感受到個阿爸呢一刻嘅少少放鬆，血壓降低，心跳減速嘅舒服……自問唔敢坐」。
《一步一步的愛》劇照。示意圖片
不過更多網友就錯重點，不少家長在帖文下留言好奇手推車是什麼牌子，竟有如此強的承重力「架車勁喎，咁都頂得住，想join（加入）+1」、「求牌子」、「同問，極需要」、「只要你唔推動，任何牌子都能夠承重大人嘅重量」、「夠力，只係屁股大坐唔落」。亦有人笑言「組團父母一齊坐BB車，整個車展玩下」。
