沙田去上環睇醫生遭的士拒載 長者上車即無奈落車 同行怒轟：呢行自己搞死自己

有的士司機在社交平台分享車Cam片段，揭露有同行疑拒載一對由沙田前往上環東華醫院覆診的長者，樓主慨嘆「過海大旗都揀」，直言「呢個行業真係自己搞死自己」。

有的士司機在社交平台分享車Cam片段。Threads截圖

兩老上車僅數秒即無奈落車

事發於上周五（12日）中午約一時，樓主在沙田市中心的士站排隊等客。從其上載的車Cam可見，一男一女兩名長者步履蹣跚走近，登上前方另一輛的士。然而該車僅向前稍移即停下，兩名長者隨即開門落車，轉身步向樓主的車輛，全程被鏡頭記錄。

有的士司機在社交平台分享車Cam片段。Threads截圖

伯伯一句「坐呢架舒服啲」盡顯修養

樓主其後發文交代細節，指兩老上車後，伯伯客氣地說：「麻煩師傅，上環東華醫院。」樓主爽快答應。伯伯隨後感嘆：「坐呢架舒服啲。」樓主連聲附和，並細心調大冷氣，叮囑長者如有不適可隨時提出。樓主坦言，當刻已無意追問前車拒載原因，只因感受到兩老散發的「和藹磁場」，心情亦隨之平靜。

兩名長者隨即開門落車，轉身步向樓主的車輛。Threads截圖

好心司機慨嘆：生意唔好大旗仲要揀

事件引發網民熱議，有網民分享類似經歷，指曾在商場外遇上前車不肯過海，最終由後車接載，感嘆「過海大旗」竟無人願做。樓主回應時無奈表示：「生意唔好，大旗仲要揀」，道出業界部分司機連長途大客都挑剔的怪象。

網民狠批拒載行為 大讚暖心司機

不少網民對拒載行為表示憤怒，直斥「去醫院都拒載，真無品」，不解為何「沙田去東華」這類大單都不做，批評部分司機「過海唔去、短程唔去、長程無回頭客唔去」，最終只會拖累整個行業。有沙田居民更形容，區內部分的士猶如「沙田綠van」，一出沙田即拒載。

有沙田居民更形容，區內部分的士猶如「沙田綠van」，一出沙田即拒載。資料圖片

對於伯伯那句「坐呢架舒服啲」，有網民認為此言充滿人生智慧，展現高EQ，亦有人笑猜前車可能車廂太熱或氣味不佳。網民紛紛大讚樓主是「好的士司機」，不僅幫了長者，更為服務業樹立榜樣，祝願他「日日道道暢通」，好心有好報。

根據《道路交通（公共服務車輛）規例》，的士司機無合理辯解不得拒載。乘客如遇「揀客」情況，可記下車牌及司機姓名，向警方或運輸署投訴。

早前一位42歲中年港男在社交平台發文，苦訴失業5個月仍未找到工作，即使自願降職及人工減半，依然未獲賞識，陷入中年危機，心灰意冷。

早前一位42歲中年港男在社交平台發文，苦訴失業5個月仍未找到工作。Threads截圖

5個月寄出50份CV 僅得4、5次面試

事主發文表示，自己已失業五個月，期間努力寄出50份求職信，但面試機會只得四、五次，令他心情極度低落。職場上的挫敗令他信心盡失，坦言「極度唔想面對朋友，亦都唔想出門口，朋友搵我，都唔想理，想收埋自己」，更形容自己「負面情緒爆晒燈」、「喺個仔面前完全係一個負面嘅教材」。

樓主形容自己「負面情緒爆晒燈」。AI生成圖

自願降職減薪仍被拒 疑因年齡被嫌棄

事主透露，失業前月入約五萬多至六萬元，為求盡快重返職場，不惜自願應徵低一級的職位，甚至願意人工減半，但「而家搵份兩萬幾蚊嘅人工都搵唔到」。

他引述面試官的回覆：「好欣賞你嘅能力同CV都好好，但係我哋而家係搵啲比較junior」，令他不禁慨嘆：「就係咁幾單面試都係失敗，唔係唔肯做啲低一級嘅工，係人地根本上好似唔俾機會我呢一輩嘅人。」

面試官雖欣賞樓主能力，但表示公司較想為初級崗位作招聘。資料圖片

網民同路人互相安慰

事主的遭遇引起大批網民共鳴，不少人留言分享自己同樣是中年失業一族，亦有過來人安慰鼓勵。有網民勸說：「兄弟，你42歲，唔係終點，只係要轉彎」、「呢個時候朋友先最重要，唔好收埋自己，失業不可恥，不上進努力才可恥，你做得出能屈能伸，人哋更加佩服你」。更有人窩心表示：「理解你的心情，想同你講，其實仔仔唔需要一個月入五萬嘅老豆，而係需要一個跌低咗仲識笑嘅老豆呢。」

事主的遭遇引起大批網民共鳴。AI生成圖

事主其後感性回應，感謝網民的支持：「估唔到，咁多人回應，咁多人有同感，多謝大家，今日去咗行山，一樣係以前條路，香港仍然好靚，但可惜感覺大不相同。」