房屋署近期嚴打濫用公屋，網絡流傳一段影片顯示，一名公屋女住戶因不滿被收回單位，到房屋署辦事處大吵大鬧。據悉，該住戶因房屋署職員多次突擊家訪時均未能聯絡上。
資料圖片
公屋女住戶大鬧房署
影片長41秒，雖未有提及拍攝時間及地點，但可以猜測疑似在屋邨辦事處內。該名公屋女住戶舉機拍攝職員，喝斥：「做咩先？房屋署無叫你嚟家訪我，女戶主係我一個，你兩個嚟家訪我已經係唔正確，我問你叫咩名職員編號你做咩唔留低啊？」
FB影片截圖
粗口橫飛 職員無奈終止對話
影片中，該名女住戶情緒激動，不斷以粗口辱罵職員，職員則離開座位走到角落位置，遮蓋半邊身影。女住戶連珠炮發：「第2日，連續3日管理處叫我搬走，即係好好玩啦係咪啊？我唔係同你講笑啊！我而家個單位串咗！你做咩遮X住自己啫？」、「你傻X咗啊你！冚家X！X街啦去！」更揚言「我同你一齊返差館我都唔X驚啊！」面對住戶的激烈言行，職員只能退到牆角，最終表示「我諗我哋嘅對話要終止」。
FB影片截圖
網民意見兩極
事件引發網民熱議，有人質疑房屋署家訪安排欠彈性：「3次家訪唔見人就要收樓？返夜嗰班怎算？」、「人哋唔使返工咩？」亦有網民支持房署執法：「正常嚟講，收樓好大件事，房署一定有充分理由」、「前線公務員真係辛苦晒，成日遇到呢啲刁民」。
資料圖片
