外出用膳豐儉由人，不過有食客近日發帖分享與女兒到西灣河蘇豪東一餐館用膳，點了咕嚕肉和白飯，連茶芥加一收218元價錢太貴，質疑「唔好去搶」，帖文旋即引起網民兩極意見。
網上圖片
該食客在Fb群組「筲箕灣西灣河關注組」發文，寫道：「咁樣收我$218真係唔好去搶……」。樓主表示，日前攜同年幼的女兒到位於蘇豪東某餐館享用晚膳，從其上載的照片可見咕嚕肉賣相精緻，但分量較少，「味道我覺得酸咗少少，唔係話食唔起，不過覺得收呢個價錢唔值啫……」，最後指下次光顧連鎖食店「無咁嬲」，坦言「無下次」。
網上圖片
樓主指是因為女兒要求才幫襯，「其實啲咁肥膩嘅嘢我係唔想食，不過個女想食冇辦法」，但認為「收我咁嘅價錢起碼都應該包我碗白飯同茶水啦」。她聲稱自己搵八萬蚊幾蚊一個月，是中產人士，「我畀得起，但係唔代表啲錢咁樣使係值得」，又指「如果唔係個女要考試，我個個禮拜六日想北上消費，使乜喺香港食啲咁嘅垃圾，仲要畀咁貴」。
帖文引起網民兩極意見，有網民認同價錢離地，「兩餸飯$40有找，可能仲多啲飯」、「我會寧願食快餐，或者兩餸飯，或者食公仔麵」、「特色欠奉，根本不值這價錢」、「酒店價錢，兩餸飯級數」。
不過，亦有網民不賣賬，揶揄「見到個地段，見到個門面，都預咗唔係茶餐廳價錢啦」、「太過分，一定係佢搵支槍，指住你入去食」、「貴從來都不是餐廳的問題，是閣下的問題」。
早前一位42歲中年港男在社交平台發文，苦訴失業5個月仍未找到工作，即使自願降職及人工減半，依然未獲賞識，陷入中年危機，心灰意冷。
早前一位42歲中年港男在社交平台發文，苦訴失業5個月仍未找到工作。Threads截圖
5個月寄出50份CV 僅得4、5次面試
事主發文表示，自己已失業五個月，期間努力寄出50份求職信，但面試機會只得四、五次，令他心情極度低落。職場上的挫敗令他信心盡失，坦言「極度唔想面對朋友，亦都唔想出門口，朋友搵我，都唔想理，想收埋自己」，更形容自己「負面情緒爆晒燈」、「喺個仔面前完全係一個負面嘅教材」。
樓主形容自己「負面情緒爆晒燈」。AI生成圖
自願降職減薪仍被拒 疑因年齡被嫌棄
事主透露，失業前月入約五萬多至六萬元，為求盡快重返職場，不惜自願應徵低一級的職位，甚至願意人工減半，但「而家搵份兩萬幾蚊嘅人工都搵唔到」。
他引述面試官的回覆：「好欣賞你嘅能力同CV都好好，但係我哋而家係搵啲比較junior」，令他不禁慨嘆：「就係咁幾單面試都係失敗，唔係唔肯做啲低一級嘅工，係人地根本上好似唔俾機會我呢一輩嘅人。」
面試官雖欣賞樓主能力，但表示公司較想為初級崗位作招聘。資料圖片
網民同路人互相安慰
事主的遭遇引起大批網民共鳴，不少人留言分享自己同樣是中年失業一族，亦有過來人安慰鼓勵。有網民勸說：「兄弟，你42歲，唔係終點，只係要轉彎」、「呢個時候朋友先最重要，唔好收埋自己，失業不可恥，不上進努力才可恥，你做得出能屈能伸，人哋更加佩服你」。更有人窩心表示：「理解你的心情，想同你講，其實仔仔唔需要一個月入五萬嘅老豆，而係需要一個跌低咗仲識笑嘅老豆呢。」
事主的遭遇引起大批網民共鳴。AI生成圖
事主其後感性回應，感謝網民的支持：「估唔到，咁多人回應，咁多人有同感，多謝大家，今日去咗行山，一樣係以前條路，香港仍然好靚，但可惜感覺大不相同。」
